ହାଇଦ୍ରାବାଦ:ସ୍ମାର୍ଟଫୋନ ନିର୍ମାତା କମ୍ପାନୀ ଏବେ ଧିରେ ଧିରେ ରେଗୁଲାର ଫୋନ ବଦଳରେ ଫ୍ଲିପ ଫୋନ ଉପରେ ଅଧିକ ଫୋକସ କରୁଛନ୍ତି । ଏହି ଟ୍ରେଣ୍ଡରେ ଏବେ ଇନଫିନିକ୍ସ ମଧ୍ୟ ସାମିଲ ହେବାକୁ ଯାଉଛି । କମ୍ପାନୀ ପକ୍ଷରୁ ଖୁବଶୀଘ୍ର ଏକ ଫୋଲ୍ଡେବଲ ସ୍ମାର୍ଟଫୋନ ଲଞ୍ଚ ହେବାକୁ ଯାଉଛି । କାରଣ ଏହା କମ୍ପାନୀର ପ୍ରଥମ ଫୋଲ୍ଡେବଲ ଫୋନ ହେବାକୁ ଯାଉଛି । ମାର୍କେଟକୁ ଆସିବା ପୂର୍ବରୁ ଫୋନ ସମ୍ପର୍କରେ କିଛି ତଥ୍ୟ ଲିକ୍ ହୋଇଛି । ଯେଉଁଥିରେ ଫୋନର ଡିଜାଇନ ସାଙ୍ଗକୁ ଫିଚର୍ସ ସମ୍ପର୍କରେ ଜଣାପଡ଼ିଛି ।
ଭାରତରେ Infinix Zero Flip 5Gର ଦାମ କେତେ ହୋଇପାରେ ?
ମିଡିଆ ରିପୋର୍ଟ ଅନୁସାରେ ଇନଫିନିକ୍ସ ଜିରୋ ଫ୍ଲିପ 5ଜି ଫୋନ ଖୁବଶୀଘ୍ର ଭାରତ ସମେତ ବିଶ୍ବ ବଜାରରେ ଲଞ୍ଚ ହେବାକୁ ଯାଉଛି । ଭାରତରେ ଏହାର ଦାମ 50ହଜାରରୁ ଆରମ୍ଭ କରି 55ହଜାର ଟଙ୍କା ମଧ୍ୟରେ ରହିପାରେ । ସୂଚନା ଥାଉ କି Samsung ନିଜର ଗାଲାକ୍ସି ଜେଡ ଫ୍ଲିମ 6 ଫୋନକୁ ଭାରତରେ 1,09,999ଟଙ୍କାରେ ଲଞ୍ଚ କରିଛି । କିନ୍ତୁ ଇନଫିନିକ୍ସର ଏହି ଫୋଲ୍ଡେବଲ ଫୋନ ଭାରତୀୟ ବଜାରରେ ସାମସଙ୍ଗଠାରୁ ଅଧା ଦାମରେ ବିକ୍ରି ହେବ ।