ਹੈਦਰਾਬਾਦ: ਬਾਲੀਵੁੱਡ ਦੀ ਸਟਾਰ ਜੋੜੀ ਸਿਧਾਰਥ ਮਲਹੋਤਰਾ ਅਤੇ ਕਿਆਰਾ ਅਡਵਾਨੀ ਲਈ ਅੱਜ 7 ਫਰਵਰੀ (ਰੋਜ਼ ਡੇਅ) ਬੇਹੱਦ ਖਾਸ ਦਿਨ ਹੈ। ਇਸ ਜੋੜੇ ਨੇ 7 ਫਰਵਰੀ 2023 ਨੂੰ ਰਿਸ਼ਤੇ ਤੋਂ ਬਾਅਦ ਵਿਆਹ ਕਰਵਾ ਲਿਆ ਸੀ। ਇਹ ਜੋੜੀ ਪਹਿਲੀ ਵਾਰ ਫਿਲਮ 'ਸ਼ੇਰਸ਼ਾਹ' (2021) 'ਚ ਨਜ਼ਰ ਆਈ ਸੀ ਅਤੇ ਇਸ ਫਿਲਮ ਤੋਂ ਦੋਵਾਂ ਵਿਚਾਲੇ ਨੇੜਤਾ ਵੱਧ ਗਈ ਸੀ।
ਸਿਧਾਰਥ ਨੂੰ ਪਹਿਲੀ ਨਜ਼ਰ ਵਿੱਚ ਕਿਆਰਾ ਅਡਵਾਨੀ ਨਾਲ ਪਿਆਰ ਹੋ ਗਿਆ ਸੀ। ਇਸ ਦੇ ਨਾਲ ਹੀ ਬਾਲੀਵੁੱਡ ਦੇ ਇਸ ਸ਼ੇਰਸ਼ਾਹ ਨੇ ਕਿਆਰਾ ਨੂੰ ਵਿਆਹ ਲਈ ਪ੍ਰਪੋਜ਼ ਕਰਨ 'ਚ ਜ਼ਿਆਦਾ ਸਮਾਂ ਨਹੀਂ ਲਗਾਇਆ। ਇਸ ਖੂਬਸੂਰਤ ਜੋੜੇ ਦੇ ਵਿਆਹ ਦੀ ਪਹਿਲੀ ਵਰ੍ਹੇਗੰਢ 'ਤੇ ਆਓ ਜਾਣਦੇ ਹਾਂ ਉਨ੍ਹਾਂ ਦੀ ਪ੍ਰੇਮ ਕਹਾਣੀ ਕਿਵੇਂ ਸ਼ੁਰੂ ਹੋਈ?
ਤੁਹਾਨੂੰ ਦੱਸ ਦੇਈਏ ਕਿ ਕਰਨ ਜੌਹਰ ਦੇ ਮਸ਼ਹੂਰ ਟਾਕ ਸ਼ੋਅ ਕੌਫੀ ਵਿਦ ਕਰਨ ਵਿੱਚ ਸਿਧਾਰਥ ਅਤੇ ਕਿਆਰਾ ਦੀ ਲਵ ਸਟੋਰੀ ਨੂੰ ਜਨਤਕ ਕੀਤਾ ਗਿਆ ਸੀ। ਇਸ ਦੇ ਨਾਲ ਹੀ ਇੱਕ ਇੰਟਰਵਿਊ 'ਚ ਕਿਆਰਾ ਨੇ ਦੱਸਿਆ ਸੀ ਕਿ ਉਹ ਸਿਧਾਰਥ ਨੂੰ ਫਿਲਮ ਲਸਟ ਸਟੋਰੀ ਦੇ ਸੈੱਟ 'ਤੇ ਮਿਲੀ ਸੀ। ਉੱਥੇ ਹੀ ਦੋਹਾਂ ਨੂੰ ਇਕ-ਦੂਜੇ ਨਾਲ ਪਿਆਰ ਹੋ ਗਿਆ ਅਤੇ ਫਿਲਮ ਸ਼ੇਰਸ਼ਾਹ ਨਾਲ ਉਹ ਇਕ-ਦੂਜੇ ਦੇ ਕਰੀਬ ਆ ਗਏ।
ਸਾਲ 2020 'ਚ ਫਿਲਮ 'ਸ਼ੇਰਸ਼ਾਹ' ਦੇ ਸੈੱਟ 'ਤੇ ਇੱਕ ਵਾਰ ਫਿਰ ਦੋਵਾਂ ਦੀ ਮੁਲਾਕਾਤ ਹੋਈ, ਜੋ ਪਿਆਰ 'ਚ ਬਦਲ ਗਈ। ਸ਼ੇਰਸ਼ਾਹ ਸਾਲ 2021 'ਚ ਰਿਲੀਜ਼ ਹੋਈ ਸੀ ਅਤੇ ਫਿਲਮ ਦੀ ਰਿਲੀਜ਼ ਤੋਂ ਪਹਿਲਾਂ ਹੀ ਦੋਹਾਂ 'ਚ ਪਿਆਰ ਹੋ ਗਿਆ ਸੀ। ਸ਼ੇਰਸ਼ਾਹ ਦੇ ਸੈੱਟ 'ਤੇ ਕਿਆਰਾ ਅਤੇ ਸਿਧਾਰਥ ਦਾ ਬੰਧਨ ਕਾਫੀ ਮਜ਼ਬੂਤ ਹੋ ਗਿਆ ਸੀ।