ਨਵੀਂ ਦਿੱਲੀ: ਬੀਤੇ ਬੁੱਧਵਾਰ ਈਡਨ ਗਾਰਡਨ 'ਚ ਕੋਲਕਾਤਾ ਨਾਈਟ ਰਾਈਡਰਜ਼ ਅਤੇ ਰਾਜਸਥਾਨ ਰਾਇਲਸ ਵਿਚਾਲੇ ਸ਼ਾਨਦਾਰ ਮੈਚ ਖੇਡਿਆ ਗਿਆ। ਇਸ ਮੈਚ ਵਿੱਚ ਆਰਆਰ ਨੇ ਕੇਕੇਆਰ ਨੂੰ ਆਖਰੀ ਗੇਂਦ 'ਤੇ 2 ਵਿਕਟਾਂ ਨਾਲ ਹਰਾਇਆ। ਇਸ ਮੈਚ ਵਿੱਚ ਇੱਕ ਨਹੀਂ ਸਗੋਂ ਦੋ ਸੈਂਕੜੇ ਲੱਗੇ। ਜਿੱਥੇ ਇੱਕ ਪਾਸੇ ਸੁਨੀਲ ਨਾਰਾਇਣ ਨੇ ਸੈਂਕੜਾ ਜੜਿਆ, ਉੱਥੇ ਹੀ ਦੂਜੇ ਪਾਸੇ ਜੋਸ ਬਟਲਰ ਨੇ ਸੈਂਕੜਾ ਜੜ ਕੇ ਆਪਣੀ ਟੀਮ ਨੂੰ ਜਿੱਤ ਵੱਲ ਤੋਰਿਆ। ਤਾਂ ਆਓ ਇਸ ਮੈਚ ਦੀਆਂ ਟਾਪ ਮੂਵਮੈਂਟ 'ਤੇ ਇਕ ਵਾਰ ਫਿਰ ਤੋਂ ਨਜ਼ਰ ਮਾਰੀਏ।
ਅਵੇਸ਼ ਖਾਨ ਨੇ ਕੀਤਾ ਕਮਾਲ -ਕੇਕੇਆਰ ਦੇ ਵਿਸਫੋਟਕ ਬੱਲੇਬਾਜ਼ ਫਿਲਿਪ ਸਾਲਟ ਨੇ ਅਵੇਸ਼ ਖਾਨ ਦੀ ਗੇਂਦ 'ਤੇ ਸ਼ਾਟ ਖੇਡਿਆ ਅਤੇ ਗੇਂਦ ਸਿੱਧੀ ਉਨ੍ਹਾਂ ਵੱਲ ਗਈ ਅਤੇ ਫਿਰ ਅਵੇਸ਼ ਨੇ ਹੈਰਾਨੀਜਨਕ ਕੈਚ ਲੈ ਕੇ ਸਭ ਨੂੰ ਹੈਰਾਨ ਕਰ ਦਿੱਤਾ।
ਨਰਾਇਣ ਨੇ ਲਗਾਇਆ ਸੈਂਕੜਾ -ਕੇਕੇਆਰ ਦੇ ਬੱਲੇਬਾਜ਼ ਸੁਨੀਲ ਨਾਰਾਇਣ ਨੇ ਇਸ ਮੈਚ 'ਚ ਸ਼ਾਨਦਾਰ ਬੱਲੇਬਾਜ਼ੀ ਕਰਦੇ ਹੋਏ ਸੈਂਕੜਾ ਲਗਾਇਆ। ਉਨ੍ਹਾਂ ਨੇ 56 ਗੇਂਦਾਂ 'ਤੇ 13 ਚੌਕਿਆਂ ਅਤੇ 6 ਛੱਕਿਆਂ ਦੀ ਮਦਦ ਨਾਲ 109 ਦੌੜਾਂ ਦੀ ਪਾਰੀ ਖੇਡੀ ਹੈ।
ਸੁਨੀਲ ਨੇ ਲਗਾਏ ਬੈਕ ਟੂ ਬੈਕ ਛੱਕੇ -ਇਸ ਮੈਚ ਵਿੱਚ ਸੁਨੀਲ ਨਾਰਾਇਣ ਨੇ 16ਵੇਂ ਓਵਰ ਵਿੱਚ ਯੁਜਵੇਂਦਰ ਚਾਹਲ ਨੂੰ ਲਗਾਤਾਰ 3 ਛੱਕੇ ਜੜੇ। ਇਸ ਮੈਚ 'ਚ ਉਹ ਸੈਂਕੜਾ ਲਗਾਉਣ, ਵਿਕਟ ਲੈਣ ਅਤੇ ਕੈਚ ਫੜਨ ਵਾਲੇ ਪਹਿਲੇ ਖਿਡਾਰੀ ਬਣੇ।
ਰਿੰਕੂ ਸਿੰਘ ਨੇ ਲੁੱਟੀਆਂ ਦੌੜਾਂ - ਕੇਕੇਆਰ ਲਈ ਰਿੰਕੂ ਸਿੰਘ ਨੇ 2 ਗੇਂਦਾਂ 'ਚ 1 ਛੱਕੇ ਅਤੇ 1 ਚੌਕੇ ਦੀ ਮਦਦ ਨਾਲ 10 ਦੌੜਾਂ ਬਣਾਈਆਂ।
ਰਸੇਲ ਨੇ ਲਿਆ ਸ਼ਾਨਦਾਰ ਕੈਚ -ਰਾਜਸਥਾਨ ਰਾਇਲਜ਼ ਦੇ ਬੱਲੇਬਾਜ਼ ਰਿਆਨ ਪਰਾਗ ਨੇ 13 ਗੇਂਦਾਂ 'ਚ 34 ਦੌੜਾਂ ਬਣਾਈਆਂ। ਉਨ੍ਹਾਂ ਨੇ ਹਰਸ਼ਿਤ ਰਾਣਾ ਦੀ ਗੇਂਦ 'ਤੇ ਉੱਚਾ ਸ਼ਾਟ ਮਾਰਿਆ ਜਿਸ ਨੂੰ ਆਂਦਰੇ ਰਸਲ ਨੇ ਕੈਚ ਕਰ ਲਿਆ।
ਵਰੁਣ ਨੇ 2 ਗੇਂਦਾਂ 'ਚ ਲਈਆਂ 2 ਵਿਕਟਾਂ -ਕੇਕੇਆਰ ਦੇ ਸਪਿਨ ਗੇਂਦਬਾਜ਼ ਵਰੁਣ ਚੱਕਰਵਰਤੀ ਨੇ 13ਵੇਂ ਓਵਰ 'ਚ ਲਗਾਤਾਰ 2 ਵਿਕਟਾਂ ਲਈਆਂ। ਇਸ ਓਵਰ 'ਚ ਉਸ ਨੇ ਪਹਿਲਾਂ ਅਸ਼ਵਿਨ ਨੂੰ ਆਊਟ ਕੀਤਾ ਅਤੇ ਫਿਰ ਸ਼ਿਮਰੋਨ ਹੇਟਮਾਇਰ ਨੂੰ ਵੀ ਜ਼ੀਰੋ 'ਤੇ ਆਊਟ ਕੀਤਾ।
ਬਟਲਰ ਨੇ ਜੜਿਆ ਸੈਂਕੜਾ- ਰਾਜਸਥਾਨ ਰਾਇਲਜ਼ ਦੇ ਸਲਾਮੀ ਬੱਲੇਬਾਜ਼ ਜੋਸ ਬਟਲਰ ਨੇ 107 ਦੌੜਾਂ ਦੀ ਪਾਰੀ ਖੇਡੀ ਅਤੇ ਉਸ ਨੇ ਆਖਰੀ ਗੇਂਦ 'ਤੇ ਚੌਕਾ ਲਗਾ ਕੇ ਟੀਮ ਨੂੰ ਜਿੱਤ ਦਿਵਾਈ। ਇਹ ਜਿੱਤ ਕਾਫੀ ਮੁਸ਼ਕਲ ਸੀ ਪਰ ਬਟਲਰ ਨੇ 9 ਚੌਕੇ ਅਤੇ 6 ਛੱਕੇ ਲਗਾ ਕੇ ਟੀਮ ਨੂੰ 2 ਵਿਕਟਾਂ ਨਾਲ ਜਿੱਤ ਦਿਵਾਈ।
ਮੈਚ ਦੀ ਪੂਰੀ ਸਥਿਤੀ- ਇਸ ਮੈਚ 'ਚ ਕੇਕੇਆਰ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 20 ਓਵਰਾਂ 'ਚ 6 ਵਿਕਟਾਂ 'ਤੇ 223 ਦੌੜਾਂ ਬਣਾਈਆਂ। ਇਸ ਟੀਚੇ ਦਾ ਪਿੱਛਾ ਕਰਦਿਆਂ ਆਰਆਰ ਦੀ ਟੀਮ ਨੇ 20 ਓਵਰਾਂ ਵਿੱਚ 8 ਵਿਕਟਾਂ ਗੁਆ ਕੇ 224 ਦੌੜਾਂ ਬਣਾਈਆਂ ਅਤੇ ਮੈਚ 2 ਵਿਕਟਾਂ ਨਾਲ ਜਿੱਤ ਲਿਆ। ਜੋਸ ਬਟਲਰ ਨੂੰ ਉਸ ਦੇ ਮੈਚ ਜੇਤੂ ਸੈਂਕੜੇ ਲਈ ਪਲੇਅਰ ਆਫ ਦਾ ਮੈਚ ਦਾ ਪੁਰਸਕਾਰ ਦਿੱਤਾ ਗਿਆ।
