ਮੁੰਬਈ (ਬਿਊਰੋ): ਮਹਾਂਕੁੰਭ 2025 'ਚ ਆਪਣੀਆਂ ਖੂਬਸੂਰਤ ਅੱਖਾਂ ਨਾਲ ਸਾਰਿਆਂ ਨੂੰ ਦੀਵਾਨਾ ਬਣਾਉਣ ਵਾਲੀ ਮੋਨਾਲੀਸਾ ਦੀ ਕਿਸਮਤ ਚਮਕਦੀ ਨਜ਼ਰ ਆ ਰਹੀ ਹੈ। ਮੋਨਾਲੀਸਾ ਹੁਣ ਹੀਰੋਇਨ ਬਣਨ ਜਾ ਰਹੀ ਹੈ। ਜੀ ਹਾਂ, ਨਿਰਦੇਸ਼ਕ ਸਨੋਜ ਮਿਸ਼ਰਾ ਨੇ ਉਨ੍ਹਾਂ ਨੂੰ 'ਦਿ ਡਾਇਰੀ ਆਫ ਮਨੀਪੁਰ' ਲਈ ਸਾਈਨ ਕੀਤਾ ਹੈ, ਜਿਸ 'ਚ ਉਹ ਰਾਜਕੁਮਾਰ ਰਾਓ ਦੇ ਵੱਡੇ ਭਰਾ ਨਾਲ ਸਕ੍ਰੀਨ ਸ਼ੇਅਰ ਕਰੇਗੀ।
ਤੁਹਾਨੂੰ ਦੱਸ ਦੇਈਏ ਕਿ ਪਰਿਵਾਰ ਦੀ ਆਰਥਿਕ ਹਾਲਤ ਖਰਾਬ ਹੋਣ ਕਾਰਨ ਮੋਨਾ ਨੇ ਆਪਣੀ ਪੜ੍ਹਾਈ ਛੱਡ ਦਿੱਤੀ ਸੀ ਅਤੇ ਉਹ ਮਾਲਾ ਵੇਚਣ ਦਾ ਕੰਮ ਕਰਦੀ ਸੀ। ਮਹਾਂਕੁੰਭ 2025 'ਚ ਵੀ ਉਹ ਰੁਦਰਾਕਸ਼ ਦੀ ਮਾਲਾ ਵੇਚ ਰਹੀ ਸੀ ਪਰ ਇਹ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਈ ਅਤੇ ਮੋਨਾ ਦੀ ਕਿਸਮਤ ਰਾਤੋ-ਰਾਤ ਸੁਧਰ ਗਈ। ਆਓ ਜਾਣਦੇ ਹਾਂ ਉਸ ਬਾਰੇ ਹੋਰ।
ਕੌਣ ਹੈ 'ਮੋਨਾਲੀਸਾ'?
'ਮੋਨਾਲੀਸਾ' ਦਾ ਜਨਮ 21 ਜਨਵਰੀ 2009 ਨੂੰ ਮੱਧ ਪ੍ਰਦੇਸ਼ ਦੇ ਮਹੇਸ਼ਵਰ 'ਚ ਇੱਕ ਹਿੰਦੂ ਪਰਿਵਾਰ 'ਚ ਹੋਇਆ ਸੀ, ਉਹ ਇਸ ਸਮੇਂ 16 ਸਾਲ ਦੀ ਹੈ। 'ਮੋਨਾਲੀਸਾ' ਦਾ ਜਨਮ ਬਹੁਤ ਹੀ ਸਾਧਾਰਨ ਅਤੇ ਗਰੀਬ ਪਰਿਵਾਰ 'ਚ ਹੋਇਆ ਸੀ, ਇਸੇ ਲਈ ਉਸ ਨੇ 12 ਸਾਲ ਦੀ ਉਮਰ 'ਚ ਆਪਣੀ ਪੜ੍ਹਾਈ ਛੱਡ ਦਿੱਤੀ ਸੀ ਅਤੇ ਆਪਣੇ ਪਰਿਵਾਰ ਦੀ ਆਰਥਿਕ ਮਦਦ ਕਰਨ ਲਈ ਮਾਲਾ ਵੇਚਣ ਦਾ ਕੰਮ ਸ਼ੁਰੂ ਕਰ ਦਿੱਤਾ।
ਆਪਣੀ ਪੜ੍ਹਾਈ ਛੱਡਣ ਤੋਂ ਬਾਅਦ 'ਮੋਨਾਲੀਸਾ' ਆਪਣੇ ਪਰਿਵਾਰ ਦੇ ਕਾਰੋਬਾਰ 'ਚ ਮਦਦ ਕਰ ਰਹੀ ਹੈ। ਇਸ ਕਾਰਨ ਉਹ ਮਹਾਂਕੁੰਭ 'ਚ ਰੁਦਰਾਕਸ਼ ਦੇ ਮਣਕੇ ਵੇਚਣ ਆਈ ਸੀ। ਪਰ ਉਸ ਦੀਆਂ ਕੁਝ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਪੋਸਟ ਕੀਤੀਆਂ ਗਈਆਂ, ਜਿਸ ਤੋਂ ਬਾਅਦ 'ਮੋਨਾਲੀਸਾ' ਇੰਟਰਨੈੱਟ 'ਤੇ ਮਸ਼ਹੂਰ ਹੋ ਗਈ। ਉਸ ਦੀਆਂ ਅੱਖਾਂ ਨੇ ਸਭ ਤੋਂ ਵੱਧ ਧਿਆਨ ਖਿੱਚਿਆ। ਲੋਕ ਉਸ ਦੀ ਤੁਲਨਾ ਬਾਲੀਵੁੱਡ ਦੀਆਂ ਹੀਰੋਇਨਾਂ ਨਾਲ ਕਰਨ ਲੱਗ ਪਏ। ਮੋਨਾਲੀਸਾ ਦੇ ਕਾਲੇ ਰੰਗ ਅਤੇ ਅੱਖਾਂ ਨੇ ਸੋਸ਼ਲ ਮੀਡੀਆ 'ਤੇ ਕਾਫੀ ਸੁਰਖੀਆਂ ਬਟੋਰੀਆਂ ਸਨ। ਵੱਧਦੀ ਚਰਚਾ ਕਾਰਨ 'ਮੋਨਾਲੀਸਾ' ਦੇ ਆਲੇ-ਦੁਆਲੇ ਲੋਕਾਂ ਦੀ ਭੀੜ ਲੱਗ ਗਈ, ਜਿਸ ਕਾਰਨ ਉਸ ਦੇ ਪਿਤਾ ਨੇ ਪਰੇਸ਼ਾਨ ਹੋ ਕੇ ਉਸ ਨੂੰ ਘਰ ਭੇਜ ਦਿੱਤਾ।
ਬਾਲੀਵੁੱਡ ਵਿੱਚ ਕਰੇਗੀ ਐਂਟਰੀ
'ਰਾਤੋਂ ਰਾਤ ਚਮਕੀ ਕਿਸਮਤ'...ਇਹ ਵਾਕ 'ਮੋਨਾਲੀਸਾ' ਉਤੇ ਬਿਲਕੁਲ ਫਿੱਟ ਬੈਠਦਾ ਹੈ। ਮਹਾਂਕੁੰਭ ਤੋਂ ਵਾਇਰਲ ਹੋਈ ਕੁੜੀ ਹੁਣ ਵੱਡੇ ਪਰਦੇ 'ਤੇ ਆਪਣੀ ਖੂਬਸੂਰਤੀ ਅਤੇ ਪ੍ਰਤਿਭਾ ਦਾ ਜਾਦੂ ਬਿਖੇਰਨ ਲਈ ਤਿਆਰ ਹੈ। 'ਗਾਂਧੀਗਿਰੀ' ਅਤੇ 'ਦਿ ਡਾਇਰੀ ਆਫ ਬੰਗਾਲ' ਵਰਗੀਆਂ ਫਿਲਮਾਂ ਬਣਾ ਚੁੱਕੇ ਨਿਰਦੇਸ਼ਕ ਸਨੋਜ ਮਿਸ਼ਰਾ ਨੇ ਆਪਣੀ ਆਉਣ ਵਾਲੀ ਫਿਲਮ ਲਈ ਮੋਨਾਲੀਸਾ ਨੂੰ ਸਾਈਨ ਕੀਤਾ ਹੈ।
ਜੀ ਹਾਂ, ਸਨੋਜ ਨੇ ਮੋਨਾਲੀਸਾ ਨੂੰ ਆਪਣੀ ਫਿਲਮ 'ਦਿ ਡਾਇਰੀ ਆਫ ਮਨੀਪੁਰ' ਲਈ ਸਾਈਨ ਕੀਤਾ ਹੈ। ਮੋਨਾਲੀਸਾ ਨੂੰ ਇਸ ਦੇ ਲਈ ਆਪਣੇ ਪਰਿਵਾਰ ਦੀ ਸਹਿਮਤੀ ਵੀ ਮਿਲ ਚੁੱਕੀ ਹੈ। ਇਸ ਫਿਲਮ 'ਚ ਮਸ਼ਹੂਰ ਅਦਾਕਾਰ ਰਾਜਕੁਮਾਰ ਰਾਓ ਦੇ ਵੱਡੇ ਭਰਾ ਅਮਿਤ ਰਾਓ ਮੁੱਖ ਭੂਮਿਕਾ ਨਿਭਾਉਣ ਜਾ ਰਹੇ ਹਨ।
ਕੌਣ ਹੈ ਮੋਨਾਲੀਸਾ ਦੇ ਪਸੰਦ ਦੀ ਅਦਾਕਾਰਾ?
ਤੁਹਾਨੂੰ ਦੱਸ ਦੇਈਏ ਕਿ ਮੋਨਾਲੀਸਾ ਪਹਿਲਾਂ ਤੋਂ ਹੀ ਐਕਟਿੰਗ ਦੀ ਸ਼ੌਕੀਨ ਹੈ, ਉਹ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਰੀਲਜ਼ ਪੋਸਟ ਕਰਦੀ ਰਹਿੰਦੀ ਹੈ। ਉਸਦਾ ਮਨਪਸੰਦ ਬਾਲੀਵੁੱਡ ਅਦਾਕਾਰ ਸਲਮਾਨ ਖਾਨ ਹੈ ਅਤੇ ਉਸਦੀ ਪਸੰਦ ਦੀ ਅਦਾਕਾਰਾ ਸੋਨਾਕਸ਼ੀ ਸਿਨਹਾ ਹੈ। ਇਸ ਫਿਲਮ ਨਾਲ ਮੋਨਾਲੀਸਾ ਦਾ ਅਦਾਕਾਰਾ ਬਣਨ ਦਾ ਸੁਪਨਾ ਵੀ ਪੂਰਾ ਹੋਣ ਜਾ ਰਿਹਾ ਹੈ।
ਸਨੋਜ ਕੁਮਾਰ ਦੀਆਂ ਫਿਲਮਾਂ ਦੀ ਗੱਲ ਕਰੀਏ ਤਾਂ ਉਹ 'ਦਿ ਡਾਇਰੀ ਆਫ ਵੈਸਟ ਬੰਗਾਲ', 'ਸ਼ਸ਼ਾਂਕ', 'ਗਜ਼ਨਵੀ', 'ਸ਼੍ਰੀਨਗਰ', 'ਰਾਮ ਕੀ ਜਨਮਭੂਮੀ', 'ਗਾਂਧੀਗਿਰੀ' ਵਰਗੀਆਂ ਫਿਲਮਾਂ ਦਾ ਨਿਰਦੇਸ਼ਨ ਕਰ ਚੁੱਕੇ ਹਨ।
ਇਹ ਵੀ ਪੜ੍ਹੋ:
