தேனி:தேனி மாவட்டம், தேனி - மதுரை தேசிய நெடுஞ்சாலையில் தனியார் ஜவுளிக்கடை திறப்பு விழாவிற்காக நடிகர் ஜீவா வந்து ரிப்பன் வெட்டி குத்துவிளக்கு ஏற்றி திறந்து வைத்தார். பின்னர் செய்தியாளர்களை அவர் சந்தித்தார்.
அப்போது,"நான் தேனிக்கு ரொம்ப நாட்கள் கழித்து வந்திருக்கிறேன். இதற்கு முன்னதாக, தெனாவட்டு படத்திற்காக தேனிக்கு வந்தேன். அதற்கு பின் இப்போ தான் வந்திருக்கிறேன். பல இன்ட்ஸ்டிரியில் பல விஷயங்கள் நடக்கிறது. அனைவரின் முகத்திலும் சிரிப்பை ஏற்படுத்துவது தான் என்னுடைய வேலை.
இதற்கிடையில், ஹேமா கமிட்டி தொடர்பான செய்தியாளர்கேள்விக்கு, இந்த சம்பவம் பற்றி எனக்கு எதுவுமே தெரியாது என செய்தியாளரை ஒருமையில் பேசி உள்ளார். மேலும், எந்த இடத்துல வந்து இந்த மாதிரி கேள்வி கேட்கிறாய் என்று கோபத்துடன் திட்டியவாறு" சென்றார். இதனால் செய்தியாளர்களுக்கும், ஜீவாவுக்கும் வாக்குவாதம் ஏற்பட்டது.