ਹੈਦਰਾਬਾਦ: ਇਨਸੌਮਨੀਆ ਇੱਕ ਵੱਡੀ ਸਮੱਸਿਆ ਹੈ, ਜਿਸ ਦਾ ਸਾਹਮਣਾ ਅੱਜਕੱਲ੍ਹ ਬਹੁਤ ਸਾਰੇ ਲੋਕ ਕਰ ਰਹੇ ਹਨ, ਚਾਹੇ ਉਹ ਕਿਸੇ ਵੀ ਉਮਰ ਵਿੱਚ ਹੋਣ। ਇਸੇ ਲਈ ਕਈ ਲੋਕ ਰਾਤ ਨੂੰ ਨੀਂਦ ਦੀਆਂ ਗੋਲੀਆਂ ਖਾਂਦੇ ਹਨ। ਪਰ ਇਹ ਬਿਲਕੁਲ ਵੀ ਚੰਗਾ ਨਹੀਂ ਹੈ।
ਜੇਕਰ ਤੁਸੀਂ ਵੀ ਹੋ ਇਨਸੌਮਨੀਆ ਤੋਂ ਪੀੜਤ, ਤਾਂ ਜਾਣੋ ਚੰਗੀ ਨੀਂਦ ਲੈਣ ਦੇ ਕੁੱਝ ਉਪਾਅ - good sleep tips
Good Sleep Tips: ਕੀ ਤੁਸੀਂ ਇਨਸੌਮਨੀਆ ਦੀ ਸਮੱਸਿਆ ਤੋਂ ਪੀੜਤ ਹੋ? ਨਹੀਂ ਜਾਣਦੇ ਕਿ ਇਸ ਸਮੱਸਿਆ ਨੂੰ ਕਿਵੇਂ ਹੱਲ ਕਰਨਾ ਹੈ? ਆਓ ਜਾਣਦੇ ਹਾਂ ਇੰਸੌਮਨੀਆ ਦੀ ਸਮੱਸਿਆ ਨੂੰ ਆਸਾਨੀ ਨਾਲ ਕਿਵੇਂ ਹੱਲ ਕੀਤਾ ਜਾ ਸਕਦਾ ਹੈ।
ਇਨਸੌਮਨੀਆ ਤੋਂ ਪੀੜਤ
Published : Jan 20, 2024, 1:54 PM IST
ਅਸਲ ਵਿੱਚ ਜੇਕਰ ਨੀਂਦ ਨਾ ਆਵੇ ਤਾਂ ਸਰੀਰਕ ਅਤੇ ਮਾਨਸਿਕ ਤੌਰ ’ਤੇ ਕਈ ਸਮੱਸਿਆਵਾਂ ਪੈਦਾ ਹੋ ਜਾਂਦੀਆਂ ਹਨ। ਇਸ ਸਮੱਸਿਆ ਨੂੰ ਦੂਰ ਕਰਨ ਲਈ ਸਾਨੂੰ ਆਪਣੀ ਜੀਵਨ ਸ਼ੈਲੀ ਅਤੇ ਖਾਣ-ਪੀਣ ਦੀਆਂ ਆਦਤਾਂ ਵਿੱਚ ਕੁਝ ਅਹਿਮ ਬਦਲਾਅ ਕਰਨ ਦੀ ਲੋੜ ਹੈ।
ਇਸ ਦੇ ਨਾਲ ਹੀ ਸੌਂਦੇ ਸਮੇਂ ਕੁਝ ਖਾਸ ਸਾਵਧਾਨੀਆਂ ਵਰਤਣੀਆਂ ਚਾਹੀਦੀਆਂ ਹਨ। ਸਿਹਤ ਮਾਹਿਰਾਂ ਦਾ ਕਹਿਣਾ ਹੈ ਕਿ ਤਾਂ ਹੀ ਇਨਸੌਮਨੀਆ ਦੀ ਸਮੱਸਿਆ 'ਤੇ ਪੂਰੀ ਤਰ੍ਹਾਂ ਕਾਬੂ ਪਾਇਆ ਜਾ ਸਕਦਾ ਹੈ। ਇਸ ਲਈ ਇਸ ਲੇਖ ਵਿਚ ਆਓ ਜਾਣਦੇ ਹਾਂ ਇਨਸੌਮਨੀਆ ਦੀ ਸਮੱਸਿਆ ਨੂੰ ਦੂਰ ਕਰਨ ਦੇ ਚੰਗੇ ਟਿਪਸ।
- ਸਹੀ ਸਮੇਂ 'ਤੇ ਸੌਣਾ: ਹਰ ਰੋਜ਼ ਇੱਕੋ ਸਮੇਂ 'ਤੇ ਸੌਣ ਦੀ ਆਦਤ ਪਾਓ। ਇਹ ਸਾਡੇ ਸਰੀਰ ਵਿੱਚ ਸੌਣ-ਜਾਗਣ ਦੇ ਚੱਕਰ ਨੂੰ ਨਿਯੰਤ੍ਰਿਤ ਕਰਦਾ ਹੈ। ਜਦੋਂ ਸੌਣ ਦਾ ਸਮਾਂ ਹੁੰਦਾ ਹੈ ਤਾਂ ਸਾਡਾ ਸਰੀਰ ਆਰਾਮ ਕਰਨਾ ਚਾਹੁੰਦਾ ਹੈ।
- ਖਾਣ-ਪੀਣ ਦੀਆਂ ਆਦਤਾਂ: ਪੂਰੇ ਭੋਜਨ ਤੋਂ ਬਾਅਦ ਜਾਂ ਭੁੱਖੇ ਹੋਣ 'ਤੇ ਸੌਣ ਨਾ ਜਾਓ। ਇਸ ਕਾਰਨ ਵਿਅਕਤੀ ਨੂੰ ਚੰਗੀ ਤਰ੍ਹਾਂ ਨੀਂਦ ਨਹੀਂ ਆਉਂਦੀ। ਇਸੇ ਤਰ੍ਹਾਂ ਜੇਕਰ ਤੁਸੀਂ ਸੌਣ ਤੋਂ ਪਹਿਲਾਂ ਬਹੁਤ ਸਾਰਾ ਪਾਣੀ ਪੀਂਦੇ ਹੋ, ਤਾਂ ਤੁਹਾਨੂੰ ਨੀਂਦ ਦੇ ਵਿਚਕਾਰ ਜਾਗਣਾ ਪਵੇਗਾ। ਨਾਲ ਹੀ ਸੌਣ ਤੋਂ ਪਹਿਲਾਂ ਸਿਗਰੇਟ, ਕੌਫੀ, ਚਾਹ ਨਾ ਪੀਓ।
- ਸੌਣ ਲਈ ਤਿਆਰੀ ਦੀ ਲੋੜ: ਜੇਕਰ ਤੁਸੀਂ ਸੌਣ ਤੋਂ ਪਹਿਲਾਂ ਕਿਤਾਬ ਪੜ੍ਹਨਾ, ਗੀਤ ਸੁਣਨਾ ਅਤੇ ਨਹਾਉਣਾ ਵਰਗੀਆਂ ਆਦਤਾਂ ਕਰਦੇ ਹੋ ਤਾਂ ਸਰੀਰ ਜਲਦੀ ਸੌਂ ਜਾਵੇਗਾ। ਸੌਣ ਤੋਂ ਪਹਿਲਾਂ ਸੈਲ ਫ਼ੋਨ ਅਤੇ ਟੀਵੀ ਦੇਖਣਾ ਬੰਦ ਕਰ ਦੇਣਾ ਚਾਹੀਦਾ ਹੈ।
- ਬੈੱਡਰੂਮ ਨੂੰ ਰੱਖੋ ਸਾਫ਼: ਇੱਕ ਚੰਗੇ ਆਰਾਮਦਾਇਕ ਬਿਸਤਰੇ ਅਤੇ ਗੱਦੇ ਦਾ ਪ੍ਰਬੰਧ ਕੀਤਾ ਜਾਣਾ ਚਾਹੀਦਾ ਹੈ। ਫਿਰ ਆਰਾਮ ਨਾਲ ਸੌਂ ਜਾਓ।
- ਦਿਨ ਵੇਲੇ ਨਾ ਆਵੇ ਨੀਂਦ: ਦਿਨ ਵੇਲੇ ਸੌਣਾ ਤੁਹਾਨੂੰ ਰਾਤ ਨੂੰ ਨੀਂਦ ਨਹੀਂ ਆਉਣ ਦਿੰਦਾ। ਜੇ ਤੁਹਾਨੂੰ ਦਿਨ ਵਿੱਚ ਆਰਾਮ ਕਰਨ ਦੀ ਲੋੜ ਹੈ, ਤਾਂ 10-30 ਮਿੰਟਾਂ ਤੋਂ ਵੱਧ ਸਮੇਂ ਲਈ ਝਪਕੀ ਨਾ ਲਓ।
- ਰੋਜ਼ਾਨਾ ਕਸਰਤ ਕਰਨ ਨਾਲ ਤੁਹਾਨੂੰ ਸਮੇਂ ਸਿਰ ਸੌਣ ਵਿੱਚ ਮਦਦ ਮਿਲਦੀ ਹੈ। ਪਰ ਸੌਣ ਤੋਂ ਪਹਿਲਾਂ ਕਸਰਤ ਨਾ ਕਰੋ।
- ਜੇਕਰ ਕੰਮ ਦਾ ਤਣਾਅ ਅਤੇ ਮਾਨਸਿਕ ਤਣਾਅ ਹੋਵੇ ਤਾਂ ਵਿਅਕਤੀ ਚੰਗੀ ਤਰ੍ਹਾਂ ਸੌਂ ਨਹੀਂ ਸਕਦਾ। ਇਸ ਲਈ ਜਿੰਨਾ ਹੋ ਸਕੇ ਆਪਣੇ ਤਣਾਅ ਨੂੰ ਘੱਟ ਕਰਨ ਦੀ ਕੋਸ਼ਿਸ਼ ਕਰੋ। ਤਦ ਹੀ ਤੁਹਾਨੂੰ ਚੰਗੀ ਨੀਂਦ ਆਵੇਗੀ। ਇਨ੍ਹਾਂ ਨੁਸਖਿਆਂ ਨੂੰ ਅਪਣਾ ਕੇ ਇਨਸੌਮਨੀਆ ਦੀ ਸਮੱਸਿਆ 'ਤੇ ਕਾਬੂ ਪਾਓ ਅਤੇ ਚੰਗੀ ਸਿਹਤ ਦੇ ਮਾਲਕ ਹੋਵੋ।