ਮੁੰਬਈ: ਬਾਲੀਵੁੱਡ ਅਦਾਕਾਰ ਵਿਕਰਾਂਤ ਮੈਸੀ ਸਟਾਰਰ ਹਿੱਟ ਡਰਾਮਾ ਫਿਲਮ '12ਵੀਂ ਫੇਲ੍ਹ' ਨੇ ਹਾਲ ਹੀ 'ਚ ਸਿਨੇਮਾਘਰਾਂ 'ਚ 25 ਹਫਤੇ ਪੂਰੇ ਕੀਤੇ ਹਨ। ਇਹ ਫਿਲਮ 27 ਅਕਤੂਬਰ 2023 ਨੂੰ ਰਿਲੀਜ਼ ਹੋਈ ਸੀ। ਸੰਨੀ ਦਿਓਲ ਦੀ 'ਗਦਰ: ਏਕ ਪ੍ਰੇਮ ਕਥਾ' ਦੇ 23 ਸਾਲਾਂ ਬਾਅਦ ਕੋਈ ਵੀ ਫਿਲਮ ਇੰਨੇ ਲੰਬੇ ਸਮੇਂ ਤੱਕ ਸਿਨੇਮਾਘਰਾਂ ਵਿੱਚ ਨਹੀਂ ਚੱਲੀ ਸੀ। ਹੁਣ '12ਵੀਂ ਫੇਲ੍ਹ' ਨੂੰ ਲੈ ਕੇ ਵੱਡੀ ਖਬਰ ਆ ਰਹੀ ਹੈ। ਇਹ ਫਿਲਮ ਹੁਣ ਗੁਆਂਢੀ ਦੇਸ਼ ਚੀਨ 'ਚ ਰਿਲੀਜ਼ ਹੋਣ ਜਾ ਰਹੀ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਇੱਕ ਇੰਟਰਵਿਊ ਵਿੱਚ ਵਿਕਰਾਂਤ ਮੈਸੀ ਨੇ ਖੁਲਾਸਾ ਕੀਤਾ ਹੈ ਕਿ ਫਿਲਮ 12ਵੀਂ ਫੇਲ੍ਹ ਚੀਨ ਵਿੱਚ ਰਿਲੀਜ਼ ਹੋਣ ਜਾ ਰਹੀ ਹੈ। ਅਦਾਕਾਰ ਨੇ ਦੱਸਿਆ ਕਿ ਉਹ ਫਿਲਮ ਦੀ ਪ੍ਰਮੋਸ਼ਨ ਲਈ ਜਲਦੀ ਹੀ ਚੀਨ ਜਾ ਰਹੇ ਹਨ। ਇਸ ਇੰਟਰਵਿਊ 'ਚ ਮੈਸੀ ਨੇ ਕਿਹਾ, 'ਇਸ ਬਾਰੇ ਗੱਲ ਕਰਨਾ ਜਲਦਬਾਜ਼ੀ ਹੋਵੇਗੀ ਪਰ ਮੈਂ ਬਹੁਤ ਉਤਸ਼ਾਹਿਤ ਹਾਂ ਅਤੇ ਅਜਿਹਾ ਹੀ ਕੁਝ ਹੋਣ ਵਾਲਾ ਹੈ।'