ਹੁਣ ਤੱਕ ਇੰਨੀ ਕਮਾਈ ਕਰ ਸਕੀ ਹੈ ਕਾਰਤਿਕ ਆਰੀਅਨ ਦੀ 'ਚੰਦੂ ਚੈਂਪੀਅਨ', ਕੀ ਮੰਡੇ ਟੈਸਟ ਵਿੱਚ ਪਾਸ ਹੋਵੇਗੀ ਫਿਲਮ - kartik aaryan film chandu champion

Chandu Champion First Weekend Collection: ਹਾਲ ਹੀ ਵਿੱਚ ਰਿਲੀਜ਼ ਹੋਈ ਫਿਲਮ 'ਚੰਦੂ ਚੈਂਪੀਅਨ' ਨੇ ਬਾਕਸ ਆਫਿਸ ਉਤੇ ਕਾਫੀ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ, ਆਓ ਫਿਲਮ ਦੇ ਹੁਣ ਤੱਕ ਦੇ ਕਲੈਕਸ਼ਨ ਉਤੇ ਇੱਕ ਨਜ਼ਰ ਮਾਰੀਏ।

ਹੈਦਰਾਬਾਦ: ਕਾਰਤਿਕ ਆਰੀਅਨ ਸਟਾਰਰ ਸਪੋਰਟ ਡਰਾਮਾ ਫਿਲਮ 'ਚੰਦੂ ਚੈਂਪੀਅਨ' ਨੇ ਬਾਕਸ ਆਫਿਸ ਉਤੇ ਆਪਣਾ ਪਹਿਲਾਂ ਹਫ਼ਤਾ ਪੂਰਾ ਕਰ ਲਿਆ ਹੈ, ਹਾਲਾਂਕਿ 14 ਜੂਨ ਨੂੰ ਰਿਲੀਜ਼ ਹੋਈ ਇਸ ਫਿਲਮ ਨੇ ਜਿਆਦਾ ਕਮਾਈ ਨਹੀਂ ਕੀਤੀ ਅਤੇ ਲੋਕਾਂ ਨੇ ਫਿਲਮ ਦਾ ਰਿਵੀਊਜ਼ ਕਾਫੀ ਚੰਗਾ ਕੀਤਾ ਹੈ, ਲੋਕ ਆਰੀਅਨ ਦੀ ਕਾਫੀ ਤਾਰੀਫ਼ ਕਰ ਰਹੇ ਹਨ।

ਤੁਹਾਨੂੰ ਦੱਸ ਦੇਈਏ ਕਿ ਸਪੋਰਟ ਡਰਾਮਾ ਫਿਲਮ 'ਚੰਦੂ ਚੈਂਪੀਅਨ' ਇੱਕ ਪ੍ਰੇਰਨਾਦਾਇਕ ਅਤੇ ਇਮੋਸ਼ਨਲ ਫਿਲਮ ਹੈ, ਅੱਜ 17 ਜੂਨ ਨੂੰ ਚੰਦੂ ਚੈਂਪੀਅਨ ਨੇ ਪਹਿਲੇ ਸੋਮਵਾਰ ਵਿੱਚ ਐਂਟਰੀ ਕਰ ਲਈ ਹੈ, ਆਓ ਜਾਣਦੇ ਹਾਂ ਕਿ ਫਿਲਮ ਪਹਿਲੇ ਸੋਮਵਾਰ ਵਾਲੇ ਟੈਸਟ ਵਿੱਚ ਪਾਸ ਹੋ ਪਾਏਗੀ ਜਾਂ ਨਹੀਂ।

ਚੰਦੂ ਚੈਂਪੀਅਨ ਦਾ ਬਾਕਸ ਆਫਿਸ ਕਲੈਕਸ਼ਨ:ਚੰਦੂ ਚੈਂਪੀਅਨ ਦੇ ਬਾਕਸ ਆਫਿਸ ਕਲੈਕਸ਼ਨ ਦੀ ਗੱਲ ਕਰੀਏ ਤਾਂ ਇਸ ਫਿਲਮ ਨੇ ਪਹਿਲੇ ਦਿਨ 5.40 ਕਰੋੜ ਨਾਲ ਆਪਣਾ ਖਾਤਾ ਖੋਲ੍ਹਿਆ ਸੀ, ਚੰਦੂ ਚੈਂਪੀਅਨ ਦਾ ਕਲੈਕਸ਼ਨ ਪਹਿਲੇ ਦਿਨ 10 ਕਰੋੜ ਪਹੁੰਚ ਜਾਂਦਾ ਜੇਕਰ ਨਿਰਮਾਤਾ ਫਿਲਮ ਦੀ ਟਿਕਟ 150 ਰੁਪਏ ਨਾ ਕਰਦੇ। ਇਸ ਦੇ ਨਾਲ ਹੀ ਫਿਲਮ ਨੇ ਸ਼ਨੀਵਾਰ ਯਾਨੀ ਕਿ ਦੂਜੇ ਦਿਨ 10 ਕਰੋੜ ਦੀ ਕਮਾਈ ਕੀਤੀ। ਸੈਕਨਿਲਕ ਦੀ ਰਿਪੋਰਟ ਦੇ ਅਨੁਸਾਰ ਫਿਲਮ ਨੇ ਐਤਵਾਰ ਨੂੰ ਸਿਰਫ਼ 7 ਕਰੋੜ ਦੀ ਕਮਾਈ ਕੀਤੀ ਹੈ, ਇਸਦੇ ਨਾਲ ਹੀ ਹੁਣ ਚੰਦੂ ਚੈਂਪੀਅਨ ਦਾ ਪਹਿਲੇ ਹਫ਼ਤੇ ਦਾ ਕੁੱਲ ਕਲੈਕਸ਼ਨ 22 ਕਰੋੜ ਹੋ ਗਿਆ ਹੈ।

ਕੀ ਮੰਡੇ ਟੈਸਟ ਵਿੱਚ ਪਾਸ ਹੋ ਪਾਏਗੀ ਫਿਲਮ: ਚੰਦੂ ਚੈਂਪੀਅਨ ਜੇਕਰ ਪਹਿਲੇ ਸੋਮਵਾਰ ਨੂੰ 4 ਤੋਂ 5 ਕਰੋੜ ਦਾ ਕਲੈਕਸ਼ਨ ਕਰਨ ਵਿੱਚ ਕਾਮਯਾਬ ਹੋਵੇਗੀ ਤਾਂ ਹੀ ਅਸੀਂ ਕਹਿ ਸਕਦੇ ਹਾਂ ਕਿ ਫਿਲਮ ਮੰਡੇ ਟੈਸਟ ਵਿੱਚ ਪਾਸ ਹੋਈ ਹੈ, ਕਬੀਰ ਖਾਨ ਨੇ ਇਸ ਫਿਲਮ ਦਾ ਨਿਰਦੇਸ਼ਨ ਕੀਤਾ ਹੈ, ਇਹ ਫਿਲਮ ਇੱਕ ਸੱਚੀ ਘਟਨਾ ਉਤੇ ਆਧਾਰਿਤ ਹੈ। ਫਿਲਮ ਨੂੰ ਲੋਕ ਕਾਫੀ ਪਸੰਦ ਕਰ ਰਹੇ ਹਨ, ਪਰ ਹੁਣ ਦੇਖਣਾ ਹੋਵੇਗਾ ਕਿ ਕੀ ਫਿਲਮ ਚੰਗਾ ਕਲੈਕਸ਼ਨ ਕਰ ਪਾਏਗੀ ਜਾਂ ਨਹੀਂ।