ହାଇଦ୍ରାବାଦ:ସ୍ମାର୍ଟଫୋନ ଏପରି ଏକ ଡିଭାଇସ ଯେଉଁଥିରେ ୟୁଜର୍ ସେମାନଙ୍କ ଗୁରୁତ୍ବପୂର୍ଣ୍ଣ ଡକ୍ୟୁମେଣ୍ଟ ଠାରୁ ଆରମ୍ଭ କରି ଫଟୋ ଆଦି ସାଇତି ରଖିଥାନ୍ତି । ଏପରିକି ବ୍ୟାଙ୍କିଙ୍ଗ ଡିଟେଲ୍ସ ମଧ୍ୟ ଏଥିରେ ରହିଥାଏ । ଏପରି କ୍ଷେତ୍ରରେ ଯଦି ଆପଣଙ୍କ ମୋବାଇଲ ଫୋନ ହ୍ୟାକ୍ ହୋଇଯାଉଛି, ତେବେ ଆପଣ ସମସ୍ୟାରେ ପଡ଼ିଯିବେ । ଆପଣଙ୍କ ଟଙ୍କା ବି ଗାଏବ ହୋଇପାରେ । ଖାଲି ସେତିକି ନୁହେଁ ଠକମାନେ ଆପଣଙ୍କୁ କଲ୍ କରି ବ୍ଲାକମେଲ୍ କରିପାରନ୍ତି । ଏପରି ବିପଦରୁ ବର୍ତ୍ତିବାକୁ ହେଲେ ଆପଣ ନିଜ ଫୋନରେ କିଛି ସେଟିଂ କରନ୍ତୁ । ଯାହାଦ୍ବାରା ଆପଣ ଓ ଆପଣଙ୍କ ତଥ୍ୟ ସୁରକ୍ଷିତ ରହିପାରିବ ।
ନିମ୍ନଲିଖିତ ଟିପ୍ସକୁ ଅନୁସରଣ କରନ୍ତୁ:-
ଅପରେଟିଂ ସିଷ୍ଟମକୁ ଅପଡେଟ ରଖନ୍ତୁ:- ସର୍ବଦା ଆପଣଙ୍କ ସ୍ମାର୍ଟଫୋନରେ ଲାଟେଷ୍ଟ ଅପରେଟିଂ ସିଷ୍ଟମ୍ (ଯେପରିକି ଆଣ୍ଡ୍ରଏଡ୍ କିମ୍ବା ଆଇଓଏସ୍ ) ବ୍ୟବହାର କରନ୍ତୁ । ଅପଡେଟ୍ସ ଗୁଡିକରେ ସୁରକ୍ଷା ଅପଡେଟ୍ ଅନ୍ତର୍ଭୂକ୍ତ ହୁଏ ଯାହା ଆପଣଙ୍କର ସ୍ମାର୍ଟଫୋନକୁ ହ୍ୟାକର୍ସମାନଙ୍କ ଠାରୁ ରକ୍ଷା କରିଥାଏ ।
ମଜଭୁତ ପାସୱର୍ଡର ଉପଯୋଗ କରନ୍ତୁ:-ନିଜ ଫୋନ, ଇ-ମେଲ ଓ ଆପ୍ସ ଲାଗି ମଜଭୁତ ପାସୱର୍ଡ ବ୍ୟବହାର କରନ୍ତୁ । ପାସୱର୍ଡରେ ଅକ୍ଷର, ସଂଖ୍ୟା ଓ ସ୍ପେଶାଲ କ୍ୟାରେକ୍ଟରକୁ ସାମିଲ କରନ୍ତୁ । ଏହାସହିତ ଅଲଗା ଅଲଗା ଆପ୍ ଲାଗି ଅଲଗା ପାସୱାର୍ଡର ବ୍ୟବହାର କରନ୍ତୁ ।
ଟୁ-ଫ୍ୟାକ୍ଟର ଅନ୍ଥେଟିକେସନ ବ୍ୟବହାର କରନ୍ତୁ:-ଏହା ଏକ ଅତିରିକ୍ତ ସୁରକ୍ଷା ସ୍ତର ଯାହା ଆପଣଙ୍କ ଆକାଉଣ୍ଟକୁ ହ୍ୟାକ୍ ହେବାରୁ ରକ୍ଷା କରିଥାଏ । ଏଥିରେ ଆପଣଙ୍କର ପାସୱାର୍ଡ ବ୍ୟତୀତ ଆପଣଙ୍କୁ ଏକ ଅତିରିକ୍ତ କୋଡ୍ ମଧ୍ୟ ଦେବାକୁ ପଡିବ ଯାହା ଆପଣଙ୍କର ସ୍ମାର୍ଟଫୋନକୁ ପଠାଯାଏ ।
ଅଜଣା ସୋର୍ସରୁ ଆପ୍ ଡାଉନଲୋଡ କରନ୍ତୁ ନାହିଁ:-ଗୁଗୁଲ୍ ପ୍ଲେ ଷ୍ଟୋର କିମ୍ବା ଆପଲ୍ ଆପ୍ ଷ୍ଟୋର୍ରୁ ସର୍ବଦା ଆପ୍ ଡାଉନଲୋଡ୍ କରନ୍ତୁ । ଅଜଣା ଉତ୍ସ କିମ୍ବା ଥାର୍ଡ ପାର୍ଟି ଆପ୍ ଷ୍ଟୋରରୁ ଆପ୍ ଡାଉନଲୋଡ୍ କରିବା ଆପଣଙ୍କ ସ୍ମାର୍ଟଫୋନରେ ମାଲୱେର୍ ଇନଷ୍ଟଲ କରିବାରେ ବିପଦ ସୃଷ୍ଟି କରେ ।
ପବ୍ଲିକ Wifi ପ୍ରତି ସାବଧାନ ! :- ପବ୍ଲିକ ୱାଇଫାଇ ନେଟୱର୍କରେ ସମ୍ବେଦନଶୀଳ ତଥ୍ୟ ଯେପରିକି ବ୍ୟାଙ୍କ ଡିଟେଲ୍ସ ଓ ପାସୱର୍ଡର ଆକ୍ସେସ କରନ୍ତୁ ନାହିଁ । ୟଦି ଆପଣ ପବ୍ଲିକ ୱାଇଫାଇ ବ୍ୟବହାର କରୁଛନ୍ତି ତେବେ VPN ବ୍ୟବହାର କରିବା ଉପରେ ବିଚାର କରନ୍ତୁ
