'ਦਿ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ' ਖਤਮ, ਹੁਣ ਸ਼ੁਰੂ ਹੋਵੇਗਾ ਦੂਜਾ ਸੀਜ਼ਨ, ਇਸ ਕਾਮੇਡੀਅਨ ਨੇ ਕੀਤੀ ਪੁਸ਼ਟੀ - The Great Indian Kapil Show

The Great Indian Kapil Show Second Season: 'ਦਿ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ' OTT 'ਤੇ ਹਿੱਟ ਰਿਹਾ। ਸ਼ੋਅ ਦਾ ਪਹਿਲਾਂ ਸੀਜ਼ਨ ਖਤਮ ਹੋ ਚੁੱਕਾ ਹੈ। ਖਬਰ ਹੈ ਕਿ ਇਸ ਦਾ ਦੂਜਾ ਸੀਜ਼ਨ ਜਲਦ ਹੀ ਆਵੇਗਾ।

ਮੁੰਬਈ: 'ਦਿ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ' ਨੇ OTT 'ਤੇ ਆਪਣਾ ਪਹਿਲਾਂ ਸੀਜ਼ਨ ਪੂਰਾ ਕਰ ਲਿਆ ਹੈ। ਇਹ ਸ਼ੋਅ 30 ਮਾਰਚ ਨੂੰ ਨੈੱਟਫਲਿਕਸ 'ਤੇ ਪ੍ਰਸਾਰਿਤ ਕੀਤਾ ਗਿਆ ਸੀ। ਪਹਿਲੇ ਸੀਜ਼ਨ 'ਚ ਰਣਬੀਰ ਕਪੂਰ-ਨੀਤੂ ਸਿੰਘ, ਦਿਲਜੀਤ ਦੁਸਾਂਝ-ਪਰਿਣੀਤੀ ਚੋਪੜਾ, ਆਮਿਰ ਖਾਨ, ਵਿੱਕੀ ਅਤੇ ਸੰਨੀ ਕੌਸ਼ਲ ਵਰਗੇ ਕਈ ਦਿੱਗਜ ਕਲਾਕਾਰ ਮਹਿਮਾਨ ਵਜੋਂ ਨਜ਼ਰ ਆਏ ਸਨ। ਹੁਣ ਇਹ ਸ਼ੋਅ ਜਲਦੀ ਹੀ ਆਪਣੇ ਦੂਜੇ ਸੀਜ਼ਨ ਨਾਲ ਵਾਪਸੀ ਕਰੇਗਾ। ਇਸ ਗੱਲ ਦੀ ਪੁਸ਼ਟੀ ਸ਼ੋਅ ਦੇ ਮੈਂਬਰ ਕੀਕੂ ਸ਼ਾਰਦਾ ਨੇ ਕੀਤੀ ਹੈ।

ਜੀ ਹਾਂ...ਸੀਜ਼ਨ ਦੀ ਸਮਾਪਤੀ ਤੋਂ ਬਾਅਦ ਕੀਕੂ ਸ਼ਾਰਦਾ ਨੇ ਆਪਣੇ ਪ੍ਰਸ਼ੰਸਕਾਂ ਨੂੰ ਭਰੋਸਾ ਦਿਵਾਇਆ ਕਿ ਉਹ ਜਲਦੀ ਹੀ ਸ਼ੋਅ ਦਾ ਦੂਜਾ ਸੀਜ਼ਨ ਲੈ ਕੇ ਆਉਣਗੇ। ਦੂਜੇ ਸੀਜ਼ਨ ਬਾਰੇ ਜਾਣਕਾਰੀ ਦਿੰਦੇ ਹੋਏ ਕਾਮੇਡੀਅਨ ਨੇ ਕਿਹਾ, 'ਅਸੀਂ 13 ਐਪੀਸੋਡ ਬਣਾਏ ਹਨ ਅਤੇ ਦੂਜਾ ਸੀਜ਼ਨ ਜਲਦੀ ਹੀ ਆਵੇਗਾ। ਅਸੀਂ ਹੁਣੇ ਹੀ ਪਹਿਲਾਂ ਸੀਜ਼ਨ ਪੂਰਾ ਕੀਤਾ ਹੈ। ਅਸੀਂ ਅਗਲੇ ਸੀਜ਼ਨ ਲਈ ਪਹਿਲਾਂ ਹੀ ਯੋਜਨਾ ਬਣਾ ਲਈ ਸੀ। ਇਹ ਜਲਦੀ ਹੀ ਸਾਹਮਣੇ ਆ ਜਾਵੇਗਾ। ਇਸ ਵਿੱਚ ਬਹੁਤਾ ਫਰਕ ਨਹੀਂ ਪਵੇਗਾ।'

ਸ਼ੋਅ ਬਾਰੇ ਜਾਣਕਾਰੀ ਦਿੰਦੇ ਹੋਏ ਉਨ੍ਹਾਂ ਕਿਹਾ, 'ਇਹ ਟੀਵੀ 'ਤੇ ਲੰਬੇ ਸਮੇਂ ਤੱਕ ਚੱਲਦਾ ਸੀ, ਪਰ ਇਹ ਵੱਖ-ਵੱਖ ਫਾਰਮੈਟਾਂ ਬਾਰੇ ਹੈ। ਇਹ ਵੀ ਦਿਲਚਸਪ ਹੈ। ਥੋੜ੍ਹੇ ਜਿਹੇ ਵਕਫ਼ੇ ਤੋਂ ਬਾਅਦ ਦੂਜਾ ਸੀਜ਼ਨ ਜਲਦੀ ਵਾਪਸ ਆਵੇਗਾ। ਇਹ ਅਸਥਾਈ ਹੈ। ਅਸੀਂ ਜਲਦੀ ਹੀ ਦੁਬਾਰਾ ਕੰਮ ਕਰਾਂਗੇ।' ਸੰਨੀ ਅਤੇ ਬੌਬੀ ਦਿਓਲ ਸ਼ੋਅ ਦੇ ਪਹਿਲੇ ਸੀਜ਼ਨ ਦੇ ਅਗਲੇ ਅਤੇ ਆਖਰੀ ਐਪੀਸੋਡ ਵਿੱਚ ਸ਼ਾਮਲ ਹੋਏ ਹਨ।