பாரீஸ்:33வது பாரீஸ் ஒலிம்பிக் தொடர் பிரான்ஸ் தலைநகர் பாரீசில் கோலாகல தொடக்க விழாவுடன் தொடங்கி நடைபெற்று வருகிறது. 3வது நாளான இன்று (ஜூலை.29) ஆடவர் இரட்டையர் டென்னிஸ் பிரிவின் முதல் சுற்று ஆட்டம் நடைபெற்றது. இதில் இந்தியாவின் ரோகன் போபன்னா - என் ஸ்ரீராம் பாலாஜி இணை பிரான்சின் கேல் மொன்பில்ஸ், எட்வர்ட் ரோஜர் வெசலின் ஜோடியுடன் மோதியது.
தொடக்கம் முதலே தடுமாற்றத்துடன் விளையாடிய இந்திய இணையால், பிரான்ஸ் வீரர்களுக்கு ஈடுகொடுத்து விளையாட முடியாமல் போனது. தொடக்க செட்டை 5-க்கு 7 என்ற கணக்கில் ரோகன் போபன்னா - ஸ்ரீராம் பாலாஜி இணை கோட்டைவிட்டது. இரண்டாவது செட்டிலும் பிரான்ஸ் ஜோடி ஆதிக்கம் செலுத்தியது.