சென்னை: நடிகர் தனுஷ் கதாநாயகனாக நடித்து, இயக்கியுள்ள 'ராயன்' படத்தில் பர்ஸ்ட் லுக் வெளியாகியுள்ளது. சன் பிக்சர்ஸ் நிறுவனம் தயாரித்துள்ள ராயன் தனுஷின் 50வது திரைப்படமாகும். ஏ.ஆர்.ரகுமான் இசையமைத்துள்ள இப்படத்தில் காளிதாஸ் ஜெயராம், சந்தீப் கிஷன், துஷாரா விஜயன், எஸ்.ஜே.சூர்யா, அபர்ணா பாலமுரளி ஆகியோர் முக்கிய கதாபாத்திரத்தில் நடித்துள்ளனர்.
ராயன் படப்பிடிப்பு கடந்த டிசம்பர் மாதம் முடிந்ததாக தனுஷ் தனது எக்ஸ் பக்கத்தில் பதிவிட்டிருந்த நிலையில், இப்படம் தமிழ், தெலுங்கு, ஹிந்தி ஆகிய மொழிகளில் இந்த வருடம் வெளியாகவுள்ளது. ராயன் பர்ஸ்ட் லுக்கில் தனுஷ், காளிதாஸ் ஜெயராம், சந்தீப் கிஷன் ஆகியோர் கையில் கையில் கத்தியுடன் ஃபாஸ்ட் ஃபுட் கடையை நடத்துபவர்கள் போல தோன்றுகின்றனர். இப்படத்தின் ஃபர்ஸ்ட் லுக் ரசிகர்களிடையே வரவேற்பை பெற்று வருகிறது