சென்னை: விழுப்புரம் மாவட்டம், விக்கிரவாண்டி சட்டமன்றத் தொகுதி இடைத்தேர்தலின் போது, நாம் தமிழர் கட்சியின் தலைமை ஒருங்கிணைப்பாளர் சீமான், முன்னாள் முதல்வர் கருணாநிதி குறித்து அவதூறாகப் பேசியதாகக் கூறப்படுகிறது. குறிப்பாக, முன்னாள் முதல்வர் கருணாநிதி குறித்து 'சண்டாளன்' எனக் கூறினார். இதனால் தமிழ்நாட்டின் பல பகுதியில் இருந்து சீமான் மீது புகார் கொடுக்கப்பட்டது.
அந்த வகையில், ஆவடி காவல் ஆணையரகத்துக்கு உட்பட்ட பட்டாபிராம் காவல் நிலையத்தில், ராஜேஷ் என்பவர் நாம் தமிழர் கட்சி தலைமை ஒருங்கிணைப்பாளர் சீமான் மீது வழக்குப்பதிவு செய்து நடவடிக்கை எடுக்கக் கோரி புகார் அளித்தார். ஆனால், புகாரின் பேரில் போலீசார் எந்தவித நடவடிக்கையும் எடுக்கவில்லை என, எஸ்சி, எஸ்டி ஆணையத்திடம் ராஜேஷ் புகார் அளித்தார்.