ଏଣିକି ଆସିବ ସ୍ବଦେଶୀ AMOLED ସ୍କ୍ରିନ; IIT ମାଡ୍ରାସରେ ଖୋଲିଲା ଆମୋଲେଡ ରିସର୍ଚ୍ଚ ସେଣ୍ଟର

ଆଇଆଇଟି ମାଡ୍ରାସ ଆମୋଲେଡ ରିସର୍ଚ୍ଚ ସେଣ୍ଟର ଲଞ୍ଚ କରିଛି । ଯାହାକି ଆଗାମୀ ଦିନରେ AMOLED ଓ OLED ସ୍କ୍ରିନ ବିକଶିତ କରିବାକୁ ୟାଉଛି । ଅଧିକ ପଢନ୍ତୁ

ହାଇଦ୍ରାବାଦ:ଏଣିକି ବଜାରରେ ମିଳିବ ସ୍ବଦେଶୀ AMOLED ଡିସପ୍ଲେ । କାରଣ ତାମିଲନାଡୁ ସ୍ଥିତ ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି ମାଡ୍ରାସ (IIT Madras) ସ୍ମାର୍ଟଫୋନ, ଟାବଲେଟ୍, ଘଣ୍ଟା ଏବଂ ପରିଧାନ ଯୋଗ୍ୟ ସାମଗ୍ରୀ ପାଇଁ AMOLED ଡିସପ୍ଲେର ପରବର୍ତ୍ତୀ ଜେନେରେସନ ବିକାଶ ଲାଗି ଏକ 'AMOLED ରିସର୍ଚ୍ଚ ସେଣ୍ଟର' ଉନ୍ମୋଚନ କରିଛି । ଏହି ସେଣ୍ଟରଟି ଭାରତ ସରକାରଙ୍କ ନ୍ୟାସନାଲ ସେଣ୍ଟର ଅଫ୍ ଏକ୍ସିଲେନ୍ସ ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରାଳୟ (MeitY), ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ (DRDO) ଏବଂ ଟାଟା ସନ୍ସ ଦ୍ବାରା ଆର୍ଥିକ ଅନୁଦାନ ପ୍ରାପ୍ତ । ଭାରତର ପ୍ରଦର୍ଶନ ଉତ୍ପାଦନ ଶିଳ୍ପକୁ ଆଗକୁ ନେବା ଦିଗରେ ଏହି କେନ୍ଦ୍ର କାମ କରିବ ।

ଆଇଆଇଟି ମାଡ୍ରାସର ଇଲେକଟ୍ରିକ ଇଞ୍ଜିନିୟରିଂ ବିଭାଗରେ ଅବସ୍ଥିତ ଏହି ସେଣ୍ଟରରେ ଏକ ଅତ୍ୟାଧୁନିକ କ୍ଲିନରୁମ୍ ଅଛି ଯେଉଁଥିରେ ‘ଶ୍ରେଣୀ 100’ ଏବଂ ‘ଶ୍ରେଣୀ 1000’ ମୂଲ୍ୟାୟନ ରହିଛି । ଏହା ଉନ୍ନତ ଉପକରଣ ସହିତ ମଧ୍ୟ ସଜ୍ଜିତ । ଏହି ସେଣ୍ଟରର ମୁଖ୍ୟ ଗଠନ ପ୍ରଣାଳୀ ହେଉଛି ଏକ OLED କ୍ଲଷ୍ଟର ଯେଉଁଠାରେ ଅଭିବୃଦ୍ଧି ପାରାମିଟରଗୁଡିକର ସଠିକ ନିୟନ୍ତ୍ରଣ ସହିତ ମଲ୍ଟିଲେୟର୍ OLED ଗୁଡିକ ବିକଶିତ କରାଯାଇପାରିବ ।

ARC ଉନ୍ମୋଚନ କରୁଛନ୍ତି MeitYର ସେକ୍ରେଟାରୀ ଶ୍ରୀ ଏସ. କ୍ରିଷ୍ଣନ (ETV Bharat)

ଏହା ବି ପଢନ୍ତୁ

ଏହି ସେଣ୍ଟରରେ ଆଇଆଇଟି ମାଡ୍ରାସ ଦ୍ବାରା ନିର୍ମିତ ଏକ ଉନ୍ନତ ପିକ୍ସେଲ ପ୍ୟାଟର୍ଣ୍ଣିଂ ସିଷ୍ଟମ ରହିଛି ଯାହାକି ଦ୍ରୁତ ଅଭିବୃଦ୍ଧି ଏବଂ ପ୍ୟାଟର୍ଣ୍ଣିଂ ପଦ୍ଧତି ମାଧ୍ୟମରେ ପରବର୍ତ୍ତୀ-ଜେନ AMOLED ଡିସପ୍ଲେ ଉପରେ ଫୋକସ କରିବ । ଏହା ସହିତ କେନ୍ଦ୍ରରେ ଆଲୋକ ଏବଂ ଟିଭି ପାଇଁ ଧଳା OLED ଏବଂ ଜୈବିକ ଫୋଟୋଭୋଲ୍ଟିକ୍ ଉପକରଣ ଉପରେ କାମ କରିବ ।

ଉନ୍ମୋଚନ ହେଲା AMOLED ରିସର୍ଚ୍ଚ ସେଣ୍ଟର:-

ଡିସେମ୍ବର 21ରେ MeitYର ସେକ୍ରେଟାରୀ ଶ୍ରୀ ଏସ. କ୍ରିଷ୍ଣନଙ୍କ ଦ୍ବାରା ଏହି ସେଣ୍ଟରକୁ ଉନ୍ମୋଚିତ କରାଯାଇଥିବା ବେଳେ ସେ ଖୁସିବ୍ୟକ୍ତ କରିଛନ୍ତି । ସେ ସେଣ୍ଟରର ଭୂମିକା କଣ ରହିବ ସେ ନେଇ ଆଲୋଚନା କରିଥିବା ବେଳେ ଭାରତ ସରକାରଙ୍କ ଦ୍ବାରା ସମସ୍ତ ଖର୍ଚ୍ଚ ବହନ କରାଯିବ ବୋଲି କହିଥିଲେ । ଡିଜିଟାଲ ଡିଭାଇସ ଯେପରିକି ସ୍ମାର୍ଟଫୋନ, ସ୍ମାର୍ଟୱାଚ ଓ ଟାବଲେଟ ଲାଗି ନୂଆ ଟେକନିକର ଆମୋଲେଡ ଡିସପ୍ଲେ ଉତ୍ପାଦନ ସମ୍ପର୍କରେ କହିଥିଲେ । ଏହି ସେଣ୍ଟରରେ OLED ଲାଇଟିଂ ଓ OPV ପାୱାର ଲାଗି ପ୍ରୋଟୋଟାଇପ ସୃଷ୍ଟି ଉପରେ ମଧ୍ୟ ଗୁରୁତ୍ବ ଦିଆଯିବ ।

ବ୍ୟୁରୋ ରିପୋର୍ଟ, ଇଟିଭି ଭାରତ