சென்னை :தமிழ் சினிமாவில் முன்னணி நடிகராக திகழ்பவர் நடிகர் அஜித் குமார். இவரது நடிப்பில் விடாமுயற்சி, குட் பேட் அக்லி ஆகிய இரு திரைப்படங்கள் உருவாகி வருகின்றன. விடாமுயற்சி படத்தை இயக்குநர் மகிழ் திருமணியும், குட் பேட் அக்லி திரைப்படத்தை இயக்குநர் ஆதிக் ரவிச்சந்திரனும் இயக்கி வருகின்றனர். கடந்த இரண்டரை வருடங்களாக நடிகர் அஜித் குமார் நடிப்பில் படங்கள் ஏதும் வெளியாகவில்லை. இந்நிலையில், குட் பேட் அக்லி திரைப்படம் வரும் பொங்கல் அன்று ரிலீஸ் செய்யப்படும் என ஏற்கனவே அறிவிக்கப்பட்டது.
இந்நிலையில், விடாமுயற்சி படமும் இரு வருடங்களாக படப்பிடிப்பு நடைபெற்று வந்த நிலையில், அதன் ரிலீஸ் தேதி அறிவிக்கப்படாமலே இருந்தது. அந்த வகையில் சமீபத்தில் 11.08 மணியளவில் விடாமுயற்சி படத்தின் டீசர் வெளியாகி ரசிகர்கள் மத்தியில் பெரும் வரவேற்பை பெற்றது.