ହାଇଦ୍ରାବାଦ: ଜାପାନ କମ୍ପାନୀ ମାରୁତି ସୁଜୁକି ନିକଟରେ ଏହାର ନୂଆ ମାରୁତି ଡିଜାୟାର କାର ଲଞ୍ଚ କରିଛି । ଏହା ମାରୁତି ଡିଜାୟାରର ଚତୁର୍ଥ ଭର୍ସନ । ଏହି କାର ଗ୍ଲୋବାଲ NCAP ଦ୍ବାରା 5-ଷ୍ଟାର ସେଫ୍ଟି ରେଟିଂ ପାଇବାରେ ପ୍ରଥମ କାର ହୋଇପାରିଛି । କମ୍ପାନୀ ଏହି କାରର ପ୍ରାରମ୍ଭିକ ମୂଲ୍ୟ 6.79ଲକ୍ଷ ଟଙ୍କା ରଖିଛି । ତେବେ ନୂଆ ଡିଜାୟାର ପୁରୁଣା ଡିଜାୟାରଙ୍କ ତୁଳନାରେ କେତେ ଭଲ ଓ କଣ ଏଥିରେ ଭିନ୍ନତା ରହିଛି ସେ ସମ୍ପର୍କରେ ଆସନ୍ତୁ ଜାଣିବା ।
ନୂଆ ବନାମ ପୁରୁଣା Maruti Dzireର ଡିଜାଇନ:-
କହିବାକୁ ଗଲେ ଉଭୟ କାରର ସାମଗ୍ରିକ ଲୁକ୍ ପ୍ରାୟ ସମାନ ରହିଛି । କିନ୍ତୁ ନୂତନ ଡିଜାଯାରରେ ଅଧିକ ଭଲ ଲୁକ୍ ମିଳିଛି । ପୁରୁଣା ମଡେଲ ପରି ନୂତନ ଡିଜାୟାରର ବାହାର ଭାଗ ମାରୁତି ସ୍ବିଫ୍ଟ ସହିତ କୌଣସି ସମାନତା ରଖାଯାଇ ନାହିଁ । ଏଲଇଡି DRL ସହିତ ଆସିଥିବା ପ୍ରୋଜେକ୍ଟର ହେଡଲ୍ୟାମ୍ପଗୁଡ଼ିକ ପୁରୁଣା ମଡେଲ ଅପେକ୍ଷା ନୂଆରେ ହାଲୁକା । 6ଟି ଭୂସମାନ୍ତର ଗ୍ରୀଲ ପୂର୍ବ ଅପେକ୍ଷା ବଡ଼ ।
| ପରିମାପ | ନୂତନ ମାରୁତି ଡିଜାୟାର | ପୁରୁଣା ମାରୁତି ଡିଜାୟାର |
| ଦୈର୍ଘ୍ୟ | 3,995 ମିମି | 3,995 ମିମି |
| ମୋଟେଇ | 1,735 ମିମି | 1,735 ମିମି |
| ଉଚ୍ଚତା | 1,525 ମିମି | 1,515 ମିମି |
| ହ୍ବିଲ୍ ବେସ୍ | 2,450 ମିମି | 2,450 ମିମି |
| ଗ୍ରାଉଣ୍ଡ କ୍ଲିୟରାନ୍ସ | 163 ମିମି | 163 ମିମି |
| ବୁଟ୍ ସ୍ପେସ୍ | 382 ଲିଟର | 378 ଲିଟର |
| ଚକ ଏବଂ ଟାୟାର | 185/65 R15 | 185/65 R15 |
| ଓଜନ | 920-1025 କିଗ୍ରା | 880-995 କିଗ୍ରା |
ନୂଆ ଓ ପୁରୁଣା ମାରୁତି ଡିଜାୟାରର ଇଣ୍ଟିରିଅର:-
ଉଭୟ କାରର ଭିତର ଭାଗ ଦେଖିଲେ ନୂଆ ଡିଜାୟାରରେ ନୂତନ ମାରୁତି ସ୍ବିଫ୍ଟ ସହିତ ସମାନ ଥିବା ବେଳେ ବିଦ୍ୟମାନ କମ୍ପାକ୍ଟ ସେଡାନ ଠାରୁ ସମ୍ପୂର୍ଣ୍ଣ ଭିନ୍ନ । ନୂତନ ଡିଜାୟାରର ଡ୍ୟାସବୋର୍ଡରେ ଏକ ଆଧୁନିକ ଏବଂ ମଲ୍ଟି ସ୍ତରୀୟ ଡିଜାଇନ ଅଛି ଯାହାର ମଝିରେ ଫ୍ରି-ସେଟିଂ ଟଚସ୍କ୍ରିନ୍ ରହିଛି । ଇନଷ୍ଟ୍ରୁମେଣ୍ଟ କ୍ଲଷ୍ଟର ନୂତନ ଡାଏଲ୍ ଏବଂ ଏକ ନୂତନ MID ମିଳିଛି । ଅଟୋ ଏସି ଏବଂ ନୂତନ ଭାବରେ ଡିଜାଇନ୍ ହୋଇଥିବା AC ଭେଣ୍ଟ ମଧ୍ୟ ଉପଲବ୍ଧ ।
ନୂଆ ଡିଜାୟାରର କ୍ୟାବିନରେ ସବୁଠାରୁ ବଡ ପରିବର୍ତ୍ତନ ଏହାର ଫିଚର ତାଲିକାରେ ଅଛି ଯାହା ପୂର୍ବ ମଡେଲ ତୁଳନାରେ ବହୁତ ଲମ୍ବା । ଏଥିରେ ଏକ ବଡ଼ 9-ଇଞ୍ଚ୍ ଟଚସ୍କ୍ରିନ, ସେଗମେଣ୍ଟରେ ପ୍ରଥମ ଥର ପାଇଁ ପାୱାର୍ଡ ସନରୁଫ୍, 360 ଡିଗ୍ରୀ କ୍ୟାମେରା, କ୍ରୁଜ୍ କଣ୍ଟ୍ରୋଲ୍, ୱେୟାରଲେସ ଚାର୍ଜର ଏବଂ ସୁଜୁକି କନେକ୍ଟ ଇନ୍-କାର୍ କନେକ୍ଟିଭିଟି ସୁଟ୍ ଭଳି ଫିଚର ଅଛି ।
ଇଞ୍ଜିନ ଓ ମାଇଲେଜ:-
ନୂତନ ଡିଜାୟାରରେ ନୂଆ Z12E ପେଟ୍ରୋଲ ଇଞ୍ଜିନ ରହିଛି ଯାହାକି ନୂଆ ସ୍ବିଫ୍ଟରେ ପ୍ରଥମ ଥର ବ୍ୟବହୃତ ହୋଇଥିଲା । କିନ୍ତୁ ପୁରୁଣା ମଡେଲ୍ କେ-ସିରିଜ୍ ଡୁଆଲ୍ ଜେଟ୍ ଇଞ୍ଜିନ୍ ସହିତ ଉପଲବ୍ଧ ଥିଲା ଯାହାକି 1.2-ଲିଟର, 4-ସିଲିଣ୍ଡର ଇଞ୍ଜିନ 89 ବିଏଚପି ପାୱାର ଏବଂ 113Nm ଟର୍କ ଉତ୍ପାଦନ କରୁଥିଲା । ନୂତନ 1.2-ଲିଟର, 3-ସିଲିଣ୍ଡର ଇଞ୍ଜିନ୍ 81 ବିଏଚପି ଶକ୍ତି ଏବଂ 112Nm ଟର୍କ ଉତ୍ପାଦନ କରେ ।
| ଇଞ୍ଜିନ ବିବରଣୀ | ନୂଆ Maruti Dzire ପେଟ୍ରୋଲ | ପୁରୁଣା Maruti Dzire ପେଟ୍ରୋଲ | ନୂଆ Maruti Dzire CNG | ପୁରୁଣା Maruti Dzire CNG |
| ଇଞ୍ଜିନ ଟାଇପ | Z12E, 3-ସିଲିଣ୍ଡର ନ୍ୟାଚୁରାଲି ଏସ୍ପିରେଟେଡ | K-ସିରିଜ, 4-ସିଲିଣ୍ଡର ଡୁଆଲଜେଟ ପେଟ୍ରୋଲ | Z12E, 3-ସିଲିଣ୍ଡର ନ୍ୟାଚୁରାଲି ଏସ୍ପିରେଟେଡ | K-ସିରିଜ, 4-ସିଲିଣ୍ଡର ଡୁଆଲଜେଟ ପେଟ୍ରୋଲ |
| ଇଞ୍ଜିନ ସିସି | 1,197cc | 1,197cc | 1,197cc | 1,197cc |
| ପାୱାର (bhp) | 81 bhp | 89 bhp | 68.79 bhp | 76.4 bhp |
| ଟର୍କ (NM) | 112 nm | 113 nm | 101.8 nm | 98.5 nm |
| ଗିଅରବକ୍ସ | 5-ସ୍ପିଡ ଏମଟି/5-ସ୍ପିଡ ଏଏମଟି | 5-ସ୍ପିଡ ଏମଟି/5-ସ୍ପିଡ ଏଏମଟି | 5-ସ୍ପିଡ ଏମଟି | 5-ସ୍ପିଡ ଏମଟି |
| ମାଇଲେଜ | 24.79/25.71 କିମି/ଲିଟର | 22.41/22.61 କିମି/ଲିଟର | 33.73 କିମି/କିଗ୍ରା | 31.12 କିମି/କିଗ୍ରା |
ନୂଆ ମାରୁତି ଡିଜାୟାର ଓ ପୁରୁଣା ଡିଜାୟାରର ଦାମ ?
ଉଭୟ କାରର ଦାମ ବିଷୟରେ କହିବାକୁ ଗଲେ ନୂଆ ଡିଜାୟାରର ଏଣ୍ଟ୍ରି-ଲେଭଲ୍ ଭାରିଏଣ୍ଟ ପାଇଁ ଆପଣଙ୍କୁ ପୂର୍ବ ମଡେଲ ତୁଳନାରେ 22,000 ଟଙ୍କା ଅଧିକ ଦେବାକୁ ପଡ଼ିବ । ତଥାପି ଅନେକ ଫିଚରକୁ ବିଚାରକୁ ନେଲେ ଏହି ରାଶି ଠିକ ବାଟରେ ଖର୍ଚ୍ଚ ହେବା ପରି ମନେ ହୁଏ । ସେହିପରି ଟପ୍-ସ୍ପେକ୍ ଭାରିଏଣ୍ଟ ପାଇଁ ଆପଣଙ୍କୁ ପୁରୁଣା ମଡେଲ ଅପେକ୍ଷା 75,000 ଟଙ୍କା ଅଧିକ ଦେବାକୁ ପଡ଼ିବ । ଏହି ଦାମଗୁଡ଼ିକ ହେଉଛି ଏହାର ପ୍ରାରମ୍ଭିକ ମୂଲ୍ୟ ଯାହା ଜାନୁଆରୀ 2025ରୁ ବୃଦ୍ଧି ପାଇପାରେ ।
| ଭାରିଏଣ୍ଟ | ନୂଆ Maruti Dzire | ପୁରୁଣା Maruti Dzire |
| ପେଟ୍ରୋଲ-MT | 6.79 - 9.69 ଲକ୍ଷ ଟଙ୍କା | 6.57 - 8.89 ଲକ୍ଷ ଟଙ୍କା |
| ପେଟ୍ରୋଲ-AMT | 8.24 - 10.14 ଲକ୍ଷ ଟଙ୍କା | 7.99 - 9.39 ଲକ୍ଷ ଟଙ୍କା |
| CNG-ଏମଟି | 8.74 - 9.84 ଲକ୍ଷ ଟଙ୍କା | 8.44 - 9.12 ଲକ୍ଷ ଟଙ୍କା |
| ସବୁ ଦାମ ଏକ୍ସ-ଶୋ'ରୁମ, ଭାରତ |
