ਰਵਨੀਤ ਬਿੱਟੂ ਹੁਣ ਸ਼ਰੇਆਮ ਕਰ ਰਹੇ ਹਰਸਿਮਰਤ ਕੌਰ ਬਾਦਲ ਦੀ ਪ੍ਰਸੰਸਾ, ਆਖਿਰ ਕੀ ਹੋਇਆ ਅਜਿਹਾ, ਤੁਸੀਂ ਵੀ ਪੜ੍ਹੋ ਤਾਂ ਜਰਾ...

ਰਵਨੀਤ ਬਿੱਟੂ ਦੇ ਇਸ ਬਿਆਨ ਨੇ ਸਭ ਨੂੰ ਸੋਚਾਂ 'ਚ ਪਾ ਕੇ ਰੱਖ ਦਿੱਤਾ। ਤੁਸੀਂ ਵੀ ਸੁਣੋ ਬਿੱਟੂ ਨੇ ਕੀ ਬਿਆਨ ਦਿੱਤਾ?

ਹੈਦਰਾਬਾਦ ਡੈਸਕ: ਅਕਸਰ ਹੀ ਹਰਸਿਮਰਤ ਬਾਦਲ 'ਤੇ ਤੰਜ ਕੱਸਣ ਵਾਲੇ ਰਵਨੀਤ ਬਿੱਟੂ ਦੇ ਹੁਣ ਸੁਰ ਹੀ ਬਦਲ ਗਏ। ਤੁਹਾਨੂੰ ਯਾਦ ਹੋਵੇਗਾ ਜਦੋਂ ਵੀ ਕਦੇ ਹਰਸਿਮਰਤ ਅਤੇ ਬਿੱਟੂ ਆਹਮੋ-ਸਾਹਮਣੇ ਹੋਏ ਨੇ ਦੋਵਾਂ 'ਚ ਅਕਸਰ ਤਿੱਖੀ ਬਹਿਸਬਾਜ਼ੀ ਵੇਖਣ ਨੂੰ ਮਿਲੀ ਹੈ ਪਰ ਰਵਨੀਤ ਬਿੱਟੂ ਦੇ ਇਸ ਬਿਆਨ ਨੇ ਸਭ ਨੂੰ ਸੋਚਾਂ 'ਚ ਪਾ ਕੇ ਰੱਖ ਦਿੱਤਾ। ਕੇਂਦਰੀ ਮੰਤਰੀ ਬਿੱਟੂ ਨੇ ਆਖਿਆ ਕਿ ਹਰਸਿਮਰਤ ਕੌਰ ਬਾਦਲ ਤਾਂ ਬਹੁਤ ਚੰਗੀ ਹੈ। ਹੁਣ ਤੁਸੀਂ ਸੋਚ ਰਹੇ ਹੋਵੋਗੇ ਆਖਿਰ ਬਿੱਟੂ ਨੇ ਅਜਿਹਾ ਬਿਆਨ ਕਿਉਂ ਦਿੱਤਾ?

ਬਿੱਟੂ ਵੱਲੋਂ ਹਰਸਿਮਰਤ ਬਾਦਲ ਦੀ ਤਾਰੀਫ਼

ਦਰਅਸਲ ਕਾਂਗਸਰੀ ਅਤੇ 'ਆਪ' ਦੇ ਆਗੂਆਂ 'ਤੇ ਤੰਜ ਕੱਸਦੇ ਹੋਏ ਰਵਨੀਤ ਬਿੱਟੂ ਨੇ ਆਖ ਦਿੱਤਾ ਕਿ ਇੰਨ੍ਹਾਂ ਨਾਲੋਂ ਤਾਂ ਹਰਸਿਮਰਤ ਬਾਦਲ ਹੀ ਚੰਗੀ ਹੈ। ਬਿੱਟੂ ਨੇ ਕਿਸਾਨਾਂ ਦੇ ਅੰਦੋਲਨ ਨੂੰ ਲੈ ਕੇ ਵਿਰੋਧੀਆਂ 'ਤੇ ਨਿਸ਼ਾਨੇ ਸਾਧਦੇ ਆਖਿਆ ਕਿ " ਹਰਿਆਣਾ 'ਚ ਤਾਂ ਮੁੱਖ ਮੰਤਰੀ ਨੇ 23 ਫ਼ਸਲਾਂ 'ਤੇ ਐਮਐਸਪੀ ਦੇ ਦਿੱਤੀ, ਪਰ ਪੰਜਾਬ 'ਚ 95 ਐਮਐਲਏ ਵਾਲੀ ਸਰਕਾਰ ਦੇ ਵਿਧਾਇਕ ਮੁੱਖ ਮੰਤਰੀ ਨੂੰ ਪੁੱਛਣ ਕਿ ਉਹ ਕਦੋਂ 23 ਫ਼ਸਲਾਂ 'ਤੇ ਐਮਐਸਪੀ ਦਾ ਐਲਾਨ ਕਰਨਗੇ। ਬਿੱਟੂ ਨੇ ਆਖਿਆ ਕਿ ਰੋਜ਼ ਸਦਨ ਦੇ ਬਾਹਰ ਪ੍ਰਦਰਸ਼ਨ ਕਰਨ ਵਾਲੇ ਸਾਂਸਦਾਂ ਨੇ ਇੱਕ ਦਿਨ ਵੀ ਕਿਸਾਨਾਂ ਬਾਰੇ ਸਦਨ 'ਚ ਗੱਲ ਨਹੀਂ ਕੀਤੀ, ਉਨ੍ਹਾਂ ਦਾ ਕੋਈ ਵੀ ਮੁੱਦਾ ਸਦਨ 'ਚ ਨਹੀਂ ਚੁੱਕਿਆ, ਉਨ੍ਹਾਂ ਨਾਲੋਂ ਤਾਂ ਹਰਸਿਮਰਤ ਕੌਰ ਬਾਦਲ ਹੀ ਚੰਗੀ ਹੈ ਜਿਸ ਨੇ ਸਮਾਂ ਮਿਲਣ 'ਤੇ ਕਿਸਾਨਾਂ ਦੀ ਗੱਲ ਕੀਤੀ"।

"ਮੈਂ ਸਵਾ ਸਾਲ ਅੰਦੋਲਨ 'ਚ ਰਿਹਾ"

ਮੀਡੀਆ ਨਾਲ ਗੱਲ ਕਰਦੇ ਕੇਂਦਰ ਮੰਤਰੀ ਨੇ ਆਖਿਆ ਜਦੋਂ ਪਹਿਲਾ ਕਿਸਾਨੀ ਅੰਦੋਲਨ ਸੀ ਮੈਂ ਸਵਾ ਸਾਲ ਅੰਦੋਲਨ 'ਚ ਸ਼ਾਮਿਲ ਸੀ ਪਰ ਹੁਣ ਕਾਂਗਰਸੀ ਹੋਣ ਤਾਂ 'ਆਪ' ਵਿਧਾਇਕ ਇੱਕ ਵੀ ਧਰਨੇ 'ਚ ਜਾ ਕੇ ਕਿਸਾਨਾਂ ਨਾਲ ਨਹੀਂ ਬੈਠੇ। ਇਸ ਤੋਂ ਬਿੱਟੂ ਨੇ ਇੱਥੋਂ ਤੱਕ ਆਖ ਦਿੱਤਾ ਕਿ ਕੁੱਝ ਲੋਕ ਡੱਲੇਵਾਲ ਨਾਲ ਫੋਟੋਆਂ ਖਿੱਚਵਾਉਣ ਲਈ ਜਾਂਦੇ ਹਨ। ਕਾਬਲੇਜ਼ਿਕਰ ਹੈ ਕਿ ਇਸੇ ਦੌਰਾਨ ਉਨ੍ਹਾਂ ਨੇ ਨਗਰ ਨਿਗਮ ਚੋਣਾਂ ਦੇ ਆਏ ਨਤੀਜਿਆਂ 'ਤੇ ਵੀ ਆਪਣਾ ਬਿਆਨ ਦਿੱਤਾ ਅਤੇ ਕਿਹਾ ਕਿ ਜਿਆਦਾ ਬੋਲਣ ਵਾਲਿਆਂ ਨਾਲ ਅਜਿਹਾ ਹੀ ਹੁੰਦਾ ਹੈ।