ଓଡ଼ିଶାରେ ଫୁଟିଲା ପଦ୍ମ; ଉତ୍ସବ ପାଳିଲେ ରାଜ୍ୟ ବିଜେପିର ଟପ୍ ଲିଡର - BJP heavy weight leaders Celebration
Published : Jun 4, 2024, 9:06 PM IST
ଭୁବନେଶ୍ବର: ଦୀର୍ଘ 25ବର୍ଷର ସରକାରର ପତନ ଘଟିଛି । ଓଡ଼ିଶାରେ ଫୁଟିଛି ପଦ୍ମ । ଯାହାକୁ ନେଇ ବିଜେପି ଶିବିରରେ ଉତ୍ସବର ମାହୋଲ । ରାଜ୍ୟ କାର୍ଯ୍ୟାଳୟରେ ବିଜୟ ଉତ୍ସବ ପାଳିଛନ୍ତି ରାଜ୍ୟ ବିଜେପିର ଟପ୍ ଲିଡର । ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ବିଜେପିର ନିର୍ବାଚନ ପ୍ରଭାରୀ ବିଜୟ ପାଲ ସିଂ ତୋମାର ଏବଂ ନିର୍ବାଚନ ଦାୟିତ୍ୱରେ ଥିବା କେନ୍ଦ୍ରମନ୍ତ୍ରୀ ଭୂପେନ୍ଦ୍ର ଯାଦବ ଏକାଠି ହୋଇ ଗୋଟିଏ ମଞ୍ଚରେ ବିଜୟର ଉତ୍ସବ ପାଳିଛନ୍ତି । ଏହାକୁ ଐତିହାସିକ ବିଜୟ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ବୈଜୟନ୍ତ ପଣ୍ଡା । ଆଜିଠୁ ନୂଆ ଭାରତ ସହ ନୂଆ ଓଡ଼ିଶାର ଯାତ୍ରା ଆରମ୍ଭ ହେଲା । ବିପୁଳ ବିଜୟ ପାଇଁ ରାଜ୍ୟବାସୀଙ୍କୁ ଧନ୍ୟବାଦ ଜଣାଇଛନ୍ତି ରାଜ୍ୟ ବିଜେପି ନେତୃତ୍ୱ । ବର୍ତ୍ତମାନର ଟ୍ରେଣ୍ଡ ଅନୁସାରେ ବିଜେପି 73 ଆସନ ଓ ବିଜେଡି 47 ଆସନରେ ବିଜୟୀ ହୋଇସାରିଛି । ସେପଟେ ବିଜେପି 6 ଓ ବିଜେଡି 3 ଆସନରେ ଆଗୁଆ ଅଛି । କଂଗ୍ରେସ ଖାତାକୁ ଯାଇଛି 4 ଆସନ ।
ଇଟିଭି ଭାରତ, ଭୁବନେଶ୍ବର