ਪੈਰਿਸ (ਫਰਾਂਸ): ਭਾਰਤ ਦੇ ਸਟਾਰ ਜੈਵਲਿਨ ਥ੍ਰੋਅਰ ਨੀਰਜ ਚੋਪੜਾ ਪੈਰਿਸ ਓਲੰਪਿਕ 2024 ਵਿਚ ਸੋਨ ਤਗਮਾ ਜਿੱਤਣ ਤੋਂ ਖੁੰਝ ਗਏ। ਵੀਰਵਾਰ ਨੂੰ ਖੇਡੇ ਗਏ ਪੁਰਸ਼ਾਂ ਦੇ ਜੈਵਲਿਨ ਥਰੋਅ ਫਾਈਨਲ ਵਿੱਚ ਭਾਰਤੀ ਸਟਾਰ ਨੇ ਆਪਣੀ ਦੂਜੀ ਕੋਸ਼ਿਸ਼ ਵਿੱਚ 89.45 ਮੀਟਰ ਥਰੋਅ ਕਰਕੇ ਚਾਂਦੀ ਦਾ ਤਗ਼ਮਾ ਜਿੱਤਿਆ। ਇਸ ਦੇ ਨਾਲ ਹੀ ਕੱਟੜ ਵਿਰੋਧੀ ਪਾਕਿਸਤਾਨ ਦੇ ਅਰਸ਼ਦ ਨਦੀਮ ਨੇ ਭਾਰਤ ਦੇ ਗੋਲਡਨ ਬੁਆਏ ਦਾ ਸੁਪਨਾ ਤੋੜਦਿਆਂ 92.97 ਮੀਟਰ ਦੀ ਓਲੰਪਿਕ ਰਿਕਾਰਡ ਥਰੋਅ ਨਾਲ ਇਤਿਹਾਸਕ ਸੋਨ ਤਮਗਾ ਜਿੱਤਿਆ।
ਨੀਰਜ ਚੋਪੜਾ ਦੀ ਸ਼ੁਰੂਆਤ ਖਰਾਬ ਰਹੀ: ਟੋਕੀਓ ਓਲੰਪਿਕ 2020 ਦੇ ਸੋਨ ਤਮਗਾ ਜੇਤੂ ਭਾਰਤ ਦੇ ਨੀਰਜ ਚੋਪੜਾ ਦੀ ਮੈਚ ਵਿੱਚ ਸ਼ੁਰੂਆਤ ਚੰਗੀ ਨਹੀਂ ਰਹੀ ਅਤੇ ਉਨ੍ਹਾਂ ਨੇ ਆਪਣੀ ਪਹਿਲੀ ਕੋਸ਼ਿਸ਼ ਵਿੱਚ ਹੀ ਫਾਊਲ ਥਰੋਅ ਕੀਤਾ। ਨੀਰਜ ਪੂਰੇ ਮੁਕਾਬਲੇ 'ਚ ਦਬਾਅ 'ਚ ਨਜ਼ਰ ਆਏ ਅਤੇ 6 ਕੋਸ਼ਿਸ਼ਾਂ 'ਚੋਂ 5 ਫਾਊਲ ਥ੍ਰੋਅ ਕੀਤੇ। ਨੀਰਜ ਆਪਣੇ ਆਪ ਤੋਂ ਬਹੁਤ ਨਿਰਾਸ਼ ਨਜ਼ਰ ਆਏ ਅਤੇ ਕਈ ਵਾਰ ਲਾਈਨ ਪਾਰ ਕਰ ਗਏ।
ਦੂਜੀ ਕੋਸ਼ਿਸ਼ ਵਿੱਚ ਕੀਤਾ 89.45 ਮੀਟਰ ਥਰੋਅ:ਟੋਕੀਓ ਓਲੰਪਿਕ ਚੈਂਪੀਅਨ ਨੀਰਜ ਚੋਪੜਾ ਨੇ ਪੁਰਸ਼ਾਂ ਦੇ ਜੈਵਲਿਨ ਥਰੋਅ ਮੁਕਾਬਲੇ ਦੇ ਫਾਈਨਲ ਵਿੱਚ ਆਪਣੀ ਦੂਜੀ ਕੋਸ਼ਿਸ਼ ਵਿੱਚ 89.45 ਮੀਟਰ ਦੀ ਦੂਰੀ ਤੈਅ ਕੀਤੀ, ਜੋ ਇਸ ਸੀਜ਼ਨ ਵਿੱਚ ਉਨ੍ਹਾਂ ਦਾ ਸਰਵੋਤਮ ਪ੍ਰਦਰਸ਼ਨ ਹੈ। ਇਸ ਦੂਜੀ ਥਰੋਅ ਕਾਰਨ ਚੋਪੜਾ ਮੁਕਾਬਲੇ ਵਿੱਚ ਦੂਜੇ ਸਥਾਨ ’ਤੇ ਰਹੇ ਅਤੇ ਸਿਲਵਰ ਮੈਡਲ ’ਤੇ ਕਬਜ਼ਾ ਕੀਤਾ।
ਨੀਰਜ ਨੇ 6 ਕੋਸ਼ਿਸ਼ਾਂ 'ਚੋਂ 5 ਫਾਊਲ ਥਰੋਅ ਕੀਤੇ: ਭਾਰਤ ਦਾ 26 ਸਾਲਾ ਗੋਲਡਨ ਬੁਆਏ ਨੀਰਜ ਚੋਪੜਾ ਪੂਰੇ ਮੁਕਾਬਲੇ ਦੌਰਾਨ ਆਊਟ ਆਫ ਫਾਰਮ ਰਿਹਾ। ਨੀਰਜ ਆਪਣੇ ਆਪ ਤੋਂ ਬਹੁਤ ਨਿਰਾਸ਼ ਨਜ਼ਰ ਆਇਆ ਅਤੇ ਕਈ ਵਾਰ ਲਾਈਨ ਪਾਰ ਕਰ ਗਿਆ। ਨੀਰਜ ਨੇ 6 ਕੋਸ਼ਿਸ਼ਾਂ 'ਚੋਂ 5 ਵਾਰ ਫਾਊਲ ਥ੍ਰੋਅ ਕੀਤੇ। ਦੂਜੀ ਕੋਸ਼ਿਸ਼ 'ਚ ਕੀਤੀ ਗਈ ਥਰੋਅ ਨੂੰ ਛੱਡ ਕੇ ਨੀਰਜ ਨੇ ਬਾਕੀ ਸਾਰੀਆਂ 5 ਕੋਸ਼ਿਸ਼ਾਂ 'ਚ ਫਾਊਲ ਥ੍ਰੋਅ ਕੀਤੇ।
ਪਾਕਿਸਤਾਨ ਦੇ ਅਰਸ਼ਦ ਨਦੀਮ ਨੇ ਓਲੰਪਿਕ ਰਿਕਾਰਡ ਦੇ ਨਾਲ ਸੋਨ ਤਮਗਾ ਜਿੱਤਿਆ:ਪਾਕਿਸਤਾਨ ਦੇ ਸਟਾਰ ਜੈਵਲਿਨ ਥਰੋਅਰ ਅਰਸ਼ਦ ਨਦੀਮ ਨੇ ਆਪਣੀ ਦੂਜੀ ਕੋਸ਼ਿਸ਼ ਵਿੱਚ 92.97 ਮੀਟਰ ਦਾ ਜੈਵਲਿਨ ਸੁੱਟਿਆ ਅਤੇ ਨਿੱਜੀ ਸਰਵੋਤਮ ਪ੍ਰਦਰਸ਼ਨ ਨਾਲ ਓਲੰਪਿਕ ਰਿਕਾਰਡ ਬਣਾਇਆ। ਇਸ ਥਰੋਅ ਨਾਲ ਉਨ੍ਹਾਂ ਨੇ ਮੁਕਾਬਲੇ 'ਚ ਚੋਟੀ 'ਤੇ ਰਹਿ ਕੇ ਸੋਨ ਤਮਗਾ ਜਿੱਤਿਆ।
ਪਾਕਿਸਤਾਨ ਨੇ 32 ਸਾਲਾਂ ਬਾਅਦ ਜਿੱਤਿਆ ਓਲੰਪਿਕ ਮੈਡਲ: ਪਾਕਿਸਤਾਨੀ ਐਥਲੀਟ ਅਰਸ਼ਦ ਨਦੀਮ ਨੇ ਇਸ ਸ਼ਾਨਦਾਰ ਜਿੱਤ ਨਾਲ ਇਤਿਹਾਸ ਰਚ ਦਿੱਤਾ ਹੈ ਕਿਉਂਕਿ ਉਸ ਨੇ 32 ਸਾਲਾਂ ਬਾਅਦ ਪਾਕਿਸਤਾਨ ਲਈ ਓਲੰਪਿਕ ਤਮਗਾ ਜਿੱਤਿਆ ਹੈ। ਇਸ ਤੋਂ ਪਹਿਲਾਂ ਪਾਕਿਸਤਾਨ ਦੀ ਹਾਕੀ ਟੀਮ ਨੇ 1992 ਓਲੰਪਿਕ ਵਿੱਚ ਕਾਂਸੀ ਦਾ ਤਗ਼ਮਾ ਜਿੱਤਿਆ ਸੀ।
ਨੀਰਜ ਚੋਪੜਾ ਨੇ ਰਚਿਆ ਇਤਿਹਾਸ: ਪੈਰਿਸ ਓਲੰਪਿਕ 2024 ਵਿੱਚ ਚਾਂਦੀ ਦਾ ਤਗਮਾ ਜਿੱਤਣ ਦੇ ਨਾਲ, ਨੀਰਜ ਚੋਪੜਾ ਵਿਅਕਤੀਗਤ ਖੇਡਾਂ ਵਿੱਚ ਓਲੰਪਿਕ ਵਿੱਚ ਸਭ ਤੋਂ ਸਫਲ ਭਾਰਤੀ ਐਥਲੀਟ ਬਣ ਗਏ ਹਨ। ਨੀਰਜ ਚੋਪੜਾ ਨੇ (1 ਸੋਨ, 1 ਚਾਂਦੀ) ਤਗਮੇ ਜਿੱਤੇ ਹਨ। ਇਸ ਦੇ ਨਾਲ ਹੀ ਬੈਡਮਿੰਟਨ ਖਿਡਾਰਨ ਪੀਵੀ ਸਿੰਧੂ (1 ਚਾਂਦੀ, 1 ਕਾਂਸੀ), ਪਹਿਲਵਾਨ ਸੁਸ਼ੀਲ ਕੁਮਾਰ (1 ਚਾਂਦੀ, 1 ਕਾਂਸੀ) ਅਤੇ ਨਿਸ਼ਾਨੇਬਾਜ਼ ਮਨੂ ਭਾਕਰ (2 ਕਾਂਸੀ) ਨੇ 2-2 ਓਲੰਪਿਕ ਤਗਮੇ ਜਿੱਤੇ ਹਨ।
