சென்னை:ஃபெஞ்சல் புயல், மழை பாதிப்புகளின் காரணமாக சென்னை, விழுப்புரம், திருவண்ணாமலை உள்ளிட்ட மாவட்டங்களில் இம்மாதம் மின் கட்டணத்தை செலுத்த கூடுதல் கால அவகாசம் வழங்க வேண்டும் என்று நுகர்வோரிடம் இருந்து அரசுக்கு கோரிக்கை விடுக்கப்பட்டது. இந்த கோரிக்கையை ஏற்று மின்கட்டணத்தை அபராதத் தொகை இல்லாமல் செலுத்துவதற்கான கால அவகாசத்தை டிசம்பர் 10 ஆம் தேதி வரை நீட்டித்து மின்சாரத் துறை செந்தில் பாலாஜி உத்தரவிட்டுள்ளார்.
இதுதொடர்பாக தமிழக அரசு இன்று வெளியிட்டுள்ள செய்திக்குறிப்பில், "தமிழ்நாடு முதலமைச்சர் அவர்களின் வழிகாட்டுதலின் படி, தமிழ்நாட்டில் ஃபெஞ்சல் புயல் காரணமாக சென்னை, காஞ்சிபுரம், செங்கல்பட்டு மற்றும் திருவள்ளுர் ஆகிய 4 மாவட்டங்களில் உள்ள மின் நுகர்வோர்களுக்கு மின் கட்டணம் செலுத்துவதில் ஏற்பட்டுள்ள இடர்பாடுகளை கருத்தில் கொண்டு மின்கட்டணத்தை அபராதத் தொகை இல்லாமல் செலுத்த டிசம்பர் 10ம் தேதி வரை காலநீட்டிப்பு செய்யப்பட்டது.