ਹੈਦਰਾਬਾਦ: ਗੂਗਲ ਇੰਡੀਆ ਨੇ Muthoot Finance ਗੈਰ-ਬੈਂਕਿੰਗ ਵਿੱਤ ਕੰਪਨੀ (ਐਨਬੀਐਫਸੀ) ਦੇ ਨਾਲ ਇੱਕ ਸਾਂਝੇਦਾਰੀ ਦਾ ਐਲਾਨ ਕੀਤਾ ਹੈ, ਜੋ ਸੋਨੇ ਉਤੇ ਲੋਨ ਦੇਣ ਵਿੱਚ ਮਾਹਰ ਹੈ। ਇਹ ਸੰਯੋਗ ਛੋਟੇ ਕਾਰੋਬਾਰਾਂ ਅਤੇ ਖਪਤਕਾਰਾਂ, ਖਾਸ ਕਰਕੇ ਪੇਂਡੂ ਖੇਤਰਾਂ ਵਿੱਚ Google Pay ਦੁਆਰਾ ਸੋਨੇ ਉਤੇ ਲੋਨ ਪ੍ਰਦਾਨ ਕਰੇਗੀ।
"ਭਾਰਤ ਭਰ ਦੇ ਲੋਕ ਹੁਣ ਇਸ ਕ੍ਰੈਡਿਟ ਉਤਪਾਦ ਦੀ ਵਰਤੋਂ ਕਿਫਾਇਤੀ ਵਿਆਜ ਦਰਾਂ ਨਾਲ ਕਰ ਸਕਦੇ ਹਨ।" ਗੂਗਲ ਨੇ ਇਸ ਸਾਲ ਆਪਣੇ 'ਗੂਗਲ ਫਾਰ ਇੰਡੀਆ' ਈਵੈਂਟ ਵਿੱਚ ਇੱਕ ਬਿਆਨ ਵਿੱਚ ਕਿਹਾ। ਤੁਹਾਨੂੰ ਦੱਸ ਦੇਈਏ ਕਿ ਗੂਗਲ ਪੇ ਕੰਪਨੀ ਦੀ ਡਿਜੀਟਲ ਪੇਮੈਂਟ ਸਰਵਿਸ ਹੈ।
ਗੂਗਲ 'ਤੇ ਉਤਪਾਦ ਪ੍ਰਬੰਧਨ ਦੇ ਨਿਰਦੇਸ਼ਕ ਸ਼ਰਤ ਬੁੱਲਸੂ ਨੇ ਕਿਹਾ, "ਭਾਰਤੀਆਂ ਦਾ ਸੋਨੇ ਨਾਲ ਇੱਕ ਲੰਮਾ ਸੱਭਿਆਚਾਰਕ ਰਿਸ਼ਤਾ ਹੈ ਜੋ ਨਿਵੇਸ਼ ਤੋਂ ਬਹੁਤ ਦੂਰ ਹੈ, ਜਿਸ ਕਾਰਨ ਦੁਨੀਆ ਦੇ 11 ਪ੍ਰਤੀਸ਼ਤ ਤੋਂ ਵੱਧ ਸੋਨੇ ਦੀ ਮਾਲਕੀ ਭਾਰਤੀ ਪਰਿਵਾਰਾਂ ਕੋਲ ਹੈ।"
ਜਾਣਕਾਰੀ ਮੁਤਾਬਕ ਕੰਪਨੀ ਗੋਲਡ ਲੋਨ ਲਈ ਇਕ ਹੋਰ NBFC ਆਦਿਤਿਆ ਬਿਰਲਾ ਫਾਈਨਾਂਸ ਲਿਮਟਿਡ ਨਾਲ ਵੀ ਸਾਂਝੇਦਾਰੀ ਕਰੇਗੀ। "ਅਸੀਂ ਇਹ ਯਕੀਨੀ ਬਣਾ ਰਹੇ ਹਾਂ ਕਿ ਅਸੀਂ ਇਹ ਜ਼ਿੰਮੇਵਾਰੀ ਨਾਲ ਕਰ ਰਹੇ ਹਾਂ, ਤਾਂ ਜੋ ਉਪਭੋਗਤਾ ਅਤੇ ਰਿਣਦਾਤਾ(ਦੇਣ ਵਾਲਾ) ਦੋਵਾਂ ਲਈ ਜੋਖਮਾਂ ਨੂੰ ਚੰਗੀ ਤਰ੍ਹਾਂ ਨਿਯੰਤਰਿਤ ਕੀਤਾ ਜਾ ਸਕੇ।" ਬੁੱਲਸੂ ਨੇ ਕਿਹਾ, "ਇਸ ਲਈ ਸਾਡੇ ਲਈ ਇਹ ਬਹੁਤ ਮਹੱਤਵਪੂਰਨ ਹੈ ਕਿ ਅਸੀਂ ਪ੍ਰਤਿਸ਼ਠਾਵਾਨ ਸਹਿਯੋਗਾਂ ਨਾਲ ਸਮਝਦਾਰੀ ਨਾਲ ਕੰਮ ਕਰੀਏ।"