வேலூர்: வேலூர் நாடாளுமன்றத் தொகுதியில் போட்டியிடும் சுயேட்சை வேட்பாளர் நடிகர் மன்சூர் அலிகானுக்கு, தேர்தல் ஆணையம் சின்னம் ஒதுக்கீடு செய்துள்ளது. மன்சூர் அலிகான் வேட்புமனு தாக்கல் செய்யும் போது பலாப்பழம், லாரி, கிரிக்கெட் பேட் உள்ளிட்ட மூன்று சின்னங்கள் கேட்டிருந்தார். இந்நிலையில், தேர்தல் நடத்தும் அலுவலர் "பலாப்பழம்" சின்னம் ஒதுக்கீடு செய்துள்ளார்.
பலாப்பழம் சின்னம் ஒதுக்கப்பட்டது குறித்து மன்சூர் அலிகான் அளித்த பேட்டியில் "வேலூரில் பழுத்த பலா, வெயிலூரில் பழுத்த பலா, மக்களுக்கான இனிப்பான பலா, வெற்றியின் சின்னம் பலா, இந்த பலாச் சுளைகளை மக்கள் சுவைப்பார்கள். முக்கனிகளில் ஒன்றான பலாவைப் போன்று மக்களை மகிழ்ச்சியாக வைத்திருப்பேன். பலாச்சுளை சின்னம் கிடைத்தது மகிழ்ச்சி அளிக்கிறது.