Elon Musk ਨੇ ਵਟਸਐਪ 'ਤੇ ਡਾਟਾ ਚੋਰੀ ਦਾ ਲਗਾਇਆ ਦੋਸ਼, ਹੁਣ ਵਟਸਐਪ ਹੈੱਡ ਨੇ ਮਸਕ ਨੂੰ ਦਿੱਤਾ ਇਹ ਜਵਾਬ - Will Cathcart Statement

Will Cathcart Statement: ਐਲੋਨ ਮਸਕ ਨੇ ਹਾਲ ਹੀ ਵਿੱਚ ਵਟਸਐਪ 'ਤੇ ਡਾਟਾ ਚੋਰੀ ਦਾ ਦੋਸ਼ ਲਗਾਇਆ ਸੀ। ਹੁਣ ਐਲੋਨ ਮਸਕ ਦੇ ਦੋਸ਼ਾਂ 'ਤੇ ਵਟਸਐਪ ਹੈੱਡ Will Cathcart ਦਾ ਜਵਾਬ ਸਾਹਮਣੇ ਆਇਆ ਹੈ।

ਹੈਦਰਾਬਾਦ:ਐਲੋਨ ਮਸਕ ਨੇ ਵਟਸਐਪ 'ਤੇ ਡਾਟਾ ਚੋਰੀ ਕਰਨ ਦਾ ਦੋਸ਼ ਲਗਾਇਆ ਸੀ। ਹੁਣ ਵਟਸਐਪ ਦੇ ਹੈੱਡ Will Cathcart ਨੇ ਐਲੋਨ ਮਸਕ ਨੂੰ ਇਸ ਗੱਲ ਦਾ ਜਵਾਬ ਦਿੱਤਾ ਹੈ। ਉਨ੍ਹਾਂ ਨੇ X 'ਤੇ ਮਸਕ ਦੀ ਪੋਸਟ ਦਾ ਜਵਾਬ ਦਿੰਦੇ ਹੋਏ ਕਿਹਾ ਹੈ ਕਿ,"ਵਟਸਐਪ ਨੂੰ ਲੈ ਕੇ ਇਸ ਤਰ੍ਹਾਂ ਦੀਆਂ ਗੱਲਾਂ ਕਈ ਲੋਕ ਕਹਿ ਚੁੱਕੇ ਹਨ। ਇਹ ਦੱਸਣਾ ਜ਼ਰੂਰੀ ਹੈ ਕਿ ਇਹ ਸਹੀ ਨਹੀਂ ਹੈ। ਅਸੀ ਯੂਜ਼ਰਸ ਦੀ ਸੁਰੱਖਿਆ ਨੂੰ ਹਲਕੇ 'ਚ ਨਹੀਂ ਲੈਂਦੇ। ਇਸੀ ਕਾਰਨ ਅਸੀ ਯੂਜ਼ਰਸ ਦੇ ਮੌਸੇਜ ਨੂੰ ਐਂਡ-ਟੂ-ਐਂਡ ਐਨਕ੍ਰਿਪਟਡ ਰੱਖਦੇ ਹਾਂ। ਜੇਕਰ ਤੁਸੀਂ ਵਟਸਐਪ ਮੈਸੇਜ ਦਾ ਬੈਕਅੱਪ ਨਹੀਂ ਚਾਹੁੰਦੇ, ਤਾਂ ਤੁਸੀਂ ਆਪਣੇ ਕਲਾਊਡ ਪ੍ਰੋਵਾਈਡਰ ਦਾ ਇਸਤੇਮਾਲ ਕਰ ਸਕਦੇ ਹੋ। ਇਸ ਲਈ ਵੀ ਤੁਸੀਂ ਐਂਡ-ਟੂ-ਐਂਡ ਐਨਕ੍ਰਿਪਟਡ ਇਸਤੇਮਾਲ ਕਰ ਸਕਦੇ ਹੋ।" ਪੋਸਟ ਸ਼ੇਅਰ ਕਰਨ ਤੋਂ ਬਾਅਦ Will Cathcart ਨੇ ਐਂਡ-ਟੂ-ਐਂਡ ਐਨਕ੍ਰਿਪਟਡ ਔਨ ਕਰਨ ਲਈ ਪੋਸਟ 'ਚ ਹੀ ਇੱਕ ਲਿੰਕ ਵੀ ਸ਼ੇਅਰ ਕੀਤਾ ਹੈ।

ਐਲੋਨ ਮਸਕ ਨੇ ਮੈਟਾ ਨੂੰ ਕਹੀ ਸੀ ਇਹ ਗੱਲ:ਦੱਸ ਦਈਏ ਕਿ ਐਲੋਨ ਮਸਕ ਨੇ ਇੱਕ ਪੋਸਟ ਸ਼ੇਅਰ ਕਰਕੇ ਵਟਸਐਪ ਯੂਜ਼ਰਸ ਨੂੰ ਹੈਰਾਨ ਕਰ ਦਿੱਤਾ ਸੀ। ਉਨ੍ਹਾਂ ਨੇ ਆਪਣੀ ਪੋਸਟ 'ਚ ਵਟਸਐਪ 'ਤੇ ਯੂਜ਼ਰਸ ਦਾ ਡਾਟਾ ਚੋਰੀ ਕਰਨ ਦਾ ਦੋਸ਼ ਲਗਾਇਆ ਸੀ। ਮਸਕ ਨੇ ਕਿਹਾ ਸੀ ਕਿ,"ਵਟਸਐਪ ਰੋਜ਼ ਰਾਤ ਨੂੰ ਆਪਣੇ ਯੂਜ਼ਰਸ ਦਾ ਡਾਟਾ ਐਕਸਪੋਰਟ ਕਰਦਾ ਹੈ। ਬਹੁਤ ਸਾਰੇ ਲੋਕਾਂ ਨੂੰ ਲੱਗਦਾ ਹੈ ਕਿ ਵਟਸਐਪ ਇੱਕ ਸੁਰੱਖਿਅਤ ਪਲੇਟਫਾਰਮ ਹੈ, ਪਰ ਅਜਿਹਾ ਨਹੀਂ ਹੈ।" ਇਸਦੇ ਨਾਲ ਹੀ ਮਸਕ ਨੇ ਵਟਸਐਪ 'ਤੇ ਦੋਸ਼ ਲਗਾਏ ਸੀ ਕਿ ਵਟਸਐਪ ਯੂਜ਼ਰਸ ਦੇ ਡਾਟਾ ਦੀ ਜਾਂਚ ਕਰਦਾ ਹੈ। ਇਸ ਤੋਂ ਬਾਅਦ ਇਸ ਡੇਟਾ ਦੀ ਵਰਤੋਂ ਟਾਰਗੇਟ ਵਿਗਿਆਪਨ ਲਈ ਕੀਤੀ ਜਾਂਦੀ ਹੈ।