ਮਲੋਟ 'ਚ ਰਸੋਈ ਗੈਸ ਲੀਕ ਹੋਣ ਮਗਰੋਂ ਘਰ ਅੰਦਰ ਲੱਗੀ ਅੱਗ, ਪਰਿਵਾਰ ਦੇ ਤਿੰਨ ਜੀਅ ਝੁਲਸੇ - fire broke out in the house

ਮਲੋਟ ਵਿਖੇ ਘਰ ਵਿੱਚ ਅਚਾਨਕ ਗੈਸ ਸਿਲੰਡਰ ਲੀਕ ਹੋਣ ਕਾਰਣ ਅੱਗ ਲੱਗ ਗਈ। ਇਸ ਖਤਰਨਾਕ ਅੱਗ ਨੇ ਪਰਿਵਾਰ ਦੇ ਤਿੰਨ ਜੀਆਂ ਨੂੰ ਆਪਣੀ ਲਪੇਟ ਵਿੱਚ ਲੈ ਲਿਆ। ਅੱਗ ਨਾਲ ਝੁਲਸੇ ਲੋਕਾਂ ਦਾ ਹਸਪਤਾਲ ਵਿੱਚ ਇਲਾਜ ਚੱਲ ਰਿਹਾ ਹੈ।

ਸ੍ਰੀ ਮੁਕਸਤ ਸਾਹਿਬ: ਅੱਜ ਸਵੇਰੇ ਮਲੋਟ ਦੇ ਟਰੱਕ ਯੂਨਿਅਨ ਸਾਹਮਣੇ ਮੁਹੱਲੇ ਦੇ ਮਲੋਟ ਵਿਖੇ ਰਸੋਈ ਸਿਲੰਡਰ ਦੀ ਪਾਈਪ ਵਿੱਚੋਂ ਗੈਸ ਲੀਕ ਹੋਣ ਤੋਂ ਬਾਅਦ ਲੱਗੀ ਅੱਗ ਕਰਕੇ ਦੋ ਔਰਤਾਂ ਸਮੇਤ 3 ਜਣੇ ਝੁਲਸ ਗਏ। ਜਖ਼ਮੀਆਂ ਨੂੰ ਮਲੋਟ ਦੇ ਸਰਕਾਰੀ ਹਸਪਤਾਲ ਲਿਆਂਦਾ ਗਿਆ ਜਿੱਥੇ ਉਹਨਾਂ ਦਾ ਇਲਾਜ ਚੱਲ ਰਿਹਾ ਹੈ। ਇਸ ਸਬੰਧੀ ਮੁਹੱਲਾ ਅਜੀਤ ਨਗਰ ਵਾਰਡ 11 ਦੇ ਸੋਨੂੰ ਸਿੰਘ ਨੇ ਦੱਸਿਆ ਕਿ ਮਹਿਲਾ ਸਵੇਰੇ 11 ਵਜੇ ਘਰ ਵਿੱਚ ਖਾਣਾ ਬਣਾ ਰਹੀ ਸੀ।

ਅੱਗ ਦੀ ਲਪੇਟ 'ਚ ਆਉਣ ਕਾਰਣ ਝੁਲਸੇ ਤਿੰਨ ਲੋਕ: ਇਸ ਮੌਕੇ ਰਸੋਈ ਗੈਸ ਲੀਕ ਹੋਣ ਕਰਕੇ ਅੱਗ ਫੈਲ ਗਈ। ਇਸ ਹਾਦਸੇ ਵਿਚ ਘਰ ਦੀ ਮਾਲਕਨ ਪਿੰਦਰ ਕੌਰ ਪਤਨੀ ਮਨਜੀਤ ਸਿੰਘ ਉਸਦਾ 18 ਸਾਲ ਦਾ ਲੜਕਾ ਬੌਬੀ ਅਤੇ ਗੁਆਂਡਣ ਨਮਨਦੀਪ ਕੌਰ ਅੱਗ ਦੀ ਲਪੇਟ ਵਿਚ ਆ ਗਈਆਂ। ਇਹ ਤਿੰਨੇ ਬੁਰੀ ਤਰ੍ਹਾਂ ਝੁਲਸ ਗਏ। ਘਟਨਾ ਮੌਕੇ ਬਾਹਰ ਵਿਹੜੇ ਵਿੱਚ ਔਰਤ ਦੀ ਲੜਕੀ ਸੁਮਨ ਕੌਰ ਝਾੜੂ ਮਾਰ ਰਹੀ ਸੀ ਅਤੇ ਛੋਟਾ ਲੜਕਾ ਲਾਡੀ ਕੋਲ ਖੇਡ ਰਿਹਾ ਸੀ ਜਿਸ ਕਰਕੇ ਉਹ ਵਾਲ ਵਾਲ ਬਚ ਗਏ।

ਹਾਲਤ ਖਤਰੇ ਤੋਂ ਬਾਹਰ, ਪਰਿਵਾਰ ਨੂੰ ਮਦਦ ਦੀ ਲੋੜ:ਇਸ ਘਟਨਾ ਸਬੰਧੀ ਅੱਗ ਦੀ ਲਪੇਟ ਵਿੱਚ ਆਉਣ ਵਾਲੇ ਔਰਤਾਂ ਅਤੇ ਬੱਚਿਆਂ ਵੱਲੋਂ ਪਾਏ ਗਏ ਰੋਲੇ ਤੋਂ ਬਾਅਦ ਲੋਕਾਂ ਨੇ ਇਕੱਠਾ ਹੋਕੇ ਅੱਗ ਉੱਤੇ ਕਾਬੂ ਪਾਇਆ ਅਤੇ ਜਖ਼ਮੀਆਂ ਨੂੰ ਮਲੋਟ ਦੇ ਸਰਕਾਰੀ ਹਸਪਤਾਲ ਦਾਖਿਲ ਕਰਾਇਆ। ਜਿੱਥੇ ਉਹਨਾਂ ਦੀ ਹਾਲਤ ਖਤਰੇ ਤੋਂ ਬਾਹਰ ਹੈ। ਇਸ ਮੌਕੇ ਹਸਪਤਾਲ ਪਹੁੰਚਾਉਣ ਵਾਲਿਆਂ ਵਿੱਚ ਸ਼ਾਮਿਲ ਸੋਨੂੰ ਸਿੰਘ ਨੇ ਦੱਸਿਆ ਕਿ ਅੱਗ ਨਾਲ ਝੁਲਸਣ ਵਾਲਾ ਪਰਿਵਾਰ ਲੋੜਵੰਦ ਹੈ ਇਸ ਲਈ ਇਹਨਾਂ ਦਾ ਇਲਾਜ ਕਰਵਾਉਣ ਦੇ ਨਾਲ-ਨਾਲ ਆਰਥਿਕ ਮਦਦ ਕੀਤੀ ਜਾਵੇ।