ନିମାପଡା ନିର୍ବାଚନ ମଣ୍ଡଳୀ; ବିଜେପି ପାଇଁ ପ୍ରଚାର ମୈଦାନରେ ଅଭିନେତ୍ରୀ ପିଙ୍କି ପ୍ରଧାନ - BJP Election Campaign - BJP ELECTION CAMPAIGN
Published : Apr 23, 2024, 11:03 PM IST
BJP Election Campaign In Nimapara ନିମାପଡା: ପୁରୀ ଜିଲ୍ଲା ନିମାପଡା ନିର୍ବାଚନ ମଣ୍ଡଳୀରେ ବିଜେପିର ଜୋରଦାର ପ୍ରଚାର । ବିଜେପି ବିଧାୟିକା ପ୍ରାର୍ଥିନୀ ପ୍ରଭାତୀ ପରିଡା ନିର୍ବାଚନ ମଣ୍ଡୀର ବିଭିନ୍ନ ଗ୍ରାମକୁ ଯାଇ ଭୋଟ ଭିକ୍ଷା କରିବା ସହ ମୋଦି ସରକାରଙ୍କ ଯୋଜନା ସଂପର୍କରେ ଜନସାଧାରଣଙ୍କୁ ଅବଗତ କରିଛନ୍ତି । ଏହି ଅବସରରେ ଓଲିଉଡ଼ ଅଭିନେତ୍ରୀ ତଥା ବିଜେପି ନେତ୍ରୀ ପିଙ୍କି ପ୍ରଧାନ ତମ୍ପାଳ ପଞ୍ଚାୟତ ଚଢେଇଗାଁ ପାଞ୍ଚବାଟିଆରେ ପ୍ରଭାତୀ ପରିଡାଙ୍କ ପାଇଁ ପ୍ରଚାର କରିଛନ୍ତି । ପ୍ରଭାତୀ ପରିଡାଙ୍କ ସହ ପିଙ୍କି ଘର ଘର ବୁଲି ମୋଦି ଗ୍ୟାରେଣ୍ଟି ବାର୍ତ୍ତା ଲୋକମାନଙ୍କୁ ବୁଝାଇବା ସହ କିପରି ବିଜେପି ଓଡିଶାରେ ସରକାର ଗଢିବ ସେ ସମ୍ପର୍କରେ ମଧ୍ୟ ଭୋଟରମାନଙ୍କୁ କହିଛନ୍ତି । ଏହାସହ ବିଜେପି ପ୍ରାର୍ଥୀଙ୍କୁ ବିଜୟ ମୁକୁଟ ପିନ୍ଧାଇବା ପାଇଁ ଆଶୀର୍ବାଦ ଭିକ୍ଷା କରିଛନ୍ତି । ଚଳିତ ନିର୍ବାଚନରେ ପ୍ରଭାତୀ ପରିଡ଼ା ନିଶ୍ଚିତ ବିଜୟ ହେବା ସହିତ ପ୍ରଧାମନ୍ତ୍ରୀ ନରେନ୍ଦ୍ର ମୋଦି ପୁଣିଥରେ ପ୍ରଧାନମନ୍ତ୍ରୀ ହେବେ ବୋଲି ଦୃଢୋକ୍ତି ପ୍ରକାଶ କରିଛନ୍ତି ପିଙ୍କି । ତେବେ ଆଜିର ବିଜେପି ପ୍ରଚାରରେ ତମ୍ପାଳ ପଞ୍ଚାୟତ ସରପଞ୍ଚ ଅଜୟ ପରିଡ଼ାଙ୍କ ସମେତ ଶତାଧିକ କର୍ମୀ ସାମିଲ ଥିଲେ ।
ଇଟିଭି ଭାରତ, ନିମାପଡ଼ା