சென்னை:கூழாங்கல் இயக்குநர் பி.எஸ்.வினோத்ராஜ் இயக்கத்தில், நடிகர் சூரி நடித்துள்ள புதிய திரைப்படம் கொட்டுக்காளி. இப்படத்தை நடிகர் சிவகார்த்திகேயன் தயாரித்துள்ளார். இதில் சூரிக்கு ஜோடியாக மலையாள நடிகை அன்னா பென் நடித்துள்ளார்.
இதில் புகைப்பட இயக்குநராக சக்திவேல், எடிட்டராக கனேஷ் சிவா, நிர்வாக தயாரிப்பாளராக பானு பிரியாவும் பணியாற்றி உள்ளனர். இப்படம் ரிலீஸ்-க்கு முன்பே பல சர்வதேச திரைப்பட விழாக்களில் திரையிடப்பட்டு பார்வையாளர்களிடம் பாராட்டுக்களைப் பெற்றது.
அந்த வகையில், கடந்த சில நாட்களாக சமூக வலைத்தளங்களில் கொட்டுக்காளி படம் எப்போது ரிலீஸ் செய்யப்படும் என ரசிகர்கள் கேள்வி எழுப்பி வந்தனர். அந்த வகையில், கொட்டுக்காளி படம் ரிலீஸ் தேதி குறித்த அறிவிப்பை க்ளிம்ஸ் மூலமாக படக்குழு அறிவித்துள்ளது. கொட்டுக்காளி படமானது வரும் ஆக.23ஆம் தேதி வெளியாகும் என அறிவிக்கப்பட்டுள்ளது.