தூத்துக்குடி:தூத்துக்குடி மாவட்டம் கோவில்பட்டி அனைத்து மகளிர் காவல் நிலைய எல்லைக்குட்பட்ட பகுதியில் கடந்த 2022ஆம் ஆண்டு 16 வயது சிறுமியை பாலியல் வன்கொடுமை செய்த வழக்கில் கோவில்பட்டி பகுதியைச் சேர்ந்த 39 வயது ஆண் ஒருவரை கோவில்பட்டி அனைத்து மகளிர் காவல் நிலைய போலீசார் போக்சோ சட்டத்தின் கீழ் வழக்குபதிவு செய்து கைது செய்தனர்.
இவ்வழக்கின் விசாரணை தூத்துக்குடி மகிளா நீதிமன்றத்தில் நடைபெற்று வந்தது. இந்நிலையில் இன்று நீதிபதி மாதவ ராமானுஜம் முன் இந்த வழக்கு விசாரணைக்கு வந்தது. அப்போது வழக்கின் தீர்பாக குற்றவாளியான நபருக்கு 10 வருடங்கள் கடுங்காவல் தண்டனை மற்றும் ரூபாய் 3,000 அபராதமும் விதித்து நீதிபதி உத்தரவிட்டார்.