நெல்லையில் வாழை படத்தை ரசிகர்களுடன் பார்த்த மாரி செல்வராஜ்! - Mari selvaraj watched vaazhai

Mari Selvaraj watched Vaazhai in Nellai Theater: வாழை திரைப்படம் இன்று வெளியாகியுள்ள நிலையில், இயக்குநர் மாரி செல்வராஜ் திருநெல்வேலி ராம் சினிமாஸ் திரையரங்கில் ரசிகர்களுடன் படம் பார்த்தார்.

திருநெல்வேலி: இயக்குநர் மாரி செல்வராஜ் இயக்கத்தில் கலையரசன், நிகிலா விமல், திவ்யா உள்ளிட்ட பலர் நடித்துள்ள திரைப்படம் “வாழை”. மாரி செல்வராஜ் தயாரித்துள்ள முதல் திரைப்படம் வாழை ஆகும். இப்படம் இன்று (ஆகஸ்ட் 23) தமிழ்நாடு முழுவதும் பல்வேறு திரையரங்குகளில் வெளியாகியுள்ளது. இந்நிலையில் திருநெல்வேலி, ராம் சினிமாஸ் திரையரங்கில் முதல் நாள் முதல் காட்சியை ரசிகர்களுடன் இயக்குநர் மாரி செல்வராஜ் கண்டுகளித்தார்.

முன்னதாக, வாழை திரைப்படம் வெளியாகி உள்ள ராம் சினிமாஸ் திரை அரங்கினை வாழைமரம் கொண்டு இயக்குநர் மாரி செல்வராஜ் நற்பணி மன்றத்தினர் அலங்கரித்தனர். அதேபோல், வாழை திரைப்படம் பார்க்க வந்த அனைவருக்கும் மரக்கன்றுகள் வழங்கப்பட்டது. இதனைத் தொடர்ந்து திரையரங்கிற்கு வந்த இயக்குநர் மாரி செல்வராஜிற்கு பட்டாசு வெடித்து வரவேற்பு அளித்தனர்.

பின்னர் மாரி செல்வராஜுக்கு ஆள் உயர மாலை அணிவித்து, அவரை ரசிகர்கள் தோளில் வைத்து தூக்கி ஆரவாரப்படுத்தினர். இப்படத்தின் வெளியீட்டின் முன்னதாகவே பார்த்த திரைப்பிரபலங்கள் மாரி செல்வராஜை பாராட்டி வருகின்றனர். இயக்குநர் பாலா, சூரி உள்ளிட்டோர் வாழை படம் பார்த்து, மாரி செல்வராஜை முத்தமிட்டு பாராட்டினர் என்பது குறிப்பிடத்தக்கது.

ஈடிவி பாரத் தமிழ்நாடு (Credits - ETV Bharat Tamil Nadu)

ஈடிவி பாரத் தமிழ் வாட்ஸ்ஆப் சேனலில் இணைய இங்கே கிளிக் செய்யவும்

இதையும் படிங்க:"என் வாழ்வின் உச்சபட்ச கண்ணீரை கதையாக்கி உள்ளேன்" - 'வாழை' படம் குறித்து மாரி செல்வராஜ் உருக்கம் - Vaazhai release