ਨਵੀਂ ਦਿੱਲੀ: ਐਡਵਾਂਸ ਟੈਕਸ ਭਰਨ ਦੀ ਅੱਜ ਆਖਰੀ ਤਰੀਕ ਹੈ। ਐਡਵਾਂਸ ਟੈਕਸ ਇਨਕਮ ਟੈਕਸ ਦੀ ਰਕਮ ਹੈ ਜੋ ਕਿ ਇਕਮੁਸ਼ਤ ਭੁਗਤਾਨ ਕੀਤੇ ਜਾਣ ਦੀ ਬਜਾਏ ਖ਼ਾਸ ਨਿਯਤ ਮਿਤੀਆਂ ਅਨੁਸਾਰ ਕਿਸ਼ਤਾਂ ਵਿੱਚ ਅਦਾ ਕੀਤੀ ਜਾਣੀ ਚਾਹੀਦੀ ਹੈ। ਵਿਅਕਤੀਆਂ ਅਤੇ ਕਾਰੋਬਾਰਾਂ ਨੂੰ ਸਮੇਂ-ਸਮੇਂ 'ਤੇ ਕਿਸ਼ਤਾਂ ਰਾਹੀਂ ਐਡਵਾਂਸ ਇਨਕਮ ਟੈਕਸ ਦਾ ਭੁਗਤਾਨ ਕਰਨਾ ਚਾਹੀਦਾ ਹੈ।
ਐਡਵਾਂਸ ਟੈਕਸ ਭੁਗਤਾਨ ਦੀ ਆਖਰੀ ਮਿਤੀ
- 15 ਜੂਨ- ਐਡਵਾਂਸ ਟੈਕਸ ਦਾ 15 ਪ੍ਰਤੀਸ਼ਤ ਭੁਗਤਾਨ ਕਰੋ।
- 15 ਸਤੰਬਰ- ਪਹਿਲਾਂ ਅਦਾ ਕੀਤੇ ਐਡਵਾਂਸ ਟੈਕਸ ਦੀ ਕਟੌਤੀ ਕਰਨ ਤੋਂ ਬਾਅਦ 45 ਪ੍ਰਤੀਸ਼ਤ ਦਾ ਭੁਗਤਾਨ ਕਰੋ।
- 15 ਦਸੰਬਰ- ਪਹਿਲਾਂ ਹੀ ਅਦਾ ਕੀਤੇ ਅਡਵਾਂਸ ਟੈਕਸ ਦਾ 75 ਪ੍ਰਤੀਸ਼ਤ ਭੁਗਤਾਨ ਕਰੋ।
- 15 ਮਾਰਚ- ਪਹਿਲਾਂ ਅਦਾ ਕੀਤੇ ਅਡਵਾਂਸ ਟੈਕਸ ਨੂੰ ਕੱਟ ਕੇ ਬਾਕੀ ਰਕਮ ਦਾ ਭੁਗਤਾਨ ਕਰੋ।
ਜੇਕਰ ਤੁਸੀਂ ਐਡਵਾਂਸ ਟੈਕਸ ਅਦਾ ਕਰਨ ਵਿੱਚ ਅਸਫਲ ਰਹਿੰਦੇ ਹੋ ਤਾਂ ਕੀ ਹੁੰਦਾ ਹੈ? ਦੱਸ ਦੇਈਏ ਕਿ ਜੇਕਰ ਤੁਸੀਂ ਸਮੇਂ 'ਤੇ ਐਡਵਾਂਸ ਟੈਕਸ ਦਾ ਭੁਗਤਾਨ ਨਹੀਂ ਕਰ ਪਾਉਂਦੇ ਹੋ, ਤਾਂ ਇਨਕਮ ਟੈਕਸ ਐਕਟ, 1961 ਦੀ ਧਾਰਾ 234ਬੀ ਅਤੇ 234ਸੀ ਦੇ ਤਹਿਤ ਵਿਆਜ ਚਾਰਜ ਲਗਾਇਆ ਜਾ ਸਕਦਾ ਹੈ।
ਐਡਵਾਂਸ ਟੈਕਸ ਆਨਲਾਈਨ ਕਿਵੇਂ ਭਰਨਾ ਹੈ?
- ਐਡਵਾਂਸ ਟੈਕਸ ਜਮ੍ਹਾ ਕਰਨ ਲਈ, ਤੁਹਾਨੂੰ ਪਹਿਲਾਂ ਇਨਕਮ ਟੈਕਸ ਦੀ ਵੈੱਬਸਾਈਟ 'ਤੇ ਜਾਣਾ ਪਵੇਗਾ।
- 'ਈ-ਪੇ ਟੈਕਸ' ਚੁਣੋ ਅਤੇ ਫਿਰ ਆਪਣਾ ਪੈਨ ਅਤੇ ਪਾਸਵਰਡ ਦਰਜ ਕਰੋ।
- ਇਸ ਤੋਂ ਬਾਅਦ ਐਡਵਾਂਸ ਟੈਕਸ 'ਤੇ ਕਲਿੱਕ ਕਰੋ।
- ਅੱਗੇ, ਆਪਣੀ ਤਰਜੀਹੀ ਭੁਗਤਾਨ ਵਿਧੀ ਚੁਣੋ ਅਤੇ ਹੁਣੇ ਭੁਗਤਾਨ ਕਰੋ ਬਟਨ 'ਤੇ ਕਲਿੱਕ ਕਰਕੇ ਭੁਗਤਾਨ ਨੂੰ ਪੂਰਾ ਕਰੋ।
- ਇੱਕ ਵਾਰ ਇਹ ਪੂਰਾ ਹੋਣ ਤੋਂ ਬਾਅਦ, ਤੁਹਾਨੂੰ ਤੁਹਾਡੇ ਭੁਗਤਾਨ ਦੀ ਪੁਸ਼ਟੀ ਵਜੋਂ ਇੱਕ ਰਸੀਦ ਪ੍ਰਾਪਤ ਹੋਵੇਗੀ।
ਐਡਵਾਂਸ ਟੈਕਸ ਕੀ ਹੈ? ਐਡਵਾਂਸ ਟੈਕਸ ਉਸ ਟੈਕਸ ਦੀ ਰਕਮ ਨੂੰ ਦਰਸਾਉਂਦਾ ਹੈ ਜੋ ਇਕਮੁਸ਼ਤ ਭੁਗਤਾਨ ਦੀ ਬਜਾਏ ਖ਼ਾਸ ਮਿਤੀਆਂ ਅਨੁਸਾਰ ਕਿਸ਼ਤਾਂ ਵਿੱਚ ਅਦਾ ਕਰਨ ਦੀ ਲੋੜ ਹੁੰਦੀ ਹੈ।
