ସଖୀ ବୁଥରେ ଭୋଟ ଦେଲେ ମହିଳା ଭୋଟର - Sakhi Booth in Jharsuguda

ଝାରସୁଗୁଡ଼ା: ଆଜି ଦ୍ବିତୀୟ ପର୍ଯ୍ୟାୟ ପାଇଁ ମତଦାନ ପ୍ରକ୍ରିୟା ଶେଷ ହୋଇଛି । ଝାରସୁଗୁଡ଼ା ଜିଲ୍ଲାର ଦୁଇଗୋଟି ନିର୍ବାଚନ ମଣ୍ଡଳୀ ବ୍ରଜରାଜନଗର ଓ ଝାରସୁଗୁଡ଼ାରେ ମତଦାନ ଅନୁଷ୍ଠିତ ହୋଇଥିଲା । ମହିଳା ଭୋଟରମାନଙ୍କ ପାଇଁ ସ୍ବତନ୍ତ୍ର ଭାବେ ରହିଥିଲା ଏଥର ସଖୀ ବୁଥର ବ୍ୟବସ୍ଥା । ମହିଳାଙ୍କ ସୁରକ୍ଷା, ସ୍ବାସ୍ଥ୍ୟ ଓ ଶିକ୍ଷାର ବିକାଶ ଯିଏ କରିବ ମହିଳା ଭୋଟର ସେମିତି ପ୍ରାର୍ଥୀମାନଙ୍କୁ ହିଁ ନିଜର ଭୋଟ ଦେବେ ବୋଲି କିଛି ଭୋଟର କହିଛନ୍ତି ।  

ଏହା ବି ପଢନ୍ତୁ- ବଲାଙ୍ଗୀରରେ ମତଦାନ ଜାରି, ନେତା ବାଛୁଛନ୍ତି ଜନତା 

ଆଜି ସକାଳ ୭ଟାରୁ ମତଦାନ ପ୍ରକ୍ରିୟା ଆରମ୍ଭ ହୋଇଥିଲା । ଭୋଟରମାନେ ମତଦାନ କରିବା ପାଇଁ ବୁଥକୁ ପହଞ୍ଚିଥିଲେ । ଭୋଟରମାନଙ୍କ ମଧ୍ୟରେ ବେସ ଉତ୍ସାହ ଦେଖିବାକୁ ମିଳିଛି । ନିଜ ମନ ପସନ୍ଦର ପ୍ରାର୍ଥୀମାନଙ୍କୁ ଭୋଟ ଦେଇଛନ୍ତି ଭୋଟର । ତେବେ ଭୋଟରମାନଙ୍କ ହାତରେ ରହିଛି ପ୍ରାର୍ଥୀଙ୍କ ଭାଗ୍ୟ । କାହା ସପକ୍ଷରେ ଏହି ମତଦାତାମାନଙ୍କ ମତଦାନ ଯିବ ତାହା ଜୁନ ୪ରେ ଜଣାପଡ଼ିବ ।

ଇଟିଭି ଭାରତ, ଝାରସୁଗୁଡ଼ା