ବ୍ରହ୍ମପୁରରେ ବାବା ବାଗେଶ୍ୱର, ହିନ୍ଦୁରାଷ୍ଟ୍ର ଗଠନ ପାଇଁ ଦେଲେ ଆହ୍ୱାନ - BABA BAGESHWAR IN BERHAMPUR

ବ୍ରହ୍ମପୁର: ରେଶମ ସହର ବ୍ରହ୍ମପୁରେ ବାବା ବାଗେଶ୍ୱର । ବ୍ରହ୍ମପୁରର ଏକ ପ୍ରବଚନ କାର୍ଯ୍ୟକ୍ରମରେ ଯୋଗ ଦେଲେ ବାବା ବାଗେଶ୍ୱର ଧିରେନ୍ଦ୍ରକ୍ରିଷ୍ଣା ଶାସ୍ତ୍ରୀ । ଓଡିଶା ଗସ୍ତରେ ଆସିଥିବା ବାଗେଶ୍ୱରଧାମ ବ୍ରହ୍ମପୁର ସହର ଆମ୍ବପୁଆ ଠାରେ ଆୟୋଜିତ ଏକ ଆଧାତ୍ମିକ କାର୍ଯ୍ୟକ୍ରମରେ ଯୋଗ ଦେଇଥିଲେ । ପ୍ରଥମ ଥର ପାଇଁ ବାବା ବାଗେଶ୍ୱର ବ୍ରହ୍ମପୁର ଆସିଥିବାବେଳେ ତାଙ୍କୁ ଦେଖିବା ପାଇଁ ହଜାର ହଜାର ଶ୍ରଦ୍ଧାଳୁଙ୍କ ଭିଡ଼ ହୋଇଥିଲା ।ଏହି ଅବସରରେ ସେ ସାରା ଦେଶରେ ହିନ୍ଦୁମାନଙ୍କୁ ଏକତ୍ରିତ ହୋଇ ହିନ୍ଦୁରାଷ୍ଟ୍ର ଗଠନ କରିବା ପାଇଁ ଆହ୍ୱାନ ଦେଇଥିଲେ । ପ୍ରାୟ ଏକ ଘଣ୍ଟା ଧରି ବାବାଙ୍କ ପ୍ରବଚନ କାର୍ଯ୍ୟକ୍ରମ ଚାଲିଥିଲା । ଏପରିକି ଉପସ୍ଥିତ କିଛି ବ୍ୟକ୍ତି ବିଶେଷଙ୍କୁ ମଞ୍ଚକୁ ଡାକି ତାଙ୍କର ସମସ୍ତ କଥା ଶୁଣିଥିଲେ । ଗଣମାଧ୍ୟମ ପ୍ରଶ୍ନରେ ସନାତନ ଧର୍ମର ପ୍ରଚାର ପ୍ରସାର ପାଇଁ କାର୍ଯ୍ୟ କରୁଥିବା ବେଳେ ବିଭିନ୍ନ ବିଷୟ ଉପରେ ଆଲୋକପାତ କରିଥିଲେ । ବ୍ରହ୍ମପୁର କାର୍ଯ୍ୟକ୍ରମ ପରେ ପୁଣି ସେ ପୁରୀ ଫେରିଯାଇଥିବା ଆୟୋଜକ ମଣ୍ଡଳୀ ପକ୍ଷରୁ ସୂଚନା ମିଳିଛି ।   

 
ଇଟିଭି ଭାରତ, ବ୍ରହ୍ମପୁର