ଅଣ ଆଦିବାସୀ ଦଳୀୟ ପ୍ରାର୍ଥୀଙ୍କୁ ସମାଜର ବିରୋଧ ପ୍ରସଙ୍ଗରେ ସ୍ପଷ୍ଟୀକରଣ ରଖିଛି ଜିଲ୍ଲା କଂଗ୍ରେସ - Kandhamal congress

Kandhamal congress ଫୁଲବାଣୀ: ନିର୍ବାଚନକୁ ନେଇ ସରଗରମ ରାଜ୍ୟ ରାଜନୀତି । କଂଗ୍ରେସର ଫୁଲବାଣୀ ବିଧାସନଭା ନିର୍ବାଚନ ମଣ୍ଡଳୀ ପ୍ରାର୍ଥୀ ପ୍ରତିଭା କହଁରଙ୍କୁ ନେଇ ବିରୋଧ ତେଜୁଥିବା ବେଳେ ଏହାକୁ ନେଇ ସ୍ପଷ୍ଟୀକରଣ ରଖିଛନ୍ତି ଜିଲ୍ଲା ସଭାପତି ଓ ଖୋଦ୍ ପ୍ରତିଭା କହଁର । ଅଣ ଆଦିବାସୀ ଦଳୀୟ ପ୍ରାର୍ଥୀଙ୍କୁ ସମାଜର ବିରୋଧ ପ୍ରସଙ୍ଗରେ ସେ ସ୍ପଷ୍ଟୀକରଣ ରଖିଛନ୍ତି । ଏହା ବିଫଳ ଆଶାୟୀଙ୍କ କୁଚକ୍ରାନ୍ତ ବୋଲି କହିଛି ଜିଲ୍ଲା କଂଗ୍ରେସ । 

କନ୍ଧମାଳରେ ଅଣ ଆଦିବାସୀ ଦଳୀୟ ପ୍ରାର୍ଥୀଙ୍କୁ କୁଇ ସମାଜର ବିରୋଧ ପ୍ରସଙ୍ଗରେ ସ୍ପଷ୍ଟିକରଣ ରଖିଛି ଜିଲ୍ଲା କଂଗ୍ରେସ । ଚଳିତ ସାଧାରଣ ନିର୍ବାଚନ ପାଇଁ ବିଭିନ୍ନ ରାଜନୈତିକ ଦଳ ପକ୍ଷରୁ କନ୍ଧମାଳରେ ଦିଆଯାଇଥିବା ପ୍ରାର୍ଥୀଙ୍କୁ ଅଣଆଦିବାସୀ କହି ବିରୋଧ କରିଛି କୁଇ ସମାଜ । ଏହି ପ୍ରସଙ୍ଗକୁ ନେଇ ଆସନ୍ତାକାଲି (ମଙ୍ଗଳବାର) କନ୍ଧମାଳ ବନ୍ଦ ଡାକରା ମଧ୍ୟ ଦେଇଛି କୁଇ ସମାଜ । ତେବେ ଏହାକୁ ନେଇ ନିଜର ପକ୍ଷ ରଖିଛି ଜିଲ୍ଲା କଂଗ୍ରେସ କମିଟି ।

ଏହାମଧ୍ୟ ପଢନ୍ତୁ.. କାଲି କୁଇ ସମାଜର କନ୍ଧମାଳ ବନ୍ଦ ଡାକରା, ସମର୍ଥନ କରିବନି ସମନ୍ଵୟ ସମିତି - Kandhmal Bandh

ଫୁଲବାଣୀ ବିଧାନସଭା ଆସନ ପାଇଁ ଦଳୀୟ ପ୍ରାର୍ଥୀ ପ୍ରତିଭା କହଁରଙ୍କ ଆଦିବାସୀ ମାନ୍ୟତା ନେଇ କୁଇ ସମାଜ ଉଠାଇଥିବା ବିରୋଧକୁ ଜିଲ୍ଲା କଂଗ୍ରେସ ପକ୍ଷରୁ ନିନ୍ଦା କରାଯାଇଛି । ପ୍ରତିଭା ପୂର୍ଣ୍ଣ ଆଦିବାସୀ ଏଥିରେ କୌଣଷି ସନ୍ଦେହ ନାହିଁ ବୋଲି କହିଛନ୍ତି ଜିଲ୍ଲା ସଭାପତି ଚନ୍ଦ୍ର ଶେଖର ପରିଡା । ସେ କହିଛନ୍ତି ,"ଗତ ପଞ୍ଚାୟତ ନିର୍ବାଚନରେ ପ୍ରତିଭା ଜିଲ୍ଲାରେ ସର୍ବାଧିକ ଭୋଟ ପାଇ ନିର୍ବାଚିତ ହୋଇଥିଲେ । ଭୋଟରଙ୍କ ମଧ୍ୟରେ ସର୍ବାଧିକ ଆଦିବାସୀ ଥିଲେ l ତେଣୁ ଏବେ ଏହି ପ୍ରସଙ୍ଗକୁ ଉଠାଇବା ଭିତ୍ତିହୀନ ତଥା ଅପ୍ରାସଙ୍ଗିକ ବୋଲି କହିବା ସହ ଟିକଟ ଆଶାରେ ଥିବା କିଛି ବିଫଳ ଆଶାୟୀଙ୍କ ଚକ୍ରାନ୍ତ ।"  
 

ଇଟିଭି ଭାରତ, ଫୁଲବାଣୀ