ਹੈਦਰਾਬਾਦ: ਸਾਲ 2024 ਖਤਮ ਹੋਣ 'ਚ ਕੁਝ ਹੀ ਦਿਨ ਬਾਕੀ ਰਹਿ ਗਏ ਹਨ ਅਤੇ ਫਿਰ ਸਾਲ 2025 ਸ਼ੁਰੂ ਹੋ ਜਾਵੇਗਾ। ਨਵੇਂ ਸਾਲ ਦੌਰਾਨ ਹੋਰ ਨਵੇਂ ਸਮਾਰਟਫੋਨ ਆ ਜਾਣਗੇ ਅਤੇ ਕੀਮਤਾਂ 'ਚ ਵਾਧਾ ਵੀ ਹੋ ਸਕਦਾ ਹੈ। ਅਜਿਹੇ 'ਚ ਅਸੀ ਸਾਲ 2024 'ਚ ਲਾਂਚ ਹੋਏ ਤੁਹਾਡੇ ਬਜਟ ਦੇ ਹਿਸਾਬ ਨਾਲ ਸਮਾਰਟਫੋਨਾਂ ਦੀ ਲਿਸਟ ਲੈ ਕੇ ਆਏ ਹਾਂ। ਜੇਕਰ ਤੁਸੀਂ ਨਵਾਂ ਫੋਨ ਖਰੀਦਣ ਜਾਂ ਗਿਫ਼ਟ ਵਜੋਂ ਦੇਣ ਦੀ ਯੋਜਨਾ ਬਣਾ ਰਹੇ ਹੋ ਤਾਂ ਇੱਥੇ ਦੱਸੇ ਆਪਸ਼ਨਾਂ ਵਿੱਚ ਦੇਖ ਸਕਦੇ ਹੋ।
ਸਾਲ 2024 'ਚ ਲਾਂਚ ਹੋਏ ਸਮਾਰਟਫੋਨ
Redmi Note 14 Pro: Redmi Note 14 Pro 26 ਸਤੰਬਰ 2024 ਨੂੰ ਭਾਰਤ 'ਚ ਲਾਂਚ ਹੋਇਆ ਸੀ। ਇਸ ਫੋਨ ਦੀ ਕੀਮਤ 24,999 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਇਹ ਫੋਨ ਤੁਹਾਡੇ ਬਜਟ ਦੇ ਹਿਸਾਬ ਨਾਲ ਸਹੀਂ ਹੋ ਸਕਦਾ ਹੈ। ਇਸ ਫੋਨ 'ਚ 6.67 ਇੰਚ ਦੀ ਡਿਸਪਲੇ ਮਿਲਦੀ ਹੈ। ਪ੍ਰੋਸੈਸਰ ਦੇ ਤੌਰ 'ਤੇ ਮੀਡੀਆਟੇਕ Dimensity 7300 ਚਿਪਸੈੱਟ ਦਿੱਤੀ ਗਈ ਹੈ। Redmi Note 14 Pro 'ਚ 50MP ਦਾ ਟ੍ਰਿਪਲ ਕੈਮਰਾ ਸੈਟਅੱਪ ਦਿੱਤਾ ਗਿਆ ਹੈ।
Motorola Edge 50 Fusion: Motorola Edge 50 Fusion 16 ਮਈ 2024 ਨੂੰ ਭਾਰਤ 'ਚ ਲਾਂਚ ਹੋਇਆ ਸੀ। ਇਸ ਫੋਨ ਨੂੰ 22,999 ਰੁਪਏ ਦੀ ਸ਼ੁਰੂਆਤੀ ਕੀਮਤ ਦੇ ਨਾਲ ਪੇਸ਼ ਕੀਤਾ ਗਿਆ ਹੈ। ਇਸ ਫੋਨ 'ਚ 6.7 ਇੰਚ ਦੀ ਫੁੱਲ HD 3D ਕਰਵਡ pOLED ਡਿਸਪਲੇ ਦਿੱਤੀ ਗਈ ਹੈ ਅਤੇ ਪ੍ਰੋਸੈਸਰ ਦੇ ਤੌਰ 'ਤੇ Qualcomm ਸਨੈਪਡ੍ਰੈਗਨ 7s Gen 2 ਚਿਪਸੈੱਟ ਦਿੱਤੀ ਗਈ ਹੈ।
iQOO Z9s Pro: iQOO Z9s Pro ਸਮਾਰਟਫੋਨ 21 ਅਗਸਤ 2024 ਨੂੰ ਭਾਰਤ 'ਚ ਪੇਸ਼ ਕੀਤਾ ਗਿਆ ਸੀ। ਇਸ ਫੋਨ ਦੀ ਸ਼ੁਰੂਆਤੀ ਕੀਮਤ 24,999 ਰੁਪਏ ਹੈ। ਇਸ ਫੋਨ ਨੂੰ ਤੁਸੀਂ ਖਰੀਦ ਸਕਦੇ ਹੋ। iQOO Z9s Pro ਸਮਾਰਟਫੋਨ 'ਚ 6.77 ਇੰਚ ਦੀ AMOLED ਡਿਸਪਲੇ ਦਿੱਤੀ ਗਈ ਹੈ ਅਤੇ ਪ੍ਰੋਸੈਸਰ ਦੇ ਤੌਰ 'ਚ Qualcomm Snapdragon 7 Gen 3 ਚਿਪਸੈੱਟ ਮਿਲਦੀ ਹੈ। ਫੋਟੋਗ੍ਰਾਫ਼ੀ ਲਈ ਫੋਨ 'ਚ 50MP ਦਾ ਮੇਨ ਕੈਮਰਾ ਦਿੱਤਾ ਗਿਆ ਹੈ।
OnePlus Nord CE4: OnePlus Nord CE4 1 ਅਪ੍ਰੈਲ 2024 ਨੂੰ ਭਾਰਤ 'ਚ ਲਾਂਚ ਹੋਇਆ ਸੀ। ਇਸ ਫੋਨ ਦੀ ਕੀਮਤ 24,999 ਰੁਪਏ ਹੈ। ਫੀਚਰਸ ਬਾਰੇ ਗੱਲ ਕਰੀਏ ਤਾਂ OnePlus Nord CE4 'ਚ 6.78 ਇੰਚ ਦੀ ਫੁੱਲ HD+AMOLED ਡਿਸਪਲੇ ਦਿੱਤੀ ਗਈ ਹੈ। ਇਸ ਫੋਨ ਨੂੰ 8GB ਰੈਮ ਅਤੇ 256GB ਸਟੋਰੇਜ ਆਪਸ਼ਨਾਂ ਦੇ ਨਾਲ ਪੇਸ਼ ਕੀਤਾ ਗਿਆ ਹੈ।
2024 'ਚ ਸਭ ਤੋਂ ਜ਼ਿਆਦਾ ਵਿਕਣ ਵਾਲੇ ਸਮਾਰਟਫੋਨ
ਜੇਕਰ ਸਾਲ 2024 'ਚ ਸਭ ਤੋਂ ਜ਼ਿਆਦਾ ਵਿਕਣ ਵਾਲੇ ਫੋਨਾਂ ਦੀ ਗੱਲ ਕਰੀਏ ਤਾਂ ਆਈਫੋਨ 15 ਸੀਰੀਜ਼ ਨੂੰ ਕਾਫ਼ੀ ਪਸੰਦ ਕੀਤਾ ਗਿਆ ਹੈ। ਇਸਦੀ ਕੀਮਤ ਅਤੇ ਫੀਚਰਸ ਕਾਰਨ ਲੋਕਾਂ ਨੇ ਇਸਨੂੰ ਜ਼ਿਆਦਾ ਖਰੀਦਿਆਂ ਹੈ। ਆਈਫੋਨ 15 ਤੋਂ ਬਾਅਦ ਸਭ ਤੋਂ ਜ਼ਿਆਦਾ ਵਿਕਣ ਵਾਲਾ ਮਾਡਲ ਆਈਫੋਨ 15 ਪ੍ਰੋ ਮੈਕਸ ਅਤੇ ਆਈਫੋਨ 15 ਪ੍ਰੋ ਹੈ। ਇਸ ਤੋਂ ਇਲਾਵਾ ਸੈਮਸੰਗ, ਐਪਲ ਅਤੇ Xiaomi ਦੇ ਮਾਡਲ ਵੀ ਇਸ ਲਿਸਟ 'ਚ ਸ਼ਾਮਲ ਹਨ। ਦੱਸ ਦੇਈਏ ਕਿ ਸੈਮਸੰਗ ਦੇ 5 ਮਾਡਲ, ਐਪਲ ਦੇ 4 ਅਤੇ Xiaomi ਦਾ 1 ਮਾਡਲ ਸਭ ਤੋਂ ਜ਼ਿਆਦਾ ਵਿਕਣ ਵਾਲੇ ਟਾਪ 10 ਦੀ ਲਿਸਟ 'ਚ ਹੈ।
ਇਹ ਵੀ ਪੜ੍ਹੋ:-
- ਖੁਸ਼ਖਬਰੀ! Vi ਯੂਜ਼ਰਸ ਲਈ ਰੋਲਆਊਟ ਹੋਈ 5G ਸੁਵਿਧਾ, ਜਾਣੋ ਪੰਜਾਬ ਦੇ ਕਿਹੜੇ ਸ਼ਹਿਰ 'ਚ ਰਹਿਣ ਵਾਲੇ ਲੋਕ ਲੈ ਸਕਣਗੇ ਮਜ਼ਾ?
- ਹੁਣ ਆਸਾਨ ਨਹੀਂ ਹੋਵੇਗਾ ਠੱਗੀ ਕਰਨਾ, ਲਾਂਚ ਹੋ ਸਕਦੀ ਹੈ ਇਹ ਐਪ, ਸ਼ਿਕਾਇਤ ਤੋਂ ਬਾਅਦ ਔਨਲਾਈਨ ਹੀ ਖਤਮ ਹੋ ਜਾਵੇਗਾ ਸਾਰਾ ਪੰਗਾ
- ਰੀਚਾਰਜ ਦੀਆਂ ਕੀਮਤਾਂ 'ਚ ਵਾਧੇ ਤੋਂ ਬਾਅਦ ਆਪਣਾ ਸਿਮ ਬਦਲਣਾ ਚਾਹੁੰਦੇ ਹੋ? ਇਸ ਤਰ੍ਹਾਂ ਆਸਾਨੀ ਨਾਲ ਕਰੋ Jio-Airtel ਸਿਮ ਨੂੰ BSNL 'ਚ ਪੋਰਟ
