சென்னை: சென்னையைச் சேர்ந்த ஓய்வுபெற்ற ஐஏஎஸ் அதிகாரி பி.எஸ்.ராகவன், மத்திய அரசின் பல்வேறு துறைகளில் சுமார் 35 ஆண்டு காலம் பணியாற்றியுள்ளார். இவர் திரிபுரா மாநில தலைமைச் செயலாளராகவும், மேற்கு வங்க மாநிலத்தில் பல்வேறு உயர் பதவிகளிலும் இருந்துள்ளார்.
ஓய்வு பெற்று சென்னையில் வசித்து வந்த இவர், சமீபத்தில் தனது 97வது வயதில் காலமானார். இந்த நிலையில், இவரது நினைவேந்தல் நிகழ்ச்சி, இன்று மாலை (ஏப்.27) சென்னை ஆழ்வார்பேட்டையில் நடைபெற்றது. இந்நிகழ்ச்சியில் மத்திய நிதி அமைச்சர் நிர்மலா சீதாராமன், முன்னாள் தலைமைத் தேர்தல் ஆணையர்களான கிருஷ்ணமூர்த்தி, கோபாலசாமி, ஆடிட்டர் குருமூர்த்தி உள்ளிட்டோர் பி.எஸ்.ராகவனின் செயல்பாடுகள் குறித்து பேசினர்.