ਲੁਧਿਆਣਾ: ਮਿੰਨੀ ਓਲੰਪਿਕ ਕਹੇ ਜਾਣ ਵਾਲੀਆਂ ਕਿਲ੍ਹਾ ਰਾਏਪੁਰ ਖੇਡਾਂ ਦੇ ਪਹਿਲੇ ਦਿਨ ਕਬੱਡੀ, ਹਾਕੀ, ਖੋਹ-ਖੋਹ ਅਤੇ ਦੌੜਾਂ ਤੋਂ ਇਲਾਵਾ ਕਈ ਤਰ੍ਹਾਂ ਦੇ ਹੋਰ ਮੁਕਾਬਲੇ ਕਰਵਾਏ ਗਏ। ਇਨ੍ਹਾਂ ਖੇਡਾਂ ਦੇ ਦੌਰਾਨ ਦਸੂਹਾ ਦਾ ਪੈਰਾ ਐਥਲੀਟ ਮਿਥਨ ਵਿਸ਼ੇਸ਼ ਖਿੱਚ ਦਾ ਕੇਂਦਰ ਰਿਹਾ।
ਕਿਲ੍ਹਾ ਰਾਏਪੁਰ ਦੀਆਂ ਖੇਡਾਂ ਵਿੱਚ ਪੈਰਾ ਐਥਲੀਟ ਬਣਿਆ ਖਿੱਚ ਦਾ ਕੇਂਦਰ (Etv Bharat)
ਪੈਰਾ ਐਥਲੀਟ ਬਣਿਆ ਖਿੱਚ ਦਾ ਕੇਂਦਰ
ਬੇਸ਼ੱਕ ਇਹਨਾਂ ਖੇਡਾਂ ਵਿੱਚ ਉਹ ਅੱਵਲ ਨਹੀਂ ਆ ਸਕਿਆ ਪਰ ਉਸ ਦਾ ਉਤਸ਼ਾਹ ਅਤੇ ਜੋਸ਼ ਵੇਖਣ ਵਾਲਾ ਸੀ। ਹੁਣ ਤੱਕ ਅੰਤਰਰਾਸ਼ਟਰੀ ਪੱਧਰ ਉੱਤੇ ਮਿਥਨ ਕਈ ਤਗਮੇ ਜਿੱਤ ਚੁੱਕਾ ਹੈ ਅਤੇ ਆਪਣੇ ਨਾਂ ਰੋਸ਼ਨ ਕਰ ਚੁੱਕਾ ਹੈ। ਸਾਡੀ ਟੀਮ ਨਾਲ ਵਿਸ਼ੇਸ਼ ਗੱਲਬਾਤ ਦੇ ਦੌਰਾਨ ਮਿਥਨ ਨੇ ਦੱਸਿਆ ਕਿ 8 ਨੈਸ਼ਨਲ ਮੈਡਲ ਉਹ ਜਿੱਤ ਚੁੱਕਾ ਹੈ, ਜਿਸ ਵਿੱਚ ਸਿਲਵਰ ਅਤੇ ਕਾਂਸੀ ਦੇ ਮੈਡਲ ਸ਼ਾਮਿਲ ਹਨ। ਇਸ ਤੋਂ ਇਲਾਵਾ ਉਹ ਕੌਮਾਂਤਰੀ ਪੱਧਰ ਉੱਤੇ ਏਸ਼ੀਆ ਅਤੇ ਓਲੰਪਿਕ ਦੇ ਵਿੱਚ ਵੀ ਪੈਰਾ ਖੇਡਾਂ ਅੰਦਰ ਕੁਆਲੀਫਾਈ ਕਰ ਚੁੱਕਾ ਹੈ।