ਪਠਾਨਕੋਟ: 21 ਦਸੰਬਰ ਨੂੰ ਸੂਬੇ ਭਰ ਵਿੱਚ ਨਗਰ ਨਿਗਮ ਅਤੇ ਨਗਰ ਪੰਚਾਇਤ ਚੋਣਾਂ ਕਰਵਾਈਆਂ ਗਈਆਂ ਸਨ, ਜਿਨ੍ਹਾਂ ਦੇ ਨਤੀਜੇ ਵੀ ਸ਼ਾਮ ਨੂੰ ਆ ਗਏ ਸਨ। ਜੇਕਰ ਗੱਲ ਜ਼ਿਲ੍ਹਾ ਪਠਾਨਕੋਟ ਦੀ ਕਰੀਏ ਤਾਂ ਇੱਥੇ ਇੱਕ ਹੀ ਨਗਰ ਪੰਚਾਇਤ ਹੈ, ਜਿਸ ਦਾ ਨਾਮ ਹੈ ਨਰੋਟ ਜੈਮਲ ਸਿੰਘ ਅਤੇ ਇਸ ਦੇ ਕੁਲ 11 ਵਾਰਡ ਹਨ। ਚੋਣ ਨਤੀਜਿਆਂ ਵਿੱਚ ਪੰਜ ਉੱਤੇ ਕਾਂਗਰਸ, ਪੰਜ ਉੱਤੇ ਆਪ ਅਤੇ ਇੱਕ ਸੀਟ ਉੱਤੇ ਭਾਜਪਾ ਕਾਬਜ ਰਹੀ ਸੀ। ਹੁਣ ਆਪ ਨੇ ਇੱਥੇ ਮਾਸਟਰ ਸਟ੍ਰੋਕ ਖੇਡਿਆ ਹੈ।
'ਆਪ' ਨੇ ਖੇਡਿਆ ਮਾਸਟਰ ਸਟ੍ਰੋਕ (ETV BHARAT (ਪੱਤਰਕਾਰ,ਪਠਾਨਕੋਟ))
'ਆਮ ਆਦਮੀ ਪਾਰਟੀ ਦੀ ਕਮੇਟੀ ਬਣਨ ਦਾ ਰਾਹ ਪੱਧਰਾ'
ਨਤੀਜਿਆਂ ਤੋਂ ਬਾਅਦ ਕਈ ਤਰ੍ਹਾਂ ਦੇ ਕਿਆਸ ਵੀ ਲਗਾਏ ਜਾ ਰਹੇ ਸਨ ਕਿ ਸ਼ਾਇਦ ਕਾਂਗਰਸ, ਭਾਜਪਾ ਦੇ ਉਮੀਦਵਾਰ ਨੂੰ ਆਪਣੇ ਨਾਲ ਰਲਾ ਕੇ ਚੋਣਾਂ ਵਿੱਚ ਬਰਾਬਰੀ ਦਾ ਦਾਅਵਾ ਕਰ ਸਕਦੀ ਹੈ ਪਰ ਅੱਜ ਕੈਬਨਿਟ ਮੰਤਰੀ ਲਾਲ ਚੰਦ ਕਟਾਰੂਚੱਕ ਵੱਲੋਂ ਨਗਰ ਪੰਚਾਇਤ ਨਰੋਟ ਜੈਮਲ ਸਿੰਘ ਦੇ ਵਾਰਡ ਨੰਬਰ ਤਿੰਨ ਦੀ ਭਾਜਪਾ ਉਮੀਦਵਾਰ ਨੂੰ ਆਪ ਵਿੱਚ ਸ਼ਾਮਿਲ ਕਰਵਾ ਕੇ ਆਮ ਆਦਮੀ ਪਾਰਟੀ ਦੀ ਕਮੇਟੀ ਬਣਨ ਵੱਲ ਰਾਹ ਪੱਕਾ ਕੀਤਾ।