சென்னை:தினந்தோறும் ஏற்றத்தைக் காணும் தங்கத்தின் விலை, அவ்வப்போது சிறிதளவில் விலைக் குறைந்தும் வருகிறது. தங்கம் என்பது ஆடம்பர ஆபரணமாக மட்டுமில்லாமல், இந்திய மக்களின் சேமிப்பிலும் முக்கியப் பங்கு வகிக்கிறது. ஆனால், தற்போதைய தங்கத்தின் விலை ஏற்றத்தால் சாமானிய மக்களுக்கு அது எட்டாக்கனியாக மாறி வருகிறது.
தங்கத்தின் விலையானது, சர்வதேச பொருளாதாரச் சூழலின் மத்தியில் கமாடிட்டி மார்க்கெட்டைப் பொறுத்தே நிர்ணயம் செய்யப்படுகிறது. மேலும், சர்வதேச வங்கி, சர்வதேச அரசியல் சூழல் உள்ளிட்ட பல்வேறு காரணங்களை முன்வைத்துத்தான் தங்கத்தின் விலையில் தினமும் ஏற்றமும், இறக்கமும் காணப்பட்டு வருகிறது.
கடந்த சில நாட்களாக உயர்வை கண்டுவந்த தங்கத்தின் விலையால் மக்கள் அதிருப்தி அடைந்திருந்தனர். தொடர்ச்சியாக தங்கத்தின் விலை உயர்ந்து வந்த நிலையில் இன்று (வெள்ளிக்கிழமை) அதன் விலை சற்று குறைந்துள்ளது. நாளையும், நாளை மறுநாளும் விடுமுறை என்பதால் இரண்டு நாளைக்கு தங்கத்தின் விலையில் மாற்றம் இருக்காது.