சென்னை:நடிகை கவுதமி பாஜகவில் இருந்து கடந்த ஆண்டு விலகினார். இதையடுத்து இந்த ஆண்டு பிப்ரவரி மாதம் எடப்பாடி பழனிசாமியை நேரில் சந்தித்து அதிமுகவில் இணைந்தார். லோக்சபா தேர்தலிலும் அவர் அதிமுகவுக்கு ஆதரவாக பிரச்சாரம் செய்தார்.
இந்நிலையில் இன்று அதிமுக தலைமைக் கழகம் வெளியிட்ட அறிவிப்பில் "அதிமுக கொள்கை பரப்பு துணைச் செயலாளராக திரைப்பட நடிகை கவுதமி நியமனம் செய்யப்பட்டுள்ளார். அதேபோல் லோக்சபா தேர்தலை தொடர்ந்து பாஜகவிலிருந்து விலகி அதிமுகவில் இணைந்த தடா பெரியசாமி, அனைத்துலக எம்ஜிஆர் மன்ற துணைச் செயலாளராக நியமனம் செய்யப்பட்டுள்ளார்.
இதையும் படிங்க:"எம்.ஜி.ஆர், ஜெயலலிதாவுக்கு பின்பும் அதிமுக போராட்டங்களை சந்தித்து வருகிறது" - நெல்லையில் ஈபிஎஸ் பேச்சு!