ଜାନୁଆରୀ ୬ରୁ ଗ୍ଲୋରୀ ଫେଷ୍ଟ, 7ଦିନ ବେଳାଭୂମିରେ ରଙ୍ଗାରଙ୍ଗ କାର୍ଯ୍ୟକ୍ରମ

ଆସନ୍ତା ଜାନୁଆରୀ 6ରୁ ଆରମ୍ଭ ହେବାକୁ ଯାଉଛି ଗ୍ଲୋରୀଫେଷ୍ଟ-2020ର ରୌପ୍ୟ ଜୟନ୍ତୀ । ଏହି ଅବସରରେ ଦେଶର ବିଭିନ୍ନ ବିଶ୍ବବିଦ୍ୟାଳୟ ଓ ମହାବିଦ୍ୟାଳୟର ପ୍ରାୟ 1 ହଜାର ଛାତ୍ରଛାତ୍ରୀ ଯୋଗ ଦେବେ ।

ଭୁବନେଶ୍ବର: ଆସନ୍ତା ଜାନୁଆରୀ 6ରୁ ଆରମ୍ଭ ହେବାକୁ ଯାଉଛି ଗ୍ଲୋରୀଫେଷ୍ଟ-2020ର ରୌପ୍ୟ ଜୟନ୍ତୀ । 7 ଦିନ ବ୍ୟାପୀ ପାଳନ ହେବାକୁ ଏହି ଉତ୍ସବ ପୁରୀରେ ଅନୁଷ୍ଠିତ ହେବ । ଏହି କାର୍ଯ୍ୟକ୍ରମରେ ଭାରତ ବର୍ଷର ବିଭିନ୍ନ ବିଶ୍ବବିଦ୍ୟାଳୟ ଓ ମହାବିଦ୍ୟାଳୟରୁ 1 ହଜାର ଛାତ୍ରଛାତ୍ରୀ ଅଂଶ ଗ୍ରହଣ କରିବେ । ଏହି ଅବସରରେ 25ଗୋଟି ପ୍ରତିଯୋଗୀତା ଛାତ୍ରଛାତ୍ରୀଙ୍କ ମଧ୍ୟରେ ଅନୁଷ୍ଠିତ ହେବ । ଏହି ପ୍ରତିଯୋଗୀଙ୍କ ମଧ୍ୟରୁ ଗ୍ଲୋରୀ କ୍ବିନ ବଛାଯିବ ।

ଉଦଘାଟନୀ ଉତ୍ସବକୁ ରାଜ୍ୟପାଳ ପ୍ରଫେଶର ଗଣେଶୀଲାଲ ଉଦଘାଟନ କରିବେ । ଏହା ସହିତ ଅନେକ କେନ୍ଦ୍ରମନ୍ତ୍ରୀ ମଧ୍ୟ ଯୋଗ ଦେବାର କାର୍ଯ୍ୟକ୍ରମ ରହିଛି । 11ତାରିଖରେ ପୁରୀ ବେଳାଭୂମିରେ ରଙ୍ଗାରଙ୍ଗ କାର୍ଯ୍ୟକ୍ରମ ଅନୁଷ୍ଠିତ ହେବ । ଏଥିସହ ସହିତ ବଲିଉଡ ଓ ଓଲିଉଡର ବିଭିନ୍ନ ପ୍ରଚ୍ଛଦପଟ୍ଟ ଗାୟକ, ଅଭିନେତା ଓ ଅଭିନେତ୍ରୀମାନେ ମଧ୍ୟ ଯୋଗେ ଦେବେ ବୋଲି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ବିଧାୟକ ଜୟନ୍ତ ଷଡଙ୍ଗୀ ।

ଭୁବନେଶ୍ବରରୁ ତପନ ଦାସ, ଇଟିଭି ଭାରତ