சென்னை: லைகா புரொடக்ஷன்ஸ் தயாரிப்பில் இயக்குநர் டி.ஜே.ஞானவேல் இயக்கத்தில் நடிகர் ரஜினிகாந்த் நடித்துள்ள திரைப்படம் 'வேட்டையன்'. அனிருத் இசையமைத்துள்ள இப்படத்தில் அமிதாப் பச்சன், மஞ்சு வாரியர், ஃபகத் ஃபாசில், அபிராமி, துஷாரா விஜயன், ரித்திகா சிங் உள்ளிட்ட பலர் நடித்துள்ளனர்.
இத்திரைப்படம் வரும் அக்டோபர் 10ஆம் தேதி ஆயுத பூஜை விடுமுறைக்கு தமிழ், தெலுங்கு, இந்தி, கன்னடம் ஆகிய மொழிகளில் வெளியாகிறது. வேட்டையன் படத்தின் முதல் சிங்கிள் 'மனசிலாயோ' பாடல் வெளியாகி ரசிகர்கள் மத்தியில் பெரும் வரவேற்பை பெற்றது. இப்பாடலை சமூக வலைதளத்தில் பலர் ரீல்ஸாக வெளியிட்டனர்.
இதனைத்தொடர்ந்து வெளியான hunter varaar பாடலும் நல்ல வரவேற்பை பெற்றது. இந்நிலையில் படத்தின் டீசரின் மூலம் ரஜினிகாந்தின் கமர்ஷியலை தாண்டி இது டி.ஜே.ஞானவேல் படமாக இருக்கும் என தெரிந்தது. இந்நிலையில் வேட்டையன் படத்தின் டிரெய்லர் வரும் அக்டோபர் 2ஆம் தேதி காஎதி ஜெயந்தியன்று வெளியாகவுள்ளதாக படக்குழு அறிவித்துள்ளது.