சென்னை: ஐ.பி.எல். சூதாட்ட வழக்கில் தொலைக்காட்சி விவாதத்தில் தனக்கு எதிராக அவதூறான கருத்துக்களை பரப்பியதாக, ஐ.பி.எஸ் அதிகாரி சம்பத்குமார், ஜீ மீடியா கார்ப்பரேஷன் உள்ளிட்டோருக்கு எதிராக கிரிக்கெட் வீரர் மகேந்திரசிங் தோனி, 2014 ம் ஆண்டு சென்னை உயர் நீதிமன்றத்தில் அவதூறு வழக்கு தொடர்ந்தார்.
அதில், 100 கோடி ரூபாய் மான நஷ்ட ஈடு வழங்க உத்தரவிட வேண்டும் எனவும் குறிப்பிட்டுள்ளார். இந்நிலையில், கடந்த 2014ம் ஆண்டு நடைபெற்ற சம்பவம் தொடர்பாக இனிமேல் பத்திரிகைகளில் பேட்டி அளிக்க கூடாது என ஐ.பி.எஸ் அதிகாரி சம்பத் குமாருக்கு இடைக்கால தடை விதித்த உயர்நீதிமன்றம் அவ்வபோது உத்தரவை நீட்டித்து வந்தது.
இந்நிலையில், இந்த வழக்கு நீதிபதி ஏ.ஏ.நக்கீரன் முன்பு இன்று விசாரணைக்கு வந்தது. அப்போது, தனியார் தொலைக்காட்சி சார்பில், தங்களுக்கு எதிராகவும், இந்த வழக்கு தொடரப்பட்டிருப்பதால், வழக்கில் தங்களை இணைத்து தோனி தரப்பில் பதிலளிக்க உத்தரவிட வேண்டும் என தெரிவிக்கப்பட்டது.