Galaxy Unpacked ਇਵੈਂਟ ਦੀ ਤਰੀਕ ਆਈ ਸਾਹਮਣੇ, ਹੋਣਗੇ ਕਈ ਪ੍ਰੋਡਕਟਸ ਲਾਂਚ - Galaxy Unpacked Event

Galaxy Unpacked Event: ਸੈਮਸੰਗ ਦੇ ਸਾਲਾਨਾ Galaxy Unpacked ਇਵੈਂਟ ਦੀ ਤਰੀਕ ਸਾਹਮਣੇ ਆ ਗਈ ਹੈ। ਇਹ ਇਵੈਂਟ 10 ਜੁਲਾਈ ਨੂੰ ਹੋਣ ਜਾ ਰਿਹਾ ਹੈ। ਇਸ ਇਵੈਂਟ 'ਚ ਸੈਮਸੰਗ ਆਪਣੇ ਖਾਸ ਅਤੇ ਪ੍ਰੀਮੀਅਮ ਪ੍ਰੋਡਕਟਸ ਨੂੰ ਲਾਂਚ ਕਰੇਗਾ।

ਹੈਦਰਾਬਾਦ: ਦੁਨੀਆਂ ਭਰ 'ਚ ਸੈਮਸੰਗ ਦੇ ਲੱਖਾਂ ਯੂਜ਼ਰਸ ਹਨ। ਆਪਣੇ ਗ੍ਰਾਹਕਾਂ ਦੇ ਬਿਹਤਰ ਅਨੁਭਵ ਲਈ ਕੰਪਨੀ ਲਗਾਤਾਰ ਨਵੀਆਂ ਡਿਵਾਈਸਾਂ ਨੂੰ ਪੇਸ਼ ਕਰਦੀ ਰਹਿੰਦੀ ਹੈ। ਇਸਦੇ ਚਲਦਿਆਂ ਹੀ ਹੁਣ ਕੰਪਨੀ ਨੇ ਆਪਣੇ Galaxy Unpacked ਇਵੈਟ ਦੀ ਤਰੀਕ ਦਾ ਐਲਾਨ ਕਰ ਦਿੱਤਾ ਹੈ। Galaxy Unpacked ਇਵੈਂਟ 10 ਜੁਲਾਈ ਨੂੰ ਸ਼ੁਰੂ ਹੋ ਰਿਹਾ ਹੈ। ਇਸ ਇਵੈਂਟ 'ਚ ਗਲੈਕਸੀ Z ਫੋਲਡ 6 ਅਤੇ ਗਲੈਕਸੀ Z ਫਲਿੱਪ 6 ਨੂੰ ਪੇਸ਼ ਕੀਤਾ ਜਾ ਸਕਦਾ ਹੈ। ਇਸਦੇ ਨਾਲ ਹੀ, ਕੰਪਨੀ ਇਸ ਇਵੈਂਟ 'ਚ ਟੈਬਲੇਟ, ਗਲੈਕਸੀ ਵਾਚ 7 ਸੀਰੀਜ਼, ਗਲੈਕਸੀ ਰਿੰਗ ਅਤੇ ਨਵੇਂ ਏਅਰਫੋਨ ਨੂੰ ਵੀ ਲਿਆ ਸਕਦੀ ਹੈ।

Galaxy Unpacked ਇਵੈਂਟ ਦੀ ਤਰੀਕ: ਕੰਪਨੀ ਨੇ ਆਪਣੇ Galaxy Unpacked ਇਵੈਂਟ ਦੀ ਤਰੀਕ ਦਾ ਐਲਾਨ ਕਰ ਦਿੱਤਾ ਹੈ। ਇਹ ਇਵੈਂਟ 10 ਜੁਲਾਈ ਨੂੰ ਪੈਰਿਸ 'ਚ ਦੁਪਹਿਰ 3 ਵਜੇ ਅਤੇ ਭਾਰਤੀ ਸਮੇਂ ਅਨੁਸਾਰ ਸ਼ਾਮ 6:30 ਵਜੇ ਆਯੋਜਿਤ ਕੀਤਾ ਜਾਵੇਗਾ। ਇਸ ਇਵੈਂਟ ਨੂੰ ਤੁਸੀਂ ਅਧਿਕਾਰਿਤ ਸੈਮਸੰਗ ਦੇ YouTube ਚੈਨਲ 'ਤੇ ਲਾਈਵ ਦੇਖ ਸਕੋਗੇ।

ਕਈ ਪ੍ਰੋਡਕਟਸ ਹੋਣਗੇ ਲਾਂਚ: ਇਸ ਇਵੈਂਟ 'ਚ ਕੰਪਨੀ ਸੈਮਸੰਗ ਗਲੈਕਸੀ Z ਫੋਲਡ 6 ਅਤੇ ਗਲੈਕਸੀ Z ਫਲਿੱਪ 6 ਨੂੰ ਲਾਂਚ ਕਰ ਸਕਦੀ ਹੈ। ਆਉਣ ਵਾਲੇ ਸਮਾਰਟਫੋਨ ਲਈ ਪ੍ਰੀ-ਬੁੱਕਿੰਗ 26 ਜੂਨ ਤੋਂ ਸ਼ੁਰੂ ਹੋਵੇਗੀ। ਇਸ ਤੋਂ ਇਲਾਵਾ, ਕੰਪਨੀ ਇਵੈਂਟ 'ਚ ਸੈਮਸੰਗ ਗਲੈਕਸੀ ਟੈਬ S10 ਸੀਰੀਜ਼ ਨੂੰ ਵੀ ਲਿਆ ਸਕਦੀ ਹੈ। ਇਸਦੇ ਨਾਲ ਹੀ, ਗਲੈਕਸੀ ਵਾਚ 7, ਗਲੈਕਸੀ ਵਾਚ ਅਲਟ੍ਰਾ, ਗਲੈਕਸੀ ਬਡਸ 3 ਸੀਰੀਜ਼ ਅਤੇ ਗਲੈਕਸੀ ਰਿੰਗ ਨੂੰ ਵੀ ਇਵੈਂਟ 'ਚ ਲਾਂਚ ਕੀਤਾ ਜਾ ਸਕਦਾ ਹੈ।