சென்னை: தமிழ்நாடு டாக்டர் அம்பேத்கர் சட்டப் பல்கலைக் கழகம், தமிழ்நாடு அரசின் சட்டத் துறை மற்றும் மெட்ராஸ் பார் அசோசியேஷன் இணைந்து நடத்தும் சட்டக் கல்லூரி மாணவர்களுக்கான 3 நாட்கள் பயிலரங்கத்தை சென்னை உயர்நீதிமன்ற நீதிபதி எஸ்.எஸ்.சுந்தர் குத்துவிளக்கு ஏற்றி துவங்கி வைத்தார். இதில் தமிழ்நாடு அரசின் சட்டத் துறை செயலாளர் ஜார்ஜ் அலெக்சாண்டர், மெட்ராஸ் பார் அசோசியேஷன் தலைவர் பாஸ்கரன், சட்டக் கல்வி இயக்குனர் பேராசிரியர் விஜயலட்சுமி ஆகியோர் கலந்து கொண்டனர்.
இந்நிகழ்ச்சியில் சிறப்புரையாற்றிய நீதிபதி,"வழக்காடுவது என்பது ஒரு கலை. அதை. அனைத்து இளம் வழக்கறிஞர்களும் உருவாக்கி கொள்ள வேண்டும். வழக்கறிஞராக நான் பணியை தொடங்கிய ோது, ஆங்கிலத்தில் நீதிமன்றத்தில் பேச தயங்கமும், அச்சமும் இருந்தது. ஆனால் தற்போது அதையெல்லாம் சரி செய்ததால் தான் நீதிபதியாக உள்ளேன்.
புத்தகம் வாசிக்கும் பழக்கத்தையும், கூர்ந்து கவனிப்பதையும் பழக்கப்படுத்திக் கொள்ளுங்கள். வழக்கை நீதிமன்றத்தில் நடத்தும் முன், வழக்குகளை எளிமையாக விளக்க கதை போல் சொல்லும் திறமையை வளர்த்துக் கொள்ளவும், தெளிவான வாதத்தை வைக்கும் வகையில் தயார்படுத்தி கொள்ள வேண்டும்.