Jioର ଧମାକା ଦିୱାଲି ଅଫର; Rs 699ରେ କିଣନ୍ତୁ 4G ମୋବାଇଲ

ରିଲାଏନ୍ସ ଜିଓ ଆଣିଲା ଧମାକା ଦୀପାବଳି ଅଫର । 1000ଟଙ୍କାରୁ କମ ଦାମରେ ମୋବାଇଲ କିଣୁଥିଲେ ପଢନ୍ତୁ ଏହି ଖବର...

ହାଇଦ୍ରାବାଦ:ରିଲାଏନ୍ସ ଜିଓ ଆଳୋକର ପର୍ବ ଦୀପାବଳିକୁ ଦୃଷ୍ଟିରେ ରଖି ଗ୍ରାହକଙ୍କ ଲାଗି ଦମଦାର ଅଫର ଆଣିଛି । ଜିଓ ଭାରତ 4ଜି (JioBharat 4G) ଓ ଜିଓ ଭାରତ କେ1 କାର୍ବନ (JioBharat K1 Karbonn) ଫୋନ ଉପରେ କମ୍ପାନୀ 300ଟଙ୍କା ଡିସକାଉଣ୍ଟ ଦେଉଛି । ଗ୍ରାହକ ଏହି 2ଟି 4ଜି ମୋବାଇଲକୁ ମାତ୍ର 699ଟଙ୍କାରେ କିଣିପାରିବେ । ତେବେ କମ୍ପାନୀ କିଛି ସମୟ ଲାଗି ଏହି ଅଫର ଦେଉଛି । ଯେଉଁମାନେ ଏବେ ବି 2G ମୋବାଇଲ ବ୍ୟବହାର କରୁଛନ୍ତି, ସେମାନେ ଏହି ଲିମିଟେଡ ଅଫରର ଲାଭ ଉଠାଇପାରିବେ ।

ଫୋନର ପ୍ରମୁଖ ଫିଚର:-

• JioBharat K1 କାର୍ବନ୍ ଏବଂ JioBharat V2 ଏକ 1.77 -ଇଞ୍ଚର କଲର ସ୍କ୍ରିନ ସହିତ ମାଇକ୍ରୋ ଏସଡି କାର୍ଡ ସ୍ଲଟ୍ ସହିତ ଆସିଥାଏ ଯାହା ବ୍ୟବହାରକାରୀଙ୍କୁ 128GB ପର୍ଯ୍ୟନ୍ତ ଷ୍ଟୋରେଜ ଅନୁମତି ଦେଇଥାଏ ।
• ଉଭୟ 1000mAh ବ୍ୟାଟେରୀ ସହିତ ଆସିଥିବା ବେଳେ ଏକ ଡିଜିଟାଲ୍ ରିୟର କ୍ୟାମେରା ରହିଛି ।
• 4G ଫିଚର ଫୋନ୍ କେବଳ Jio ନେଟୱାର୍କକୁ ସପୋର୍ଟ କରୁଥିବା ବେଳେ ଏହା 23ଟି ଭାଷାକୁ ସମର୍ଥନ କରେ ।
• ଏହି ଫୋନରେ JioCinema ଏବଂ JioPay ପରି ଆପ୍ ମଧ୍ୟ ଅଛି । ଯାହାକି QR କୋଡ୍ ସ୍କାନ୍ କରି ଉପଭୋକ୍ତାମାନଙ୍କୁ UPI ଦେୟ ଦେବାକୁ ଅନୁମତି ଦେଇଥାଏ ।
• Jioର କହିବାନୁସାରେ ଉଭୟ ଡିଭାଇସ୍ କଲ୍ ରେକର୍ଡିଂକୁ ମଧ୍ୟ ସମର୍ଥନ କରେ ।

JioBharat K1 Karbonn 4G (Photo- Reliance Jio)

ଏହା ବି ପଢନ୍ତୁ

ରିଚାର୍ଜ ପ୍ଲାନ:-

ଏହି ଫୋନ ଲାଗି ମାତ୍ର 123ଟଙ୍କା ମାସିକ ରିଚାର୍ଜ ପ୍ଲାନ ଉପଲବ୍ଧ । ଯେଉଁଥିରେ ମିଳେ

• ଅନଲିମିଟେଡ ଫ୍ରି ଭଏସ କଲ୍‌
• 14GB ଡେଟା (ପ୍ରତି ମାସ)

ଏହି ପ୍ଲାନ ଅନ୍ୟ ନେଟୱର୍କ ତୁଳନାରେ 40% ଶସ୍ତା । ଅନ୍ୟ ଫିଚର ଫୋନ ନେଟୱର୍କରେ 199ଟଙ୍କା ଖର୍ଚ୍ଚ କରିବାକୁ ପଡ଼େ । ଜିଓ ଫୋନରେ ବ୍ୟବହାରକାରୀ ମାସକୁ 76ଟଙ୍କା ସଞ୍ଚୟ କରିପାରିବେ । ଏହିପରି ଭାବରେ 9ମାସ ମଧ୍ୟରେ ଆପଣ ଫୋନ ଉପରେ ପୁରା ଟଙ୍କା ଉଠାଇପାରିବେ ।

JioBharat V2 (Photo- Reliance Jio)

କେଉଁଠୁ କିଣିବେ ?

ଏହି ଦୁଇଟି ଉଭୟ ଆପଣଙ୍କ ନିକଟସ୍ଥ ରିଟେଲ ଷ୍ଟୋର ବ୍ୟତୀତ JioMart ଓ Amazonରେ ଉପଲବ୍ଧ । ଜିଓର ଏହି ଦିୱାଲି ଅଫର 4ଜି ଟେକ୍ନୋଲୋଜିର ଅନୁଭବ ପାଇବାକୁ ଚାହୁଁଥିବା ଗ୍ରାହକଙ୍କ ଲାଗି ସୁବର୍ଣ୍ଣ ସୁଯୋଗ ।