ହେଭିୱେଟ ନେତାଙ୍କ ଶକ୍ତି ପ୍ରଦର୍ଶନ, ନାମାଙ୍କନ ଭରିଲେ ପ୍ରଫୁଲ୍ଲ ଓ ନୃସିଂହ - odisha assembly election 2024 - ODISHA ASSEMBLY ELECTION 2024
Published : May 3, 2024, 10:43 PM IST
ଢେଙ୍କାନାଳ: ହେଭିୱେଟଙ୍କ ବିଶାଳ ଶୋଭାଯାତ୍ରାରେ କମ୍ପିଲା କାମାକ୍ଷାନଗର । ଆଜି ପ୍ରାର୍ଥୀପତ୍ର ଦାଖଲ କଲେ କାମାକ୍ଷାନଗର ବିଜେଡି ବିଧାୟକ ପ୍ରାର୍ଥୀ ପ୍ରଫୁଲ୍ଲ ମଲ୍ଲିକ ଓ ପରଜଙ୍ଗ ବିଜେଡି ବିଧାୟକ ପ୍ରାର୍ଥୀ ଡା.ନୃସିଂହ ଚରଣ ସାହୁ । ନିଜର ହଜାର ହଜାର ସମର୍ଥକଙ୍କ ସହ ବିଶାଳ ଶୋଭାଯାତ୍ରାରେ ଆସି ପ୍ରାର୍ଥୀପତ୍ର ଦାଖଲ କଲେ ବିଜେଡି ଦୁଇ ନେତା ।
ପ୍ରଫୁଲ୍ଲ ଜିରିଡାମାଳି ଠାରୁ ୧୫ ହଜାରରୁ ଊର୍ଦ୍ଧ୍ବ ସମର୍ଥକଙ୍କ ସହ ବାଜା-ବାଣ, ସହ ପାରମ୍ପରିକ ନୃତ୍ୟରେ ଏକ ଶୋଭାଯାତ୍ରା କରିଥିଲେ । ବିଜେଡିର ଗଡ଼ କୁହାଯାଉଥିବା କାମାକ୍ଷାନଗରରେ ଏହି ବିଶାଳ ଶୋଭାଯାତ୍ରା କରି ନିଜର ସ୍ଥିତି ଜାହିର କରିଛି । ତେବେ ଉପଜିଲ୍ଲାପାଳ ନାରାୟଣ ଚନ୍ଦ୍ର ନାୟକଙ୍କ ପାଖରେ ପ୍ରାର୍ଥୀପତ୍ର ଦାଖଲ କରିଛନ୍ତି ପ୍ରଫୁଲ୍ଲ ମଲ୍ଲିକ । ସେହିପରି ପରଜଙ୍ଗ ନିର୍ବାଚନ ମଣ୍ଡଳୀ ପାଇଁ ଡାକ୍ତର ନୃସିଂହ ଚରଣ ହଜାର ହଜାର ସମର୍ଥକଙ୍କ ସହ ଆସି ପ୍ରାର୍ଥୀପତ୍ର ଦାଖଲ କରିଛନ୍ତି । ପରଜଙ୍ଗ ଠାରୁ ଏକ ବିଶାଳ ରାଲି କରି କାମାକ୍ଷାନଗର ତାରିଣୀ ମନ୍ଦିର ନିକଟରେ ପହଞ୍ଚିବା ପରେ ସମର୍ଥକଙ୍କ ସହ କାମାକ୍ଷାନଗର ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚି ନାମାଙ୍କନ ପତ୍ର ଦାଖଲ କରିଥିଲେ ।
ଇଟିଭି ଭାରତ, ଢେଙ୍କାନାଳ