Airtel ਨੇ Apple ਨਾਲ ਮਿਲਾਇਆ ਹੱਥ, ਇਹ ਯੂਜ਼ਰਸ ਐਪਲ ਟੀਵੀ ਪਲੱਸ 'ਤੇ ਫ੍ਰੀ 'ਚ ਦੇਖ ਸਕਣਗੇ ਕੰਟੈਟ, ਜਾਣੋ ਕਿਵੇਂ

ਏਅਰਟੈੱਲ ਨੇ ਐਪਲ ਨਾਲ ਹੱਥ ਮਿਲਾ ਲਿਆ ਹੈ। ਇਸ ਤਹਿਤ ਐਕਸਟ੍ਰੀਮ ਫਾਈਬਰ ਅਤੇ ਪੋਸਟਪੇਡ ਯੂਜ਼ਰਸ ਨੂੰ ਐਪਲ ਟੀਵੀ ਪਲੱਸ ਤੱਕ ਮੁਫਤ ਪਹੁੰਚ ਮਿਲੇਗੀ।

ਹੈਦਰਾਬਾਦ: ਏਅਰਟੈੱਲ ਨੇ ਸੋਮਵਾਰ ਨੂੰ ਆਪਣੇ ਪੋਸਟਪੇਡ ਯੂਜ਼ਰਸ ਅਤੇ ਘਰੇਲੂ ਵਾਈ-ਫਾਈ ਯੂਜ਼ਰਸ ਲਈ ਅਮਰੀਕੀ ਤਕਨੀਕੀ ਦਿੱਗਜ ਐਪਲ ਨਾਲ ਨਵੀਂ ਸਾਂਝੇਦਾਰੀ ਦਾ ਐਲਾਨ ਕੀਤਾ ਹੈ। ਇਸ ਸਾਂਝੇਦਾਰੀ ਰਾਹੀਂ ਭਾਰਤ ਵਿੱਚ ਏਅਰਟੈੱਲ ਪੋਸਟਪੇਡ ਅਤੇ ਏਅਰਟੈੱਲ ਐਕਸਸਟ੍ਰੀਮ ਫਾਈਬਰ ਯੂਜ਼ਰਸ ਨੂੰ ਐਪਲ ਟੀਵੀ+ ਤੱਕ ਪਹੁੰਚ ਮਿਲੇਗੀ।

ਐਪਲ ਟੀਵੀ ਪਲੱਸ ਦੀ ਕੀਮਤ

ਏਅਰਟੈੱਲ ਨੇ ਇੱਕ ਪ੍ਰੈਸ ਰਿਲੀਜ਼ ਰਾਹੀਂ ਇਹ ਜਾਣਕਾਰੀ ਦਿੱਤੀ ਹੈ ਅਤੇ ਦੱਸਿਆ ਹੈ ਕਿ ਏਅਰਟੈੱਲ ਐਕਸਸਟ੍ਰੀਮ ਫਾਈਬਰ ਉਪਭੋਗਤਾ ਹੁਣ ਆਪਣੇ ਪਲਾਨਾਂ ਨਾਲ ਐਪਲ ਟੀਵੀ ਪਲੱਸ ਦੀ ਪੂਰੀ ਲਾਇਬ੍ਰੇਰੀ ਤੱਕ ਪਹੁੰਚ ਕਰ ਸਕਦੇ ਹਨ, ਜਿਸਦੀ ਕੀਮਤ 999 ਰੁਪਏ ਤੋਂ ਸ਼ੁਰੂ ਹੋਵੇਗੀ। ਇਸ ਤੋਂ ਇਲਾਵਾ, ਪੋਸਟਪੇਡ ਉਪਭੋਗਤਾਵਾਂ ਨੂੰ ਸੀਮਤ ਸਮੇਂ ਲਈ ਐਪਲ ਮਿਊਜ਼ਿਕ ਤੱਕ ਮੁਫਤ ਪਹੁੰਚ ਵੀ ਮਿਲੇਗੀ।

Big news: Airtel and Apple have entered into a strategic partnership.
Airtel users will be able to consume Apple TV+ content with premium WiFi and postpaid plans.
Plus, Airtel users will have access to Apple Music as well.#Airtel #Apple #AppleTV #AppleMusic #India pic.twitter.com/VO3SfCSJgU

— Mukul Sharma (@stufflistings) August 27, 2024

ਏਅਰਟੈੱਲ ਨੇ ਐਪਲ ਨਾਲ ਮਿਲਾਇਆ ਹੱਥ

ਦੱਸ ਦੇਈਏ ਕਿ ਏਅਰਟੈੱਲ ਭਾਰਤ ਦੀ ਪਹਿਲੀ ਟੈਲੀਕਾਮ ਕੰਪਨੀ ਬਣ ਗਈ ਹੈ ਜਿਸਨੇ ਐਪਲ ਟੀਵੀ ਪਲੱਸ ਕੰਟੈਟ ਤੱਕ ਪਹੁੰਚ ਦਿੱਤੀ ਹੈ। ਕੰਪਨੀ ਨੇ ਆਪਣੇ ਪ੍ਰੈਸ ਰਿਲੀਜ਼ ਵਿੱਚ ਕਿਹਾ ਕਿ ਹੁਣ ਉਸਦੇ ਯੂਜ਼ਰਸ ਲਈ ਐਪਲ ਟੀਵੀ ਪਲੱਸ ਦੇ ਕੰਟੈਟ 'ਤੇ ਵਿਸ਼ੇਸ਼ ਅਧਿਕਾਰ ਹਨ। 999 ਰੁਪਏ ਅਤੇ ਇਸ ਤੋਂ ਵੱਧ ਕੀਮਤ ਵਾਲੇ ਪਲਾਨ ਵਾਲੇ ਸਾਰੇ ਏਅਰਟੈੱਲ ਐਕਸਸਟ੍ਰੀਮ ਫਾਈਬਰ ਉਪਭੋਗਤਾ ਐਪਲ ਟੀਵੀ ਪਲੱਸ ਕੰਟੈਟ ਦੇਖ ਸਕਣਗੇ। ਇਸ ਦੇ ਨਾਲ ਹੀ, ਏਅਰਟੈੱਲ ਪੋਸਟਪੇਡ ਮੋਬਾਈਲ ਯੂਜ਼ਰਸ ਨੂੰ 999 ਰੁਪਏ ਜਾਂ ਇਸ ਤੋਂ ਵੱਧ ਦੇ ਪਲਾਨਾਂ ਨਾਲ 6 ਮਹੀਨਿਆਂ ਲਈ ਐਪਲ ਟੀਵੀ ਪਲੱਸ ਅਤੇ ਐਪਲ ਮਿਊਜ਼ਿਕ ਦੀ ਮੁਫਤ ਗਾਹਕੀ ਵੀ ਮਿਲੇਗੀ।

ਏਅਰਟੈੱਲ ਦੇ ਵਾਈ-ਫਾਈ ਪਲਾਨ

ਏਅਰਟੈੱਲ ਦੇ ਵਾਈ-ਫਾਈ ਪਲਾਨ 999 ਰੁਪਏ ਤੋਂ ਸ਼ੁਰੂ ਹੁੰਦੇ ਹਨ, ਜੋ 200Mbps ਤੱਕ ਦੀ ਸਪੀਡ ਪ੍ਰਦਾਨ ਕਰਦੇ ਹਨ। ਇਸ ਵਿੱਚ ਟੀਵੀ ਦਾ ਕੋਈ ਫਾਇਦਾ ਨਹੀਂ ਹੈ। ਇਸ ਪਲਾਨ ਨਾਲ ਉਪਭੋਗਤਾਵਾਂ ਨੂੰ ਐਪਲ ਟੀਵੀ+ ਤੱਕ ਪਹੁੰਚ ਮਿਲੇਗੀ। ਇਸ ਤੋਂ ਇਲਾਵਾ, ਇਸ ਪਲਾਨ ਨਾਲ ਐਮਾਜ਼ਾਨ ਪ੍ਰਾਈਮ, ਜੀਓ ਹੌਟਸਟਾਰ ਸਮੇਤ 23 ਹੋਰ OTT ਪਲਾਨਾਂ ਦੀ ਗਾਹਕੀ ਵੀ ਮੁਫ਼ਤ ਵਿੱਚ ਉਪਲਬਧ ਹੋਵੇਗੀ। ਏਅਰਟੈੱਲ ਐਕਸਸਟ੍ਰੀਮ ਫਾਈਬਰ ਦਾ ਸਭ ਤੋਂ ਮਹਿੰਗਾ ਪਲਾਨ 3,999 ਰੁਪਏ ਦੀ ਕੀਮਤ ਦਾ ਹੈ, ਜੋ 1GBPS ਤੱਕ ਦੀ ਸਪੀਡ ਦੇ ਨਾਲ-ਨਾਲ 350 ਤੋਂ ਵੱਧ ਟੀਵੀ ਚੈਨਲਾਂ ਅਤੇ ਐਪਲ ਟੀਵੀ ਪਲੱਸ ਦੀ ਮੁਫਤ ਗਾਹਕੀ ਅਤੇ ਕੁੱਲ 23 ਤੋਂ ਵੱਧ OTT ਐਪਸ ਦੀ ਪੇਸ਼ਕਸ਼ ਕਰਦਾ ਹੈ।

ਜੇਕਰ ਏਅਰਟੈੱਲ ਪੋਸਟਪੇਡ ਉਪਭੋਗਤਾ ਐਪਲ ਟੀਵੀ ਪਲੱਸ ਕੰਟੈਟ ਮੁਫਤ ਦੇਖਣਾ ਚਾਹੁੰਦੇ ਹਨ, ਤਾਂ ਉਨ੍ਹਾਂ ਨੂੰ ਘੱਟੋ-ਘੱਟ 999 ਰੁਪਏ ਦਾ ਰੀਚਾਰਜ ਕਰਨਾ ਹੋਵੇਗਾ। ਇਸ ਪੋਸਟਪੇਡ ਪਲਾਨ ਦੇ ਨਾਲ ਉਪਭੋਗਤਾਵਾਂ ਨੂੰ 150GB ਡੇਟਾ ਮਿਲਦਾ ਹੈ। ਇਸ ਨਾਲ ਦੋ ਐਡ-ਆਨ ਸਿਮ ਵਰਤੇ ਜਾ ਸਕਦੇ ਹਨ। ਇਸ ਤੋਂ ਇਲਾਵਾ, ਇਸ ਪਲਾਨ ਵਿੱਚ ਉਪਭੋਗਤਾਵਾਂ ਨੂੰ ਐਪਲ ਟੀਵੀ+, ਐਪਲ ਮਿਊਜ਼ਿਕ, ਐਮਾਜ਼ਾਨ ਪ੍ਰਾਈਮ, ਜੀਓ ਹੌਟਸਟਾਰ, ਐਕਸਟ੍ਰੀਮ ਪਲੇ ਅਨਲਿਮਟਿਡ ਸਮੇਤ 20 ਤੋਂ ਵੱਧ OTT ਐਪਸ ਦੀ ਗਾਹਕੀ ਮਿਲਦੀ ਹੈ।

ਇਹ ਵੀ ਪੜ੍ਹੋ:-