ਹੈਦਰਾਬਾਦ: ਰਣਵੀਰ ਸਿੰਘ ਨੇ ਅੱਜ 27 ਜੁਲਾਈ ਨੂੰ ਫਿਲਮ 'ਉਰੀ: ਦਿ ਸਰਜੀਕਲ ਸਟ੍ਰਾਈਕ' ਦੇ ਨਿਰਦੇਸ਼ਕ ਆਦਿਤਿਆ ਧਰ ਨਾਲ ਆਪਣੇ ਨਵੇਂ ਪ੍ਰੋਜੈਕਟ ਦਾ ਐਲਾਨ ਕਰ ਦਿੱਤਾ ਹੈ। ਇਸ ਪ੍ਰੋਜੈਕਟ 'ਤੇ ਲੰਬੇ ਸਮੇਂ ਤੋਂ ਚਰਚਾ ਚੱਲ ਰਹੀ ਸੀ। ਰਣਵੀਰ ਸਿੰਘ ਅਤੇ ਆਦਿਤਿਆ ਧਰ ਦੇ ਇਸ ਪ੍ਰੋਜੈਕਟ ਦਾ ਨਾਮ 'ਧੁਰੰਧਰ' ਦੱਸਿਆ ਜਾ ਰਿਹਾ ਹੈ। ਹਾਲਾਂਕਿ, ਮੇਕਰਸ ਨੇ ਅਜੇ ਫਿਲਮ ਦੇ ਨਾਂ ਦਾ ਐਲਾਨ ਨਹੀਂ ਕੀਤਾ ਹੈ। ਫਿਲਮ 'ਧੁਰੰਧਰ' ਇੱਕ ਮਾਸ ਐਕਸ਼ਨ ਥ੍ਰਿਲਰ ਫਿਲਮ ਹੋਵੇਗੀ। ਅੱਜ ਇਸ ਫਿਲਮ ਦੀ ਪੂਰੀ ਸਟਾਰ ਕਾਸਟ ਦੇ ਚਿਹਰਿਆਂ ਤੋਂ ਪਰਦਾ ਹਟਾ ਦਿੱਤਾ ਗਿਆ ਹੈ। ਇਹ ਮਲਟੀ-ਸਟਾਰਰ ਫਿਲਮ ਹੈ। ਰਣਵੀਰ ਸਿੰਘ, ਆਦਿਤਿਆ ਧਰ ਅਤੇ ਫਿਲਮ ਨਾਲ ਜੁੜੇ ਸਾਰੇ ਕਲਾਕਾਰਾਂ ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਪੋਸਟ ਸ਼ੇਅਰ ਕਰਕੇ ਫਿਲਮ ਦਾ ਐਲਾਨ ਕੀਤਾ ਹੈ।
ਰਣਵੀਰ ਸਿੰਘ ਦੀ ਨਵੀਂ ਫਿਲਮ ਦਾ ਐਲਾਨ, ਸਾਹਮਣੇ ਆਏ ਪੂਰੀ ਸਟਾਰਕਾਸਟ ਦੇ ਚਿਹਰੇ - Ranveer Singh and Aditya Dhar Movie
By ETV Bharat Entertainment Team
Published : Jul 27, 2024, 4:05 PM IST
Ranveer Singh and Aditya Dhar Movie: ਰਣਵੀਰ ਸਿੰਘ ਅਤੇ ਫਿਲਮ ਉਰੀ: ਦਿ ਸਰਜੀਕਲ ਸਟ੍ਰਾਈਕ ਦੇ ਨਿਰਦੇਸ਼ਕ ਆਦਿਤਿਆ ਧਰ ਨੇ ਆਪਣੀ ਨਵੀਂ ਫਿਲਮ ਦਾ ਐਲਾਨ ਕਰ ਦਿੱਤਾ ਹੈ। ਇਸ ਫਿਲਮ ਦਾ ਨਾਂ 'ਧੁਰੰਧਰ' ਦੱਸਿਆ ਜਾ ਰਿਹਾ ਹੈ। ਹੁਣ ਇਸ ਫਿਲਮ ਦੀ ਸਟਾਰ ਕਾਸਟ ਦੇ ਚਿਹਰੇ ਵੀ ਸਾਹਮਣੇ ਆ ਚੁੱਕੇ ਹਨ।
ਫਿਲਮ ਦੀ ਸਟਾਰ ਕਾਸਟ: ਇਸ ਫਿਲਮ ਦੇ ਨਿਰਦੇਸ਼ਕ ਨੇ ਰਣਵੀਰ ਸਿੰਘ ਦੇ ਨਾਲ ਆਪਣੀ ਪਤਨੀ ਯਾਮੀ ਗੌਤਮ ਨੂੰ ਵੀ ਫਿਲਮ ਦਾ ਅਹਿਮ ਹਿੱਸਾ ਬਣਾਇਆ ਹੈ। ਹਾਲਾਂਕਿ, ਸਾਹਮਣੇ ਆਈ ਸਟਾਰ ਕਾਸਟ 'ਚ ਅਦਾਕਾਰਾ ਦਾ ਚਿਹਰਾ ਅਜੇ ਨਹੀਂ ਦਿਖਾਇਆ ਗਿਆ ਹੈ। ਫਿਲਮ 'ਚ ਰਣਵੀਰ ਸਿੰਘ ਦੇ ਨਾਲ ਸੰਜੇ ਦੱਤ, ਆਰ. ਮਾਧਵਨ, ਅਕਸ਼ੇ ਖੰਨਾ ਅਤੇ ਅਰਜੁਨ ਰਾਮਪਾਲ ਐਕਸ਼ਨ ਕਰਨ ਜਾ ਰਹੇ ਹਨ। ਇਨ੍ਹਾਂ ਸਾਰਿਆਂ ਦੀਆਂ ਤਸਵੀਰਾਂ ਫਿਲਮ ਦੇ ਪੋਸਟਰ 'ਚ ਛਪੀਆਂ ਹਨ। ਰਣਵੀਰ ਸਿੰਘ ਨੇ ਪੋਸਟ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ ਕਿ, ਇਹ ਮੇਰੇ ਪ੍ਰਸ਼ੰਸਕਾਂ ਲਈ ਹੈ, ਜੋ ਮੇਰੇ ਲਈ ਬਹੁਤ ਸਬਰ ਰੱਖਦੇ ਹਨ ਅਤੇ ਇਸ ਪਲ ਦਾ ਇੰਤਜ਼ਾਰ ਕਰ ਰਹੇ ਹਨ। ਮੈਂ ਤੁਹਾਨੂੰ ਸਾਰਿਆਂ ਨੂੰ ਪਿਆਰ ਕਰਦਾ ਹਾਂ। ਮੈਂ ਤੁਹਾਡੇ ਨਾਲ ਵਾਅਦਾ ਕਰਦਾ ਹਾਂ ਕਿ ਤੁਹਾਡੇ ਲਈ ਅਜਿਹੀ ਫਿਲਮ ਲੈ ਕੇ ਆ ਰਿਹਾ ਹਾਂ, ਜੋ ਪਹਿਲਾਂ ਕਦੇ ਨਹੀਂ ਦੇਖੀ ਹੋਵੇਗੀ। ਤੁਹਾਡੇ ਆਸ਼ੀਰਵਾਦ ਨਾਲ ਅਸੀਂ ਇੱਕ ਨਵੀਂ ਸ਼ੁਰੂਆਤ ਵੱਲ ਵਧ ਰਹੇ ਹਾਂ, ਇਸ ਵਾਰ ਇਹ ਨਿੱਜੀ ਹੈ। ਇਹ ਫਿਲਮ ਜੀਓ ਸਟੂਡੀਓ ਅਤੇ ਬੀ62 ਸਟੂਡੀਓ ਦੁਆਰਾ ਮਿਲ ਕੇ ਬਣਾਈ ਜਾ ਰਹੀ ਹੈ। ਫਿਲਮ ਦੀ ਕਹਾਣੀ ਦੀ ਗੱਲ ਕਰੀਏ, ਤਾਂ ਇਹ ਇਕ ਮਿਸ਼ਨ ਬੇਸਡ ਫਿਲਮ ਹੈ, ਜੋ ਪਾਕਿਸਤਾਨ ਨਾਲ ਸਬੰਧਤ ਹੈ।
- ਮਰਹੂਮ ਗਾਇਕ ਸੁਰਿੰਦਰ ਸ਼ਿੰਦਾ ਨੂੰ ਸਮਰਪਿਤ ਹੋਵੇਗਾ ਹੰਸ ਰਾਜ ਹੰਸ ਦਾ ਨਵਾਂ ਗੀਤ, ਅੱਜ ਸ਼ਾਮ ਹੋਵੇਗਾ ਰਿਲੀਜ਼ - Hans Raj Hans New Song
- ਮੀਂਹ ਦਾ ਮੌਸਮ ਅਤੇ ਇਹ ਸਦਾ ਬਹਾਰ ਗੀਤ, ਇਸ ਮਾਨਸੂਨ ਨੂੰ ਬਣਾ ਦੇਣਗੇ ਹੋਰ ਵੀ ਖਾਸ, ਸੁਣੋ - Monsoon special songs
- ਕਾਰਗਿਲ ਯੁੱਧ ਨਾਲ ਇਹਨਾਂ ਸਿਤਾਰਿਆਂ ਦਾ ਹੈ ਸਿੱਧਾ ਸੰਬੰਧ, ਕਈਆਂ ਨੇ ਤਾਂ ਜੰਗ ਤੋਂ ਵਾਪਸ ਆ ਕੇ ਕੀਤੀਆਂ ਬਾਲੀਵੁੱਡ ਫਿਲਮਾਂ - 25th Kargil Vijay Diwas
ਫਿਲਮ ਕਦੋਂ ਰਿਲੀਜ਼ ਹੋਵੇਗੀ?:ਫਿਲਮ ਦੇ ਪ੍ਰੀ-ਪ੍ਰੋਡਕਸ਼ਨ ਦਾ ਕੰਮ ਚੱਲ ਰਿਹਾ ਹੈ। ਇਸ ਫਿਲਮ ਦਾ ਨਿਰਮਾਣ ਜੁਲਾਈ ਮਹੀਨੇ ਦੇ ਅੰਤ ਤੱਕ ਸ਼ੁਰੂ ਹੋ ਸਕਦਾ ਹੈ ਅਤੇ ਫਿਲਮ ਦੀ ਸ਼ੂਟਿੰਗ ਭਾਰਤ ਅਤੇ ਇਸ ਤੋਂ ਬਾਹਰ ਦੇ ਦੇਸ਼ਾਂ ਵਿੱਚ ਕੀਤੀ ਜਾਵੇਗੀ। ਇਸ ਫਿਲਮ ਨੂੰ ਆਦਿਤਿਆ ਧਰ ਨੇ ਖੁਦ ਲਿਖਿਆ ਹੈ ਅਤੇ ਜੀਓ ਸਟੂਡੀਓ ਦੇ ਨਾਲ ਮਿਲ ਕੇ ਫਿਲਮ ਦਾ ਨਿਰਮਾਣ ਕਰ ਰਹੇ ਹਨ। ਖਬਰਾਂ ਦੀ ਮੰਨੀਏ, ਤਾਂ ਇਸ ਫਿਲਮ ਦਾ ਬਜਟ 300 ਕਰੋੜ ਰੁਪਏ ਹੈ। ਇਸ ਦੇ ਨਾਲ ਹੀ ਇਹ ਫਿਲਮ ਸਾਲ 2025 ਦੇ ਦੂਜੇ ਅੱਧ 'ਚ ਰਿਲੀਜ਼ ਹੋਣ ਵਾਲੀ ਹੈ।