ਮੁੰਬਈ (ਬਿਊਰੋ): ਹੌਟ ਅਦਾਕਾਰਾ ਮਲਾਇਕਾ ਅਰੋੜਾ ਇੱਕ ਵਾਰ ਫਿਰ ਸੁਰਖੀਆਂ 'ਚ ਹੈ। ਹਾਲ ਹੀ 'ਚ ਉਹ ਆਪਣੇ ਬੇਟੇ ਅਰਹਾਨ ਖਾਨ ਦੇ ਸ਼ੋਅ ਦਮ ਬਿਰਯਾਨੀ 'ਚ ਨਜ਼ਰ ਆਈ। ਇਸ ਸ਼ੋਅ 'ਚ ਮਲਾਇਕਾ ਅਤੇ ਅਰਹਾਨ ਵਿਚਾਲੇ ਪ੍ਰੋਫੈਸ਼ਨਲ ਤੋਂ ਲੈ ਕੇ ਨਿੱਜੀ ਜ਼ਿੰਦਗੀ ਤੱਕ ਹਰ ਗੱਲ 'ਤੇ ਖੁੱਲ੍ਹ ਕੇ ਚਰਚਾ ਹੋਈ।
ਸ਼ੋਅ 'ਚ ਆਪਣੀ ਮਾਂ ਦੀ ਪਰਵਾਹ ਕੀਤੇ ਬਿਨਾਂ ਅਰਹਾਨ ਨੇ ਮਾਂ ਮਲਾਇਕਾ ਤੋਂ ਆਪਣੇ ਮਨ ਦੇ ਸਾਰੇ ਸਵਾਲਾਂ ਦੇ ਜਵਾਬ ਮੰਗੇ। ਆਪਣੇ ਬੇਟੇ ਦੇ ਬੇਬਾਕ ਸਵਾਲਾਂ ਦੇ ਜਵਾਬਾਂ ਲਈ ਟ੍ਰੋਲ ਹੋਈ ਮਲਾਇਕਾ ਅਰੋੜਾ ਨੇ ਅਰਹਾਨ ਨੂੰ ਹੁਣ ਕਿਹਾ ਹੈ ਕਿ ਉਹ ਆਪਣੇ ਪਿਤਾ ਉਤੇ ਹੀ ਗਿਆ ਹੈ।
ਜੀ ਹਾਂ...ਇਸ ਐਪੀਸੋਡ 'ਚ ਮਲਾਇਕਾ ਨੇ ਦੱਸਿਆ ਹੈ ਕਿ ਉਸ ਦੇ ਪਹਿਲੇ ਪਤੀ ਅਰਬਾਜ਼ ਖਾਨ ਦੀਆਂ ਕਿਹੜੀਆਂ ਆਦਤਾਂ ਉਸ ਦੇ ਬੇਟੇ ਅਰਹਾਨ 'ਚ ਆ ਗਈਆਂ ਹਨ। ਇਸ ਤੋਂ ਪਹਿਲਾਂ ਮਲਾਇਕਾ ਨੇ ਆਪਣੇ ਬੇਟੇ ਦੀ ਵਰਜਨਿਟੀ 'ਤੇ ਸਵਾਲ ਪੁੱਛ ਕੇ ਸੋਸ਼ਲ ਮੀਡੀਆ 'ਤੇ ਖਲਬਲੀ ਮਚਾ ਦਿੱਤੀ ਸੀ।
ਐਪੀਸੋਡ ਦੌਰਾਨ ਅਰਹਾਨ ਨੇ ਮਾਂ ਮਲਾਇਕਾ ਨੂੰ ਪੁੱਛਿਆ ਕਿ ਉਸ ਵਿੱਚ ਅਤੇ ਉਸ ਦੇ ਪਿਤਾ ਅਰਬਾਜ਼ ਵਿੱਚ ਕਿਹੜੇ ਗੁਣ ਸਾਂਝੇ ਹਨ। ਇਸ 'ਤੇ ਮਲਾਇਕਾ ਨੇ ਜਵਾਬ ਦਿੱਤਾ, 'ਤੁਹਾਡਾ ਵਿਵਹਾਰ ਬਿਲਕੁਲ ਉਨ੍ਹਾਂ ਵਰਗਾ ਹੈ, ਇਹ ਹੈਰਾਨੀ ਵਾਲੀ ਗੱਲ ਹੈ ਕਿ ਤੁਸੀਂ ਦੋਵੇਂ ਕਿੰਨੇ ਮਿਲਦੇ-ਜੁਲਦੇ ਹੋ, ਤੁਹਾਡੇ ਪਿਤਾ ਆਕਰਸ਼ਕ ਵਿਵਹਾਰ ਦੇ ਨਹੀਂ ਹਨ ਅਤੇ ਤੁਸੀਂ ਬਿਲਕੁਲ ਆਪਣੇ ਪਿਤਾ ਵਰਗੇ ਹੋ'।
ਮਲਾਇਕਾ ਨੇ ਅੱਗੇ ਕਿਹਾ, 'ਤੁਹਾਡੇ ਅਤੇ ਤੁਹਾਡੇ ਪਿਤਾ ਵਿੱਚ ਇਹ ਗੁਣ ਸਮਾਨ ਹਨ, ਯਾਨੀ ਉਹ ਇੱਕ ਬਹੁਤ ਹੀ ਨਿਰਪੱਖ ਵਿਅਕਤੀ ਹਨ, ਉਹ ਕਦੇ ਵੀ ਚੀਜ਼ਾਂ ਬਾਰੇ ਬਹੁਤ ਜ਼ਿਆਦਾ ਨਹੀਂ ਸੋਚਦੇ, ਉਹ ਕੁਝ ਚੀਜ਼ਾਂ ਨੂੰ ਲੈ ਕੇ ਬਹੁਤ ਸਪੱਸ਼ਟ ਹਨ ਅਤੇ ਤੁਹਾਡੇ ਵਿੱਚ ਇਹ ਗੁਣ ਹੈ।' ਪਰ ਮਲਾਇਕਾ ਨੂੰ ਇਹ ਪਸੰਦ ਨਹੀਂ ਹੈ।
ਮਲਾਇਕਾ ਨੇ ਅੱਗੇ ਕਿਹਾ, 'ਇਸਦੇ ਨਾਲ ਹੀ ਤੁਸੀਂ ਵੀ ਉਨ੍ਹਾਂ ਦੀ ਤਰ੍ਹਾਂ ਨਿਰਣਾਇਕ ਨਹੀਂ ਹੋ, ਜੋ ਮੈਨੂੰ ਪਸੰਦ ਨਹੀਂ ਹੈ, ਤੁਸੀਂ ਆਪਣੀ ਕਮੀਜ਼ ਦਾ ਰੰਗ ਤੈਅ ਨਹੀਂ ਕਰ ਸਕਦੇ, ਤੁਸੀਂ ਕੀ ਖਾਣਾ ਚਾਹੁੰਦੇ ਹੋ, ਤੁਸੀਂ ਕਿਸ ਸਮੇਂ ਉੱਠਣਾ ਚਾਹੁੰਦੇ ਹੋ। ਜੇਕਰ ਤੁਸੀਂ ਇਹ ਵੀ ਫੈਸਲਾ ਨਹੀਂ ਕਰ ਸਕਦੇ ਤਾਂ ਇਹ ਬੇਕਾਰ ਹੈ।'
ਇਸ ਦੇ ਨਾਲ ਹੀ ਆਪਣੀ ਮਾਂ ਦੀ ਗੱਲ ਸੁਣ ਕੇ ਅਰਹਾਨ ਨੇ ਕਿਹਾ, 'ਪਰ ਮੇਰੀ ਰੋਜ਼ਾਨਾ ਦੀ ਰੁਟੀਨ ਬਹੁਤ ਵਧੀਆ ਹੈ। ਇਸ ਦਾ ਸਿਹਰਾ ਲੈਂਦਿਆਂ ਮਲਾਇਕਾ ਨੇ ਆਪਣੇ ਬੇਟੇ ਨੂੰ ਕਿਹਾ, 'ਤੂੰ ਅਜਿਹਾ ਜ਼ਰੂਰ ਕਰਦਾ ਹੈ ਕਿਉਂਕਿ ਤੈਨੂੰ ਇਹ ਮੇਰੇ ਤੋਂ ਮਿਲਿਆ ਹੈ'।
ਇਸ ਤੋਂ ਬਾਅਦ ਅਰਹਾਨ ਨੇ ਆਪਣੀ ਮਾਂ ਦੇ ਵਿਆਹ ਦੀ ਯੋਜਨਾ ਬਾਰੇ ਪੁੱਛਿਆ, ਜਿਸ ਦਾ ਜਵਾਬ ਦੇਣ ਤੋਂ ਮਲਾਇਕਾ ਨੇ ਇਨਕਾਰ ਕਰਦਿਆਂ ਕਿਹਾ ਕਿ ਉਹ ਇਸ ਸਮੇਂ ਬਹੁਤ ਖੁਸ਼ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਮਲਾਇਕਾ ਅਤੇ ਅਰਬਾਜ਼ ਖਾਨ ਦਾ ਵਿਆਹ 19 ਸਾਲ ਪਹਿਲਾਂ ਹੋਇਆ ਸੀ ਅਤੇ ਦੋਵਾਂ ਦਾ ਸਾਲ 2017 ਵਿੱਚ ਤਲਾਕ ਹੋ ਗਿਆ ਸੀ। ਹੁਣ ਮਲਾਇਕਾ ਅਦਾਕਾਰ ਅਰਜੁਨ ਕਪੂਰ ਨੂੰ ਡੇਟ ਕਰ ਰਹੀ ਹੈ।
