ਰਾਂਚੀ:ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਸੀਰੀਜ਼ ਦਾ ਚੌਥਾ ਮੈਚ ਖੇਡਿਆ ਜਾ ਰਿਹਾ ਹੈ। ਇਸ ਮੈਚ ਵਿੱਚ ਭਾਰਤੀ ਟੀਮ ਨੂੰ ਚੌਥੇ ਦਿਨ ਜਿੱਤ ਲਈ 152 ਦੌੜਾਂ ਦੀ ਲੋੜ ਹੈ। ਚੌਥੇ ਦਿਨ ਦਾ ਮੈਚ ਸ਼ੁਰੂ ਹੋਣ ਤੋਂ ਪਹਿਲਾਂ ਬੀਸੀਸੀਆਈ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਐਕਸ 'ਤੇ ਮੈਚ ਦੇ ਤੀਜੇ ਦਿਨ ਦੇ ਨਾਇਕਾਂ ਦੀ ਗੱਲਬਾਤ ਦਾ ਵੀਡੀਓ ਸ਼ੇਅਰ ਕੀਤਾ ਹੈ। ਇਸ ਵੀਡੀਓ 'ਚ ਧਰੁਵ ਜੁਰਲ ਅਤੇ ਕੁਲਦੀਪ ਯਾਦਵ ਇਕ-ਦੂਜੇ ਬਾਰੇ ਗੱਲ ਕਰ ਰਹੇ ਹਨ।
ਬੀਸੀਸੀਆਈ ਵੱਲੋਂ ਸ਼ੇਅਰ ਕੀਤੇ ਵੀਡੀਓ ਵਿੱਚ ਕੁਲਦੀਪ ਯਾਦਵ ਨੇ ਕਿਹਾ ਕਿ ਜੇਕਰ ਤੁਸੀਂ ਜੁਰੇਲ ਨਾਲ ਗੱਲ ਕਰਕੇ ਖੇਡਦੇ ਹੋ ਤਾਂ ਉਹ ਬਹੁਤ ਆਰਾਮਦਾਇਕ ਰਹਿੰਦਾ ਹੈ। ਕੁਲਦੀਪ ਯਾਦਵ ਨੇ ਕਿਹਾ ਕਿ ਮੈਨੂੰ ਉਸ 'ਤੇ ਬਹੁਤ ਭਰੋਸਾ ਸੀ, ਮੈਂ ਉਸ ਨਾਲ ਖੇਡਿਆ ਹੈ ਇਸ ਲਈ ਮੈਨੂੰ ਇਸ ਗੱਲ ਦਾ ਅੰਦਾਜ਼ਾ ਹੈ ਕਿ ਉਹ ਕਿਸ ਤਰ੍ਹਾਂ ਬੱਲੇਬਾਜ਼ੀ ਕਰਦਾ ਹੈ। ਆਪਣੇ ਅਰਧ ਸੈਂਕੜੇ ਤੋਂ ਬਾਅਦ ਉਸ ਨੂੰ ਸਲਾਮ ਕਰਦੇ ਹੋਏ ਕੁਲਦੀਪ ਨੇ ਕਿਹਾ ਕਿ ਉਸ ਦੇ ਪਿਤਾ ਸ਼ਾਇਦ ਫੌਜ ਵਿਚ ਹਨ, ਇਸੇ ਲਈ ਉਸ ਨੇ ਅਰਧ ਸੈਂਕੜਾ ਆਪਣੇ ਪਿਤਾ ਨੂੰ ਸਮਰਪਿਤ ਕੀਤਾ ਸੀ। ਯਾਦਵ ਨੇ ਕਿਹਾ ਕਿ ਉਹ ਉੱਤਰ ਪ੍ਰਦੇਸ਼ ਤੋਂ ਆਉਂਦਾ ਹੈ, ਇਸ ਲਈ ਮੈਂ ਉਸ ਨੂੰ ਖੇਡਦਿਆਂ ਦੇਖਿਆ ਹੈ।
ਕੁਲਦੀਪ ਨੇ ਆਪਣੇ 5 ਵਿਕਟਾਂ ਦੀ ਉਮੀਦ ਬਾਰੇ ਕਿਹਾ ਕਿ ਜਦੋਂ ਤੁਸੀਂ 4 ਵਿਕਟਾਂ ਲੈਂਦੇ ਹੋ ਤਾਂ ਸਪੱਸ਼ਟ ਤੌਰ 'ਤੇ ਤੁਹਾਨੂੰ 5 ਵਿਕਟਾਂ ਦੀ ਉਮੀਦ ਹੁੰਦੀ ਹੈ, ਤੁਸੀਂ ਆਪਣੀਆਂ ਪੰਜ ਵਿਕਟਾਂ ਹਾਸਲ ਕਰਨਾ ਚਾਹੁੰਦੇ ਹੋ ਪਰ 4 ਵਿਕਟਾਂ ਮਹੱਤਵਪੂਰਨ ਵਿਕਟਾਂ ਸਨ ਅਤੇ ਮੈਂ ਇਸ ਤੋਂ ਵੀ ਬਹੁਤ ਖੁਸ਼ ਹਾਂ।
ਜੁਰੇਲ ਨੇ ਕਿਹਾ ਕਿ ਜ਼ਾਹਿਰ ਹੈ ਕਿ ਜਦੋਂ ਮੈਂ ਖੇਡ ਰਿਹਾ ਸੀ ਤਾਂ ਮੇਰੇ ਦਿਮਾਗ 'ਚ ਕੋਈ ਨਿੱਜੀ ਉਪਲੱਬਧੀ ਹਾਸਲ ਕਰਨ ਦਾ ਖਿਆਲ ਨਹੀਂ ਸੀ। ਮੇਰੇ ਦਿਮਾਗ 'ਚ ਇਹ ਹੀ ਚੱਲ ਰਿਹਾ ਸੀ ਕਿ ਮੈਂ ਟੀਮ ਲਈ ਜਿੰਨਾ ਜ਼ਿਆਦਾ ਸਮਾਂ ਕ੍ਰੀਜ਼ 'ਤੇ ਬਿਤਾਵਾਂਗਾ, ਓਨਾ ਹੀ ਟੀਮ ਲਈ ਬਿਹਤਰ ਹੋਵੇਗਾ। ਜੁਰੇਲ ਨੇ ਕਿਹਾ ਕਿ ਕੁਲਦੀਪ ਨਾਲ ਖੇਡਣਾ ਚੰਗਾ ਲੱਗਿਆ। ਜੁਰੇਲ ਨੇ ਕਿਹਾ ਕਿ ਇਹ ਮੇਰੀ ਪਹਿਲੀ ਸੀਰੀਜ਼ ਹੈ, ਮੈਂ ਚਾਹੁੰਦਾ ਹਾਂ ਕਿ ਅਸੀਂ ਇਹ ਪਹਿਲੀ ਸੀਰੀਜ਼ ਜਿੱਤੀਏ।
ਤੁਹਾਨੂੰ ਦੱਸ ਦਈਏ ਕਿ ਧਰੁਵ ਜੁਰੇਲ ਦੀ ਇਹ ਪਹਿਲੀ ਅੰਤਰਰਾਸ਼ਟਰੀ ਟੈਸਟ ਸੀਰੀਜ਼ ਹੈ। ਉਹ ਪਹਿਲੇ ਮੈਚ ਵਿੱਚ ਅਰਧ ਸੈਂਕੜਾ ਬਣਾਉਣ ਤੋਂ ਖੁੰਝ ਗਿਆ ਸੀ। ਜੁਰੇਲ ਦੀਆਂ ਕੁਝ ਬਿਹਤਰੀਨ ਪਾਰੀਆਂ ਆਈ.ਪੀ.ਐੱਲ. 'ਚ ਦੇਖਣ ਨੂੰ ਮਿਲੀਆਂ ਸੀ। ਉਥੇ ਹੀ ਕੁਲਦੀਪ ਯਾਦਵ ਭਾਰਤੀ ਟੀਮ ਦੇ ਸਰਵੋਤਮ ਚਾਈਨਾਮੈਨ ਗੇਂਦਬਾਜ਼ ਹਨ ਅਤੇ ਇਸ ਸੀਰੀਜ਼ 'ਚ ਹੁਣ ਤੱਕ 8 ਵਿਕਟਾਂ ਲੈ ਚੁੱਕੇ ਹਨ।
