சென்னை:இயக்குநர் ராஜ்குமார் பெரியசாமி இயக்கத்தில், நடிகர் சிவகார்த்திகேயன் நடிப்பில் உருவாகி இருக்கும் திரைப்படம் அமரன். இப்படத்தை நடிகர் கமல்ஹாசனின் ராஜ் கமல் ஃப்லிம்ஸ் இண்டர்நேஷ்னல் நிறுவனமும், சோனி பிக்சர்ஸ் இண்டர்நேஷ்னல் நிறுவனமும் இணைந்து தயாரிக்கிறது. இதற்கு இசையமைப்பாளர் ஜி.வி.பிரகாஷ் இசையமைத்துள்ளார்.
தமிழகத்தைச் சேர்ந்த மறைந்த மேஜர் முகுந்த் வரதராஜனின் வாழ்க்கையை மையப்படுத்தி இப்படம் உருவாகியுள்ளது. இதில், சிவகார்த்திகேயனுக்கு ஜோடியாக நடிகை சாய் பல்லவி நடித்துள்ளார். முன்னதாக, இப்படத்தின் படப்பிடிப்பு நிறைவு பெற்றதாக படக்குழு போஸ்டர் மூலம் அறிவித்தது.